JOSUA 22:27 - PATHIAN LEKHABU IRTHIANG C.L. Bible (BSI)

²⁷ Nin mihai le kin mihai, rualthoithar hong ni zêlhaiin Rengpa kuang ngêt hâlirvôm thil inhlanhai, irpôlkhômna thil inhlanhai le irbôlna thil inhlanhai kin inhlan ngai ti an inhriat theina hrang le nin irchihaiin kin irchihai kuanga, ‘Rengpa hong biak hrang ni mak chêi,’ an ti loina hranga kin isiam a ni.

JOSUA 22:27 ပူးပေါင်းရင်းမြစ်များ

IRPHUTNA 31:48

Khan, Labana’n, “Hi lung irchuan hi kei le nangma kâra inhriat maina a ni,” a tia. Khasikin a’rhming khom Galeed ti’n iphua a ni ta.

IRPHUTNA 31:52

ite ei irti loina hrangin hi lung irchuan leh phun hi eini ruai kâra inhriat maina lung changin om ri se.

INPÂKNA HLAHAI 16:5

Rengpa chu ki’rchon lua hrang le ki khilât dong hrang chu a ni: Nangin ki dongtum chu ni nin det pe ngaia.

ISAIA 19:19

Kha ni tena chu Aigupta ram sûnga Rengpa hrang maichâm siam an ta, Aigupta ramria lung phun an ti.

DÂN INHNINA 12:11

Rengpa nin Pathianin a’rhming omna hrang hmun a inthanga khan, nangni ki ihril murdi kha, nin hong ilâk hrang a ni. Nin hâlirvôm thilinhlan hai, nin irbôlna hai, nin sôma inkhathai, nin thilpêkhai, Rengpa kuang nin inkung takna thilinhlan hai kha hong chôi ngai roi.

JOSUA 22:10

Reubena irchihai, Gada irchihai le Manasea irchi chimriphai khan Jordan nitâk tianga om, Kanaan rama Gelilot chu an tunga, ivadung kôla khan ennuam om taka roiinpui maichâm lian an siama.

JOSUA 22:26

Khasikin, hâlirvôm thil inhlan le irbôlna chi dang inhlanna’n maichâm hi siam ni ma ung.

JOSUA 22:28

Khasikin, nakana kin irchihai chunga hianga irtîna chong a hong om tika ngaitua’n, ‘Kin irchibul pi le puhaiin Rengpa maichâm ang chie hin hi maichâm hi an isiam a ni, hâlirvôm thil inhlan mani irbôlna thil inhlan mani kin inhlanna hranga ni maka, nangni le keini kâra irsinsiana hrang kêng,’ tiin an sâm theina hranga kin isiam a ni.

JOSUA 22:34

Reubena irchi le Gada irchihaiin kha maichâm kha, “Kin kâra Rengpa hi Pathian chu a nih ti inhriatpuitu a ni,” an tia. Khasikin, a’rhming khom “Thu’nhretu” an phua tâk a ni.

JOSUA 24:27

Josua’n mipuihai kuang, “En u ta, hi lung hi ei thu inhretu a ni; ei kuanga Rengpa thuhril murdi kha an hriat zita, nin Pathian nin mâksan loina hrangin nin thu’nhretu a ni,” a tia.

1 SAMUELA 7:12

Kha hnung chu Samuela khan lung a lâka, Mizpa le Sen kâra khan a phuna, “Hi ten dên hin Rengpa’n a ni isan a ni,” tiin ar hming khom Ebenezara a tia.