JOSUA 24:14 - PATHIAN LEKHABU IRTHIANG C.L. Bible (BSI)

¹⁴ “Khasikin, Rengpa chu inzâ unglân dik takin a sin tho ngit roi. Mesopotamia ram le Aigupta rama nin pi le puhai ibiak ngai pathian illimhai kha pai zit roi.

JOSUA 24:14 ပူးပေါင်းရင်းမြစ်များ

IRPHUTNA 17:1

Khan Abrama kha kum 99 mi a niin Rengpa chu a kuang an lâr pea, a iti chu, “Kei Pathian itinrêng thothei ki ni, ki kôla omin lân, satirkipin om mai roh.

IRPHUTNA 35:2

Khanchu, Jakoba’n a in mihai kôla omhai kuang khan, “Nin kôla mi dang pathian biakhai kha paihai unglân; irthiang takin nin tukfamhai thûl roi.

2 RÊNGHAI 20:3

O Rengpa ni mithmua hin dik takin ki om ngaia, lungrîl irthiang irputin thil sa ki tho ngaia, irngaihoi takin inhre mai ro, a tia, a chap ngûi ngûia.

EZRA 9:11

ni siahlo deipuhai hmanga, nin fena hrang, nin ram lua hrang rama mi omhai, porchena sikin a porche tâka, hmun tin kil tin intir a iom zoi a ni ta.

JOBA 1:1

Uz rama mi inkhat a oma, a’rhming chu Joba a ni; hi mi hi sêlnaboi, Pathian chi mi, mi iamom, thil saloihai ata irdîn thei mi a ni.

JOBA 28:28

Mihriamhai laia, “Irngai ro, Rengpa chi hi vârna a ni, thil saloi mâksan hi inhriat theina chu a ni,” a tia.

INPÂKNA HLAHAI 111:10

Rengpa chi chu vârna bul a nia; A thupêk zômhai ka kuang inhriat thiamna sa a pêk ngai. Ama’n pâkna chu kumkhua’n om mai a ti.

INPÂKNA HLAHAI 119:1

A hringnuna mi sa irkiphai chu an vân a sa, Rengpa dân zômtuhai chu.

INPÂKNA HLAHAI 119:80

Ki mualinphoi loina hrangin ki lungrîl hi ki thupêka khan sat irkipin om ri se.

INPÂKNA HLAHAI 130:4

Khannisianlân, ni ni ngaidama, Nang ki chi theina hrangin.

INPÂKNA HLAHAI 81:10

Kei, Rengpa nin Pathian kha ki ni, Aigupta ram ata nangni hruai kâitu kha: Nin bâi âng irzat unglân, nangni insip pe hrang a ni.

EZEKIELA 20:18

Ramchâra khan an nâihai kuanga, ‘Nin pahai thupêk zôm no unglân, an dânhai uksak ual loiin, an millimhai leh khan nangni le nangni porinchena no roi.

EZEKIELA 23:3

Dôngmate an ni lai khan Aigupta rama an oma, khan an dôngmate irthiang nina kha irhmangin, notizuarin an om tâka.

HOSEA 3:5

Kha tena chu Israel irchihai kha irlet an ta, Rengpa an Pathian le an inlaltak Davida kha zong an ta; zoro hnungkhônhaia chu Rengpa le a satna kha inthing pumin pan an ti.

LEVI DÂN 17:7

Kêl lu nei ramilhli an ibiak hrang ni ta ma; khaang biak chu Rengpa ata an iuire a ni. Hi dân hi Israel mihaiin kumkhua’n an izôm hrang a ni.

MIKA 6:8

O mihriam, satna kha a inentir tâk a ni; Rengpa’n nangni a inphût kha i ma ni? Dik taka tho le lungkhamna irngaiinna le ni Pathian leh thuhnuairôl taka lêngsuam a ini loi ma ni?

LUKA 8:15

Irnêng saa tâk kha hihai hi an ni; thu kha inhriata lungrîl dik le saa, sataka vonga, bei zâma ra suak tâkhai hi an ni.

TÎRTÔNHAI SINTHO 9:31

Judai rama, Galili rama, Samari ram haia, a ram pumpuia koiindang mihai kha lungngam takin an oma, an det tîr tîra, Rengpa chi pumin an om saa, Irtha Irthianga irtharngamin an hong pung tîr tîra.

2 KORINTH 1:12

Hi rammuala kin hringnuna le a bîkin nangni leh kin irzomna khan lungkhamna sinthotheina sikin Pathian ipêk irthiangna le dikna an ni vong ti kin sia le sa inhriatna’n a ni hril sikin kin irsong a ni.

EFESI 6:24

Pathian lungkhamna kha lungthungna chuai theiloia ei Rengpa Jisua Krista lungthungtuhai kuang om ri se.

DÂN INHNINA 10:12

Atûn chu Israelhaio, Rengpa nin Pathian hin nangnia imo nangni a inphût? Rengpa nin Pathian kha chia, a nuamlam murdi tho’n, a saterenga lungrîl murdia ama vai lungthung le a sinthohai,

DÂN INHNINA 18:13

Rengpa nin Pathian makunga khan hi thil porinche ata hi nin irkiang zit hrang a ni.

DÂN INHNINA 6:13

Rengpa nin Pathian kha chi unglân, ama vai chubai mûk unglân, ama irhming vai sâmin khomâkirsâm ngai roi.

FILIPI 1:10

Khanchu, thil sa ualhai kha inthang thei nin ta, Krista Nikhuaa khan irthiang le sêlnaboi lei ni nin ta,

JOSUA 24:2

Josua’n mi murdi makunga, “Rengpa, Israelhai Pathianin hiang hin a ti: Tianlaia nin irchibul pi le puhai chu Eufrates vadung râla an om ngaia, pathian danghai an biak ngai. An laia mi inkhat chu Tera a ni, ama chu Abrahama le Nahora pa a ni.

JOSUA 24:23

Josua’n, “Khaang khan a ni’n chu, nam dang pathian illim nin idônhai kha pai zit roi duah: Israelhai Pathian Rengpa vai hi pom roi,” a tia.

1 SAMUELA 12:14

Rengpa chu nin chia, a sin nin thoa, a hê nin irngaia, Rengpa thupêk nin pêtsan noa ni’n chu, nangni le nin chunga roirêltuhai le Rengpa nin Pathian zuituhai nin ni’n chu, sa a ti.

1 SAMUELA 12:24

Rengpa chu chi phot unglân, nin milung murdi’n ama sintho unglân, nin laia a sintho roiinpuihai le nin milung sûnga vong mai roi.

1 SAMUELA 7:3

Khante Samuela khan Israel mihai kuang khan, “Nin lungrîl taka Rengpa tiang nin irnghat tak takin chu, ram dang pathianhai le Asterothi pathiannuhai millim kha nin lai ata pai ving roi. Nin lungrîl kha Rengpa ta hrangin sinsiam unglân, ama sin vai tho roi; khanchu Filistia-hai kut ata hi nangni a isansuak hrang a ni,” a tia.