JOSUA 18:6 - PATHIAN LEKHABU IRTHIANG C.L. Bible (BSI)

⁶ Ram hmun saria irsen dân hrang chu irziak an ta, hong chôi an ta, keiin Rengpa ei Pathian kuanga tasân pehai ki ti.

JOSUA 18:6 ပူးပေါင်းရင်းမြစ်များ

INPÂKNA HLAHAI 105:11

“Kanaan ram hi nang pe ki ti, Ni’rchon dongtum hrang chu,” tiin.

THUVÂRHAI 16:33

Mihriamin Pathian nuamlam inhriatna hrangin tâ an sân ngaia, khannisian a mongna chu Rengpa ta a ni.

THUVÂRHAI 18:18

Mi hrâthai an irkhalin chu tasânin thubuai kha an infel thei ngai.

NAMBAR 33:54

Khan kha ram kha panam tinhai laia tasânin sem nin ta, panam tam ualhai chu a tam ual pehai nin ta, a tôm ualhai chu a chîn ual pehai nin ti.

NAMBAR 34:13

Khan Mosia’n Israel irchihai chu thu a pêka, “Hi hi Rengpa’n panam kuak le a chimriphai pe hranga a inkung, tasâna nin irsem hrang chu a ni.

TÎRTÔNHAI SINTHO 13:19

Kum irza minli sômringa sûnga khan Kanaan rama nam sari ar hmangtira, an ram khom a mihai a pêk ta.

JOSUA 14:2

Rengpa thupêk angin nam kuak le a chimrip nitâk tianga namhai dongtum hrangin tâ an sâna.

JOSUA 18:10

Silo khuaa khan Josua’n Rengpa kuanga tâ a sâna, Israel mihai chu a nam namin ram chu a sem tâka.

JOSUA 18:7

Levia irchihai hrang chu sem no roi, Rengpa Ochai an inina hi an changtum hrang chu a ni. Reubena hai Gada hai le Manasea irchi chimriphai lakin Jordan nisua tianga Pathian siahlo Mosia khan an dongtum hrang chu a pêk tâk kha,” a tia.

JOSUA 18:8

Josua ihril ang taka tho hrangin mihai chu an fe suaka, an kuang, “Ram pumpui irfangsuak unglân, irsinsia zit roi; ki kuang nin hong ikîr nôk hrang a ni. Keiin hitaka Silo khuaa hin Rengpa kuanga tasân pehai ki ti,” a tia.