JOSUA 23:10 - PATHIAN LEKHABU IRTHIANG C.L. Bible (BSI)

¹⁰ A chonginkung angin Rengpa nin Pathianin nin râlhai nangni a doi pe sikin nin laia mi inkhat lua khom sâng têlin an irzûl a ni kha.

JOSUA 23:10 ပူးပေါင်းရင်းမြစ်များ

2 SAMUELA 23:8

Hihai hi Davida sipai hâitakhai irhming chu a ni, a maton taka chu Takemon mi Joseb-basebetha, sipai hâitak inthumhai laia hruaitu a nia, ama hin voikhat irdoina khan mi irzariat ufei leh a idoi a ni, an rêngin a thathai ving a ni.

1 THURCHI SUINA 5:20

Pathian an iama, changpui hrangin an ngêna, Pathianin an chongchaina chu a sâmhaia, Hagari hai chu an lei irsanpui namhai leh an inhnêhai tâka.

1 THURCHI SUINA 5:22

Pathian irhminga irdoi an nia, mi tamtak an ithathai a ni. Sala an intâng mân chu kha rama khan an om ta a ni.

INPÂKNA HLAHAI 35:1

O Rengpa, a ni beituhai chu nangin beiin lân: A ni doituhai chu nangin doi roh.

INPÂKNA HLAHAI 46:7

Sipaihai Rengpa chu ei kuang a oma; Jakoba Pathian chu ei kulpui irsâng a ni.

FESUAKNA 14:14

Rengpa’n nangni doi pe a ta, nangni chu nin iom chian hrang a ni,” a ti pehaia.

ISAIA 30:17

Inkhat hroka hruihrual thungin, âibanga nangni innôt pol an ti. Tâng sîp irsinsiana puan nin itârhai kha masan ving nin ti.

LEVI DÂN 26:7

Nin râlhai chu irzûlhai nin ta, khandaiin that nin ti.

LEVI DÂN 26:8

Mi pangaiin mi irzakhat inhnê nin ta, mi irza’n chu mi sîngkhat inhnê thei nin ti.

ZAKARIA 12:8

Kha tena chu Rengpa’n Jerusalema omhai chu hrunghai a ta, an laia hrât loi tak khom Davida angin la hrât a ti. Khanchu Rengpa vântirtôn, Pathian ang dên khan, Davida irchi suanpâra mihaiin anni chu la hruaihai an ti.

ROM KHUAA MIHAI KUANGA TÎRTÔN PAULA LEKHATHON 8:31

Kha thua khan imo ei insîr hrang tâk? Pathian chu eini tiang a changin chu tu’n mo ni doi thei hrang?

DÂN INHNINA 20:3

‘O Israelhaio, inhre roi, a vuan hin nin râl doi hrang nin ni tâka, indôp no unglân, chi sa no roi.

DÂN INHNINA 20:4

Rengpa nin Pathianin nangni a ompuia, nangni san a ti,’ ti a ti.

DÂN INHNINA 28:7

Nin râlhai leh nin irdoiin Rengpa khan nangni inhrâttir a ta; lam khat tiang hongin nangni hong doi an ta, kil tin panin rot an ta, indarh an ti.

DÂN INHNINA 3:22

Anni kha ngîkhai no unglân, Rengpa nin Pathian khan nangni doipui thiai a ti.

DÂN INHNINA 32:20

‘Irbîksan ki ta, Itin mo an iom hrang thîr ki ta, irlo ihnang tâk an ni. Nâi sual tûngnaboi an ni.

DÂN INHNINA 32:30

An lungpui khan rotsan no sian, An Pathian Rengpa khan inthikpai no sian, inkhatin a sâng têlin an irzûl hrang ma ni? Inhni vaiin a nuai têlin an ingam hrang mo?

JOSUA 10:42

Kha rama rêng murdi leh an ram chu, Israelhai Pathian Rengpa’n a doipuihai sikin ram kha a mûtpumin Josua’n a lâk ta a ni.

JOSUA 23:11

Rengpa nin Pathian chu lungthung ngei ngei unglân.

JOSUA 23:3

nangni sikin hi namhai chunga nin Pathian Rengpa sinthohai nin hmua; Rengpa nin Pathian chu nin râlhai nangni doi petu a ni.

ROIRÊLTUHAI 15:15

Sakuartung irkamru thar tak hi a hmua, a lâka, mi sângkhat vêl a van zui thathaia.

ROIRÊLTUHAI 3:31

Khan ama hnunga Anata nâipa Samgara khomin Filistia mi irzaruk chu sehrât sunna hmolin an zuithathaia, Israelhai chu a sansuakhai.

1 SAMUELA 14:6

Jonathana khan a râltukfam chôitu ruathartepa kuang khan, “Tho sertan loi Filistia sipaihai omna son la va fe rei. Rengpa’n a ni san duai khom a ni thei; a ni sanin chu ei tôm khoma ei tam khoma a saninzôka om Rengpa ta hrangin ite tho thei loi om ma,” a tia.