JOSUA 15:4 - PATHIAN LEKHABU IRTHIANG C.L. Bible (BSI)

⁴ Azmon-a a fe zêla, Aigupta ramri dunga a suna, ivadung chu zoiin Mediteranean tuipuia a zu irchuna. Hi hi Judai ram sim tianga ramri chu a ni.

JOSUA 15:4 ပူးပေါင်းရင်းမြစ်များ

IRPHUTNA 15:18

kha nî tena chu Rengpa’n, “Hi ram hi, Aigupta Tui ata Tuipuilian (Eufrates) tui dênin ni’rchihai ki pêk ta,

1 RÊNGHAI 8:65

Reng Solomona le Israel mipuihaiin tempila khan, kairêng kût sûn sari an hmanga. Khatak ata Israel ram hmâr tiang dep Hamath khêl ata Israel ram sim tianga Aigupta tui kôla mi murdi chu an hong irbukkhôma, mi tamtak an ni.

FESUAKNA 23:31

Nin ram chu Tuipui Sena irthokin Mediteranean tuikhanglian kâr le ramchâr ata Eufrates vadung ten ni a ti. Kha rama omhai chunga thuneina nangni pe ki ta, hong nâi maiin nin irzûl suakhai hrang a ni.

ISAIA 27:12

Kha ni tena chu Rengpa’n Eufrates vadung ata Aigupta tui dênin, bu ât angin, a mi Israelhai chu inkha khatin irfuanghai a tih.

NAMBAR 34:5

Khan Hazaradhara fe pat a ta, Azmon-a dên thaiin; khan ramri chu Azmon ata kha Aigupta tuidung dênin kôi a ta, a suakna chu Tuikhangliana ni a ti.

JOSUA 13:3

Sim tiang Avim-hai omnahai la lâkloi a ni. Aigupta ramri Sihor vadung ata hmâr tiang Ekron dênin Kanaan mihai rama irngai a ni. Filistia-hai chu Gaza haia, Asdod haia, Askelon haia, Gada haia an rêng an iom a ni.

JOSUA 15:3

Khan, sim tiang panin Akrabim fena thang tiang a fe pata, Zin ramchâra a lûta, Kades-barnea sim tianga Hezrona dênin a fea, Adar-a khan a tungin a fea, Karka tianga a inhera,

JOSUA 15:47

Asdod le Gaza, an kôlvêla khuahai le, Aigupta ramri vadung leh an kâra Mediteranean tuipui kôla khua omhai a kop sa.