JOSUA 15:11 - PATHIAN LEKHABU IRTHIANG C.L. Bible (BSI)

¹¹ Ekron khua hmâr tianga tâng dung a zuia, Sikeron tiang an infetira, Baala tâng khêlin Jamnia khua a dêna, kha rengata Mediteranean tuipuia a monga.

JOSUA 15:11 ပူးပေါင်းရင်းမြစ်များ

2 RÊNGHAI 1:16

Reng kuanga khan, “Ekron pathian Baalzebuba irhmupui hrangin mi ni itîr ma ni? Israel rama Pathian irdon hrang ni iiam loi mo? ni zâlna hmun ata kha chum ta no chi ni, ni ithi ta hrang kêng,” a tia.

2 RÊNGHAI 1:6

Anni’n, “Mi inkhat leh kin irtoka, a tîrtu rêng kuang khan kîr nôk unglân, Rengpa’n hiang hin a ti, Israel rama Pathian a iom loi ma ni Ekron pathian Baalzebuba irdon hranga mi ni itîr? ni zâlna hmun ata chum thei ta no chi ni, ni ithi hrang tâk a ti, tiin hril roi,” a ni ti, an tia.

2 THURCHI SUINA 26:6

Uzia chu Filistia mihai a rûna, Gath khua kul banghai an siata; Askelon kôla le Filistia ram hmun da danga kul a sina.

NAMBAR 34:6

Khan nitâk tianga ramri hrangin Mediteranean tuipui ata thengthai a ta, Hor tâng huam sa a ti.

JOSUA 15:10

Khan, ramri chu Baala rengata a fe irkuala, Seir tâng a dêna, Jearim tâng sak tiang panga a fea, Beth-semes-a a suaka, Timna a lôi pata,

JOSUA 15:12

Tuipui liantak chu nitâk tianga an ramri a nia. Kha ramri sûng chu Juda irchihai omna hrang chu a ni.

JOSUA 15:45

Ekron khom a kôlvêla khuahai leh a kopa,

JOSUA 15:9

Neftoa tuikhura a fea, Efron tânga khuahaia khan a fe thala; Baala khua tiang a inhera; kha khua kha Kiriath-jearim khom an ti ngai.

ROIRÊLTUHAI 1:18

Gaza, Askelon, Ekron hai le a kôl vêla khuahai chu Juda irchihaiin an lâka.

1 SAMUELA 17:52

Israel mi le Juda mihai kha an thoia, huaizâm an thoa, Filistia mihai chu Gath dênin le Ekron kul dênin an irzûlhai ta. Filistia mi popliamhai kha Saraim lam tuanin Gath le Ekron dênin an dalh phôta.

1 SAMUELA 5:10

Khanchu Thuthung Bôm kha Filistia-hai khuaa ngêt, Ekron-a khan an thon nôka, khannisianlân kha khua kha a va tungin chu Ekron kho mihai khan, “Israelhai Pathian Thuthung Bôm kha eini le ei nâihai ni thatna hrang pialin an hong ichôi a ni,” tiin an khêk nôk sup supa.

1 SAMUELA 5:8

Khanchu Filistia rêng ringahai kha an koibukhaia, “Israelhai Pathian Thuthung Bôm kha imo kin ilo hrang?,” an tia. Anni khan, “Gath khuaa va thak roi,” an tia. Khanchu Israelhai Pathian Thuthung Bôm kha Filistia khuaa ngêt Gath khuaa khan an va thak tâka.

1 SAMUELA 7:14

Filistia mihaiin Israel mihai khua an ilâkhai chu Ekron-a irthokin Gath dênin Israel mihai an pêk kîr nôka. Khaang khan Israel mihai khan an ram murdi chu an idong nôk tâk a ni. Israel mihai le Amor mihai chu irngeiin an om ta.