JOSUA 15:47 - PATHIAN LEKHABU IRTHIANG C.L. Bible (BSI)

⁴⁷ Asdod le Gaza, an kôlvêla khuahai le, Aigupta ramri vadung leh an kâra Mediteranean tuipui kôla khua omhai a kop sa.

JOSUA 15:47 ပူးပေါင်းရင်းမြစ်များ

1 RÊNGHAI 5:4

Atûn chu Rengpa ki Pathianin ki kôlvêla ram danghai leh a ni irngeitira, râl le nin buai dang ite om ta maka.

2 RÊNGHAI 18:8

Filistia mihai a soisakhaia, an omna murdia a doihaia, khua lian le chîn Gaza le a kôlvêla ramhai khom an mâk zoi ta.

2 THURCHI SUINA 26:6

Uzia chu Filistia mihai a rûna, Gath khua kul banghai an siata; Askelon kôla le Filistia ram hmun da danga kul a sina.

FESUAKNA 23:31

Nin ram chu Tuipui Sena irthokin Mediteranean tuikhanglian kâr le ramchâr ata Eufrates vadung ten ni a ti. Kha rama omhai chunga thuneina nangni pe ki ta, hong nâi maiin nin irzûl suakhai hrang a ni.

JEREMIA 47:1

Faroa’n Gaza a rûn mâna khan, Filistia chungthua Rengpa’n a ni chongpuia a iti chu:

JEREMIA 47:5

Gaza mihai hrangin ngaisiatna irkhêl a hong tunga, Askelon mihai chu an inthim ngeng tâk. Phâizôla a la dam sunhaio, idôr ten mo nin la ichûl hrang?

ZEFANIA 2:4

Gaza khua kha rotsanin om a ta, Askelon khua kha inrampaiin a iom hrang a ni: Sûn laia Asdod khua inhnotsuak an ta, Ekron khua kha khom suakin om a ti:

TÎRTÔNHAI SINTHO 8:26

Rengpa itîr vântîrtônin Filipa kha a chongpuia, “Thoiin lân, Jerusalem ata Gaza khua zu sun sim tiang ramchâr thengthai tiang khun fe roh,” a tia.

DÂN INHNINA 2:23

Mediteranean tuipui vakama Kret chômbung mihai an lei oma, A phuta om Av-hai kha an irhmangtira, an ram kha an luaa, Gaza dênin an neipai zit tâk a ni.)

JOSUA 11:22

Israel mihai ram chu milian rêng om ta mahai, Gaza khua hai, Gath khua hai, Asdod khua hai vai an la om pher phora.

JOSUA 13:3

Sim tiang Avim-hai omnahai la lâkloi a ni. Aigupta ramri Sihor vadung ata hmâr tiang Ekron dênin Kanaan mihai rama irngai a ni. Filistia-hai chu Gaza haia, Asdod haia, Askelon haia, Gada haia an rêng an iom a ni.

JOSUA 15:4

Azmon-a a fe zêla, Aigupta ramri dunga a suna, ivadung chu zoiin Mediteranean tuipuia a zu irchuna. Hi hi Judai ram sim tianga ramri chu a ni.

JOSUA 15:46

Asdod kôla khopui le a kôlvêla khuahai, Ekron le Mediteranean tuipui kâra khuahai khom a kop.

JOSUA 15:48

Tâng rama hi khuahai hi a kop sa: Samir, Jatir, Soko,