JOSUA 16:10 - PATHIAN LEKHABU IRTHIANG C.L. Bible (BSI)

¹⁰ Gezer khuaa om, Kanaan mihai chu inhnotsuak mahai, atûn ten hin kha Kanaan mihai chu Efraima-hai laia an la oma, sinthoa an siahlo ni hrangin an om tâk a ni.

JOSUA 16:10 ပူးပေါင်းရင်းမြစ်များ

1 RÊNGHAI 9:15

Reng Solomona’n tempil hai, ama inhai, khopui nisua tiang lua bit hrangin kul bang siam hrangin sinthotuhai nakhrât pôl a neia. Khanchu, hi khua hai, Hazor, Megido, Gezer hai hi a siam insathaia.

1 RÊNGHAI 9:16

Aigupta rêng Faroa khan Gezer khua a doia, a hâlpaia, mihai khom a thatpaihai vinga, a nâinu Solomona dôngma an dongtira.

1 RÊNGHAI 9:21

Israelhaiin Kanaan ram an lûta khan thathai zoi loi, Solomona’n sintho hrangin nakhrât pâl a ihmanghai irchi chu atûn ten hin suak angin an om mai ta.

2 THURCHI SUINA 8:8

an ithat zoi loihai kha Solomona’n suak anga hmang hrangin sintho pâl an dinga, khahai kha atûn ten hin an la om.

JOSUA 10:33

Gezer khuaa rêng Horama chu Lakis khua changpui hrangin a zuanga, Josua’n ama chu a sipaihai leh a lei inhnêa, inkhat lua irhmâiloiin a lei that zita.

JOSUA 15:63

Juda irchihaiin Jebus-hai, Jerusalema omhai chu inhnotsuak zoi mahai. Juda irchihai leh Jebus-hai chu atûn ten hin an la om mai a ni.

JOSUA 16:9

Manasea irchihai ram dongtum lai ata Efraimahai chu khopui senkhat, an kôlvêla khuahai leh khan an pêk saa.

JOSUA 17:12

Hi khuaa omhai hi Manasea irchihaiin inhnotsuak thei mahai; khasikin Kanaan mihai chu an la om zêl a ni ta.

JOSUA 17:13

Israelhai an hong hrât zêl hnung khom khan inhnotsuak ual mahai, sintho hrangin chu an norhai ngai.

ROIRÊLTUHAI 1:29

Efraima mihaiin Gezer khuaa Kanaan mi omhai chu inhnotsuak mahai. Kanaan mihai chu an bila Gizer khuaa khan an om sa tâka.