JOSUA 21:43 - PATHIAN LEKHABU IRTHIANG C.L. Bible (BSI)

⁴³ An irchibul pi le puhai kuanga pêk a lei inkung sai tâk ram chu Rengpa’n Israelhai chu a pêk tâka. An lâk zoiin chu om hmun an khuar tâka.

JOSUA 21:43 ပူးပေါင်းရင်းမြစ်များ

IRPHUTNA 12:7

Khan Rengpa kha Abrama kuang an lâra, “Hi ram hi ni’rchihai la pehai ki ti,” a tia. khanchu a kuanga inlârtu Rengpa ta hrangin maichâm a siama.

IRPHUTNA 13:15

ni ram hmu murdi hi nang le ni’rchihai a vuan ata kumkhuain nang pe ki ti.

IRPHUTNA 28:4

ni mikhualna ram, Pathianin Abrahama a ipêk hi, ni lua theina hrangin Abrahama satvurna khom nang indong sa ri se; nang le nir chihai khom,” a tia.

2 THURCHI SUINA 20:8

Hi rama hin an om tâka, nangma biakna hrang hmun Irthiang an sina.

NEHEMIA 9:24

Khanchu an irchihai khan ram an lua tâka, khan kha rama om Kanaan mihai chu an intema, an nuam taka lohaiin an rênghai le a mipuihai kha an kuta ni pêka.

NEHEMIA 9:8

khan, a milung khom iam om zoi a nih ti nin hriata, Kanaan hai, Hit hai, Amor hai, Periz hai, Jebus hai le Girgas hai ram chu pe hrangin, ar chihai laia thu ni thunga, hlo nin chuktira, mi feltak ni nia.

INPÂKNA HLAHAI 105:8

A thuthung chu kumkhua’n an hriat ngaia, Irlo sângkhat dêna a thu lei pêk chu;

INPÂKNA HLAHAI 44:3

Ram hi lua hranga anni khandaia an ilâk ni maka, Anni bâna irsaninhring ni ual mahai: An chunga ni lôm sikin, Ni kut chang tiang le ni bân le, ni hmêl vârin a ni uala.

INPÂKNA HLAHAI 78:55

Nam tin chu an makunga an hnot suaka, Anni kha hruia irkhi’n irchon hrangin a sema, An puan inhaia khan Israel namhai kha an omtir tâka.

FESUAKNA 3:8

Khasikin Aigupta mihai kuang ata hruaisuaka inzôkhai hrang le, kha ram mâksana, Kanaan hai, Hit hai, Amor hai, Periz hai, Hiv hai le Jebus hai omna ram sa le lian tak, khuaitui le dût tui luangna rama hruai suak hrangin ki zuang isuak a ni ta.

JEREMIA 32:23

Khannisian hi rama hin honga an lua tena chu, ni thupêkhai zômin mo, ni irchutirnahai ite an izôm loi a ni. Khasika khan an chunga hi vânduaina tin hi ni insum a ni ta.

NAMBAR 33:53

Khanchu kha ram kha lua nin ta, khataka khan om nin ti, keiin kha ram kha nangni ki pêk sikin.

NAMBAR 34:2

Israel mipuihai ta hrangin hi thu hi a pêkhaia: “Ram nangni ki ipêk, Kanaan ram chu nin tung tena, nin ramri hrang chu hiang hi ni a ti.

DÂN INHNINA 11:31

Jordan dung nin irkân vâng tâka, Rengpa nin Pathianin ram nangni a ipêk kha nin lua vâng ta. Kha ram kha nin lâka, omhmun nin khuar tika chu,

DÂN INHNINA 12:29

Rengpa nin Pathianin, nin va inhnot suakpai hrang namhai kha an boipai pehai tika chu,

DÂN INHNINA 17:14

Rengpa nin Pathianin ram nangni a ipêk hranga nin tunga, nin luaa, omhmun nin nei hnung chu, ‘Ei kôlvêla namhai angin rêng nei nin ta,’ la ti nin ti.

DÂN INHNINA 34:4

Khan, Rengpa’n a kuang, “Hi ram hi a ni, Abrahama, Isaka, Jakoba hai kuang, Nin irchihai la pe ki ti, tia irkhâmin, ki lei inkung kha, a hmu kha nang ki’rhmutir phot a ni; khannisianlân, so taka son chu nang infetir no ning,” a tia.

JOSUA 1:6

Hâitakin irnak song ro; khanchu, an irchibulhai kuanga pêk ki inkung ram chu hruaitu changin lûtpuihai ni ti.

JOSUA 21:42

Rengpa’n an irchibul pi le pu kuanga ram pêk a inkung tâk ram murdi chu Israel mihai kuanga a pêk ta. An lâk zoiin chu an lua tâka.

ROIRÊLTUHAI 11:24

Ni pathian Khemosa’n ram nang a ipêk kha neiin lân, kin Pathian Rengpa ni ipêk tâk ram chu keini’n nei kin ti.

1 SAMUELA 12:8

Aigupta rama Jakoba le a in mihai an fe lai khan, Aigupta mihaiin deng an intheihaia; nin irchibulhaiin Rengpa chu an koia, ama’n, Mosia le Arona tîrin Aigupta ram ata an hruai suaktirhaia, hi ram hi omna hrangin a pêkhaia.