JOSUA 23:16 - PATHIAN LEKHABU IRTHIANG C.L. Bible (BSI)

¹⁶ Rengpa nin Pathianin zôm hranga a iti, a thuthung kha nin insiata, Pathian dang nin pana, a sin nin zongin chu, Rengpa nin chunga a ninginmur a ta, ram satak nangni a ipêk rengata irhmang zit nin ti,” a tia.

JOSUA 23:16 ပူးပေါင်းရင်းမြစ်များ

1 RÊNGHAI 14:15

Rengpa’n Israelhai chu soisakhai a ta, tuipui kôla phâiruang kung angin inhnîng sup sup an ti. Israel mihaiin pathiannu Aseri irlimhai an siama, Rengpa ning an inmurtir pe sikin, an puhai ata ram satak a ipêkhai ata chu inhnotsuakhai a ta, Eufrates tui râla semindarh ving an ti.

1 RÊNGHAI 9:6

Nang le nir chihaiin a ni zui nin hnônga, nin rota ki thupêkhai zôm loiin, pathian dang nin biakin chu,

1 RÊNGHAI 9:7

ki mi Israelhai chu an ni lua hrang ram ki ipêkhai rengata inhnothai ki ti. Hi tempil nin ni biakna hrang hmun hranga ki inhlan irthiang sai khom hi rotsan ki ti. Rammuala nam tinhaiin Israelhai chu êsêlin innuisan ni an ti.

2 RÊNGHAI 17:7

Israelhaiin an Pathian Rengpa rengata thilsual an tho sikin, Samari khua chu a isiat a ni ta. Aigupta rêng kut ata a sensuaka, Aigupta rengata a hruai suaka; khannisian, pathian dang an biaksan ta.

2 RÊNGHAI 24:20

Rengpa chu Jerusalem le Judai ram mihai chunga a ning an mura, a hmuphâk loina rama an hnotsuakhai tâk a ni.

ISAIA 24:5

A sûnga omhaiin irnêng hi an porinchetira, dân zôm loiin thupêk khom pom nuam mahai, kumkhua Thuthung ite bêa bê loiin.

JEREMIA 32:23

Khannisian hi rama hin honga an lua tena chu, ni thupêkhai zômin mo, ni irchutirnahai ite an izôm loi a ni. Khasika khan an chunga hi vânduaina tin hi ni insum a ni ta.

JEREMIA 32:24

“Babulon khopui la hrangin a vêla khan irnêng an vur irsânga, an irûn a ni ta. Khandai, châm le hri le hrâiin khopui chu an kuta a iom hrang a ni ta. Ni lei iti murdihai a idik a nih ti hmu thei ta an ti.

NAMBAR 33:56

Khanchu hiang hi hong ni a ti, an chunga tho ki inuam chu nin chunga tho ki tih ti ro,” tiin.

DÂN INHNINA 17:3

pathian danghai zuiin an sinthoa, biak loi hrang ki itihai, thahai le thil dang tamtakhai khi biak om sianlân,

DÂN INHNINA 28:15

Rengpa nin Pathian thu nin zôm noa, a thupêkhai le a thu’nkunghai, a vuana nangni ki ihril hi nin zôm nuam noa, nin tho nuam ual no’n chu hi thil saloi hi nin chunga tung a ti.

DÂN INHNINA 6:15

Nin laia om Rengpa nin Pathian hi Pathian nunse tak a ni. Nin chunga Rengpa nin Pathian hi a ning an mur likin chu rammual ata hi nangni a inboipai hrang a ni.

ROIRÊLTUHAI 2:14

Khanchu, Israelhai chunga Rengpa chu a saterengin a ning an mur tâka, lei roktuhai an phûta, an râlhai an kôl vêla om nam danghai kuta a pêka, lei doi ngam ta mahai.

ROIRÊLTUHAI 2:20

Israelhai chunga Rengpa chu a saterengin a ning an mur tâka, “An pahai zôm hranga ki thuthung kha, hi an irchihai hin an insiata, ki hê lak irngai nuam mahai.

1 SAMUELA 12:25

Khannisianlân sual sin nin la tho maia ni’n chu, nangni le nin rênghai khom la’rhmang ving nin ti,” a tia.