JOSUA 4:19 - PATHIAN LEKHABU IRTHIANG C.L. Bible (BSI)

¹⁹ Jordan tuidung chu tha khatna tarik sôm ni khan an irkân a ni. Jeriko sak tiang ramri kôl Gilgal-a omhmun an siam tâka.

JOSUA 4:19 ပူးပေါင်းရင်းမြစ်များ

2 RÊNGHAI 2:1

Rengpa’n Elija chu irvân tiang kêllaiherin a hruaina hrang zoro a hong tunga. Elija le Elisa chu Gilgal ata an fea, lampuia an fe laiin,

AMOSA 4:4

Bethel-a khan hong unglân, tho’nchâi roi; Gilgal-a khan hong unglân, tho’nchâina kha inpungtir roi, khan nin irbôlna kha nîtin hong la unglân, nin sôma inkhathai kha sûn thum danh zêla hong chôi roi.

AMOSA 5:5

Khannisianlân Bethel khua zong no unglân, Gilgala lût viat no unglân, Beerseba khuaa kâi no roi: Gilgal khua kha irningloiin sala an iman hrang a nia, Bethel khua kha chanlamboi hong ni a ti.

MIKA 6:5

O ki mihaio, Rengpa thil tho fel kha nin inhriat theina hrangin, Moab rêng Balaka thu’nkung le Beora nâipa Balaama’n a sâm dân, Sitim ata Gilgal dêna thil omziahai kha, atûn hin inhre mai roi.

DÂN INHNINA 1:3

Aigupta ram an suaksan kum sômminli, tha sômhleikhat, tarik khat nî chu an kuang hril hrang Rengpa ihril murdi chu Mosia khan a hrila.

DÂN INHNINA 11:30

Hi tânghai hi Jordan dung thang tiang, Kanaan ram sûnga om Jordan irhôr kho thang tâng, Gilgal kho kôla om a ni.

JOSUA 10:43

Josua le Israelhai chu an riakbuk Gilgal-a khan an kîr nôk tâka.

JOSUA 10:6

Gibeon mihaiin Gilgal-a Josua kuang mi an tîra, “Ni siahlo hi ni mâksan no ro, hong inrang latin lân, ni changpui ro, ni hong inzôk ro! tâng rama omhai Amor rênghaiin ni doi hrangin an irbukkhôm zita,” an tia.

JOSUA 15:7

Akor irhôr ata Debir khuaa a tungin a fe zêla, khan ivadung sim tianga om Adumin-a fena tianga om Gilgal a dêna. En-semes tuikhura a fe zêla, En-rogela a fea.

JOSUA 24:11

Jordan vadung nin kâia, Jeriko khuaa mihaiin nangni an lei doia; Amor mihai, Periz mihai, Kanaan mihai, Hit mihai, Girgas mihai, Hiv mihai le Jebus mihai khomin nangni an lei doia; khannisian nangni ki inhnêtir zit a ni.

JOSUA 4:18

Rengpa thuthung bôm irzôntuhai Jordan dung ata an hong suaka, ivadung pang an sirin chu Jordan tui chu a luang nôk zut zut tâka, matona ang dênin ivadung chu a sip nôk tâka.

JOSUA 5:10

Gilgal-a Israelhaiin riakbuk an khuara, Jeriko phâizôla khan, kha tha tarik sômkhat minli ni khan ferkân kût an hmanga.

JOSUA 5:9

Rengpa’n Josua kuang, “A vuan hin Aigupta mihaiin nangni an hmusitna kha kin boipai tâk,” a tia. Kha hmun kha atûn ten hin Gilgal an ti ta a ni.

JOSUA 9:6

Israelhai riakbuk Gilgal-a khan Josua an hong pana, a kuang, “Ram hlatak rengata kin honga, irngeina thu siam ei ti duah,” an tia.

1 SAMUELA 10:8

Khanchu ki fe mân hin Gilgal-a lei zu fe’n lân, keima khom pum hâlirvôm thilinhlan le irngeina irbôlnahai inhlan hrangin nangma kuang zuang ki ta; ki zuanga, ni itho hrang dân nang ki zuang hril mân sûn sari ni lei iom hrang a ni,” a tia.

1 SAMUELA 15:33

Samuela’n, “Ni khandaiin nu tamtak nâi boiin a isiam angin, ni nu khom nupang laia nâi boia siam ni ta a ti,” a tia. Khanchu Samuela khan, Agaga chu Gilgal khuaa Rengpa maichâm kôla khan ar chan indi tâka.