JOSUA 6:24 - PATHIAN LEKHABU IRTHIANG C.L. Bible (BSI)

²⁴ Khua leh a sûnga om murdi chu an hâl zita; sumruhai, rângachak hai, dâr bêlhai, thîrhai rêk chu Rengpa sum ina an siaa.

JOSUA 6:24 ပူးပေါင်းရင်းမြစ်များ

2 SAMUELA 10:5

Insûnga hong kîr kha an inzak ok tâka, Davida’n kha thu kha an hriatin chu, a don hrangin mi a tîra, “Nin hnerkamul a mônga a sei mâka chu Jeriko-a om unglân, kha zoi le la hong ta roi,” a tia.

2 RÊNGHAI 25:9

Tempil chu a hâla, rêng inhai le Jerusalema mi lianhai in khom a hâl pehaia.

1 THURCHI SUINA 18:11

Edom hai, Moab hai, Amon hai, Filistia hai le Amalek hai a sutpaia, rângachak hai, sumru hai le dârhai chu Davida’n tempil sinna hrangin a pêkpai vinga.

NAMBAR 31:10

Khanchu an riakbukhai le an khopui lianhai kha an hâl pehai ving tâka.

DÂN INHNINA 13:16

An thil nei murdihai nin ilâkhai kha khopui tual zôl irzat taka buk khôm nin ta, an khua le sum nin ilâkpai pehai kha nin ihâl zit hrang a ni; Rengpa ta hranga ser tâk kha tûte’n la no ri sehai; Rengpa nin Pathian ta hrang hâlirvôm thilinhlana hâl irhmang zit hrang a ni; kumkhuaa thil chim siat chit ang ni a ta, tûte’n an inding nôk hrang ni ma.

DÂN INHNINA 13:17

Rengpa tah hranga ser tâk chu tûte’n la no ri se; khanchu, Rengpa ningmur kha chum a ta, lung nangni inkham a ta, nin chunga khâzana nei a ta, nin pahai kuanga a inkung angin nangni inpungtir nôk a ti.

DÂN INHNINA 20:16

Rengpa nin Pathianin nangni a ipêk ram neituhai khopui rêk chu hring ka kaiin chu ite nin ihôi hrang ni ma.

JOSUA 11:11

Khuaa mi murdi chu a sât that zita; tûte damin insua mah. Hazor khua chu a hâla,

JOSUA 6:19

Sumru hai, rângachak hai, dâr hai leh thîrhai chu Rengpa sum ina sataka sia hrang a ni,” a tia.

JOSUA 6:25

Jeriko envêl hranga Josua mi tîrhai a lei inzôkhai sikin, notizuar Rahabi chu a pa insûng mi le, a nei murdi le ileh Josua’n a sansuaka, Israel laia atûn ten hin a la ikop mai a ni.

JOSUA 8:28

Khan, Josua’n Ai khua chu a hâl insiat zita, atûn ten hin a ram a isiat zit a ni ta.

THUPHUANG 17:16

Irki sôm le sahrâng ni ihmu khan notizuarnu kha hnôl an ti. Thil a inei murdi lapai pe zit an ta, bomboiin marak an ti. A hme khom fa an ta, meiin hâlirvôm an ti.

THUPHUANG 18:8

Khasika khan, sûn khat sûngin hremnahai, natnathai, beidongna hai, le châm hai hong tung zit a ti. Meiin hâlirhmang ni a ti, a roirêltu Rengpa Pathian kha a hrât sikin,” a tia.