JOSUA 7:25 - PATHIAN LEKHABU IRTHIANG C.L. Bible (BSI)

²⁵ Josua’n, itho mo ni nin kamangtir bâka? Rengpa’n a vuan hin ni nin kamangtir tâk a ni hi,” a tia. Mi murdi’n Akana le a insûnghai chu lungin an dênga, an nei murdi le ileh khan an hâl tâka.

JOSUA 7:25 ပူးပေါင်းရင်းမြစ်များ

IRPHUTNA 34:30

Khan, Jakoba’n Simeona le Levia kuang khan, “Nangni’n hi rama omhai laia, Kanaan le Periz-hai laia hin ni hmumâkna sin nin thoa, ei tôm sikin pungkhôm an ta an ni idoi hrang a ni, ni that an ta ki’rchihai leh irhmang vingin kin iom hrang a ni,” a tia.

IRPHUTNA 38:24

Khanchu tha thum zoia chu mihaiin Juda kha, “Ni moinu Tamari khan pasal a zonga, khakhêla pa irdang loiin nâi a vong,” tiin an hrila; khanchu Juda’n, “Hruaisuak unglân hâl thatpai roi,” a tia.

1 THURCHI SUINA 2:7

Zera irchi laia mi Karmia nâi Akhara hin Pathian ta hranga ser ir-uptir hlat a tum tâk sikin Israelhaiin an lei tuanga.

THUVÂRHAI 1:19

Itiklai khomin inru thilin an rûktu hringna a lâk ngaia, khasikin, tukhom thisen insua mihai murdi fena lampui chu khaang kha a ni.

THUVÂRHAI 15:27

Mi huatirham khan ama in sûngkua an buai ngaia, fâk inrûk fa ngai loihai rêk chu irfûktir a ti.

LEVI DÂN 20:14

Mi’n nulefa dôngma’n a neiin chu thil inzakom tak an itho a nia, an inthumin hâl that hrang an ni, hiang thil hi nin laia, a tho an iom hrang ni mah.

LEVI DÂN 20:2

“Israel mihai hril ro; Israel mi’n mani, nin laia om, ram dang mi’n mani, Moleka kuang mani, nâi an hlanin chu that hrang a ni, pungkhômhaiin lungin an idêngthat hrang a ni.

LEVI DÂN 21:9

Ochai nâinu notizuar khan a pa a mualinphoitira, hâl that hrang a ni.

LEVI DÂN 24:14

“Kha mi kha dâi pên tiang hruaiin lân, Pathian khua a isâl lai inhretuhai khan a lu chunga an kut irnghathai sianlân, mipuiin lungin dêngthat ri sehai.

GALATIA 5:12

Nangni inbuai ka chu ser an itan vai ni loiin, kha khan tho li lia ri se; tan sabak ri se ki inuam a ni.

DÂN INHNINA 13:10

Khan Jordan dung nin irkân tena Rengpa’n ram a inkung kha nangni inhriattir a ta, nin râlhai ata nangni hrung a ta, irtharngam takin lêng ta nin ti.

DÂN INHNINA 13:11

Khanchu, Israel mi murdi’n inhria an ta, chi an ta; nin laia khaanga thilsual kha tho nôk ta ngai no chin ni.

DÂN INHNINA 17:5

kul mikota, khaang mi kha pasal mani, nupang mani chu, hong hruai nin ta, kha mi kha lungin nin idêng that hrang a ni.

DÂN INHNINA 21:21

Kho sûnga mi murdi khan lungin an idêng that hrang a ni; khaang thil saloi kha nin lai ata nin inboipai zit hrang a ni. Israel mi murdi’n inhria an ta, chi an ti.

2 THESALONIKA toc2 2 THESALONIKA 1:6

Pathian chu dik takin thil a tho ngaia, deng nangni intheitirtuhai chu intakna’n thuan a ti.

HEBRAI toc2 HEBRAI 12:15

Tûte Pathian lungkhamna ata kîr nôk loia, thingkung khâ hong inchera, a tûr sika buaina tamtak insua anga mi om loi hrangin en zit roi.

JOSUA 6:18

Kha, thilser tak rêng rêng chu ite nin insiat hrang ni mah, inkhat khom nin ilâk hrang ni ma, nin lâkin chu Israelhai om khômna buka siatna irkhêltak a itung hrang a ni.

JOSUA 7:15

Thilser khak lâktu chu ama leh a nei murdi le meiin hâl zit hrang a ni. Rengpa Thuthung an siata, Israelhai ta hrangin thil inzakpuiom tak a ni,” a tia.

1 SAMUELA 14:29

Jonathana khan, “Ka pa hin kin mihai lungzîng a isakhai a ni hi te na! En ro, khuaihlutui a chînte ki hong in khoma ki hong ihar ok a nia!