JOSUA 22:18 - PATHIAN LEKHABU IRTHIANG C.L. Bible (BSI)

¹⁸ Rengpa chu i sika mo nin izui nuam loi? A vuan hin Rengpa chunga nin nuar sikin nangtûka chu Israel mipuihai chunga a ninginmurna chum a ti.

JOSUA 22:18 ပူးပေါင်းရင်းမြစ်များ

2 SAMUELA 24:1

Khan Rengpa ningmurna kha Israelhai chunga a zuang tung nôk thuta. Davida kha an chunga siatna intung hrangin an phûta, a kuang, “Fe’n lân, Israel mi le Juda mi tephai ving ro,” a tia.

1 RÊNGHAI 9:6

Nang le nir chihaiin a ni zui nin hnônga, nin rota ki thupêkhai zôm loiin, pathian dang nin biakin chu,

2 RÊNGHAI 17:21

Rengpa’n Israelhai kha Judahai leh a’rsentirhai zoiin, Nebata nâipa Jeroboama chu rêngin an siama, Rengpa mâksan hrangin Israelhai chu a hrilhaia, sual saloi tak a inthotirhai a ni kha.

1 THURCHI SUINA 21:1

Setana’n Israelhai soisak a nuama, Davida’n Israelhai kha irtepna a neipuihaia.

1 THURCHI SUINA 21:14

Khanchu Israelhai laia hri a hon lêngtira; mi sîngsari an thia.

2 THURCHI SUINA 25:27

Khan, Amazia chu Rengpa kuanga tehel a zong ata ama that tum Jerusalem kho mi an lei iom sa ngai a ni. Inhnung taka Lakis khuaa an tâna; khannisian, a râlhaiin an irzûla, an la va that irmana.

2 THURCHI SUINA 34:33

Reng Josia chu Israel mihai ram sûnga millim intirom tak tak chu an siat vinga, a dam sûng chu kha mihai kha an irchibulhai Pathian Rengpa sin an thotirhai ta. A dam sûng murdia chu an irchihai Pathian Rengpa zuinaa irthok khan pêtirhmang mahai.

LEVI DÂN 10:6

Mosia’n Arona le a nâipa Eleazara le Ithamara kuang, “Lu nin irsûkin nin sam intha no unglân, nin puan khom ir-ek thêr sa no roi; khaang khan nin tho’n chu nin ithi ngêt hrang a ni, Rengpa chu nam pumpui chunga a ninginmur a ti, Rengpa meiin a ikâng thathai kha nin urêng Israel danghai khan châ thei an ti.

NAMBAR 16:22

Khannisian Mosia le Arona chu an lu irnêng sikin an inboka, “O Pathian, nang chu hringna chi tinrênghai bul ni nia; mi inkhat sualna sikin mipui murdi chunga ni ning a inmur hrang ma ni?,” an tia.

NAMBAR 32:15

Khan nangni Reubena le Gada panamhai hin nin nuam noa ni’n chu, mipuihai hi ramchâra hin masanhai nôk a ta, an siatna mô chu nin chunga irnghat a ti,” a tia.

DÂN INHNINA 7:4

Nin nâipahai hruai irhmangpaihai an ta, pathian dang inbiaktirna an ti; khanchu Rengpa kha nin chunga a ninginmur thut a ta, nangni inboipaina ti.

JOSUA 22:15

Gilead an tunga, Reubena mihai, Gada mihai, le nisua tianga Manasea mi chimriphai kuang,

JOSUA 22:16

“Mipuihai, Rengpa mihaiin, hi thilsual tak hi Israelhai Pathian chunga i sika nin itho mo? Hi maichâm nin isiam hi Rengpa nin idoi tâk tihna a ni, a thu nin izôm ta loi a ni hi te.

JOSUA 22:20

Zera nâipa Akana khan thil ser tak ansiata, Israel mipuihai chunga siatna a tunga, Akana vai ni loiin mi dang khom an thi kha,” an tia.

JOSUA 7:1

Israelhaiin thil ser tak kha ngaisak mahaia: Juda irchi Zera nâi, Karmia nâipa Akana’n thilser tak senkhat chu a va lâka, Israelhai chunga Rengpa chu a sân a ning an mur tâka.

JOSUA 7:11

Israelhaiin thil an insual a ni hi te. Ki Thuthung zôm hranga ki iti kha an insiata, thilser khak ata lâk an nei, an inrûka, kha kha an ni huanga, an neinun kâra an thup inrûk nôka.

JOSUA 7:21

Ei thil man laia Babulon puan satak, sumru sekel irza vêla rik le sekel sômringa vêla rik rângachak le ileh ki hmua, a sân ki’rzuka, ki ilâk zel a ni ta. Ki puan in sûnga irnênga ki ithupinrûk a ni, a hnuai taka sumru chu ki sia,” a tia.

1 SAMUELA 12:14

Rengpa chu nin chia, a sin nin thoa, a hê nin irngaia, Rengpa thupêk nin pêtsan noa ni’n chu, nangni le nin chunga roirêltuhai le Rengpa nin Pathian zuituhai nin ni’n chu, sa a ti.

1 SAMUELA 12:20

Khan Samuela’n mipuihai kuang, “Chi no roi, hi thil saloi hi a tho chu nin lei tho tâka, khannisianlân Rengpa nin izui hi pêtsan ual no unglân, nin milung murdi’n Rengpa sin chu tho mai roi.