JOSUA 14:12 - PATHIAN LEKHABU IRTHIANG C.L. Bible (BSI)

¹² Khasikin, kei le ki ifepuihai leh ile chong kin hong intung laia Rengpa iti, hi tâng ram hi ni pe ro ba, Anak mi, milianhai chu kul lianpa pa sûnga an om tiin nangni kin hong inhril kha; Rengpa’n ni ompui mai a ta, Rengpa thupêk angin kin hnotsuak zit thei itinin,” a tia.

JOSUA 14:12 ပူးပေါင်းရင်းမြစ်များ

HEBRAI toc2 HEBRAI 11:33

Iamna’n ram pumpui an doia, an inhnêa, thil dik an sina, Pathian chonginkung an donga, kâmkeibaknei bâihai an hîp pea,

FILIPI 4:13

A nin hrâttu sikin i khom tong hrangin hrâtna ki nei tâk a ni.

NAMBAR 13:33

Khan Anaka irchi mi hrâthai khom kin hong hmuhai sa. Keini chu khâitehai ang dôrin kêng kin irbe; anni khomin khâitehai ang dôrin kêng an ni ibe,” tiin an hrila.

NAMBAR 13:28

Khannisian a rama mi omhai chu a sâna mi hrât an nia, an khuahai khom kulnei, roiinpui tak tak a ni. Khanchu Anaka irchihai khom kin va hmuhai sa.

ROM KHUAA MIHAI KUANGA TÎRTÔN PAULA LEKHATHON 8:31

Kha thua khan imo ei insîr hrang tâk? Pathian chu eini tiang a changin chu tu’n mo ni doi thei hrang?

JOSUA 15:14

Kaleba’n Anaka nâihai inthum Sesaia hai, Ahimana hai, Talmaia hai chu a’rzûl insuaka.

INPÂKNA HLAHAI 60:12

Pathian zâra hâitakin tho ei ti: Ama chu a ni doituhai sirbêtu hrang a nia.

INPÂKNA HLAHAI 44:3

Ram hi lua hranga anni khandaia an ilâk ni maka, Anni bâna irsaninhring ni ual mahai: An chunga ni lôm sikin, Ni kut chang tiang le ni bân le, ni hmêl vârin a ni uala.

2 THURCHI SUINA 14:11

Asa chu a Pathian Rengpa kuanga a chongchaia, “O Rengpa sipai hrât loihai, hrât taka inchangtir theitu, nangma ang hi tûte om mahai. O Rengpa kin Pathian, ni zuang changpui ro, nangmaa hin kin irnghata, nangma irhming sâmin hi mihai doi hrangin kin irthok a ni. O Rengpa kin Pathian ni nia, mihriamin nang ngam no ri sehai,” a tia.

1 SAMUELA 14:6

Jonathana khan a râltukfam chôitu ruathartepa kuang khan, “Tho sertan loi Filistia sipaihai omna son la va fe rei. Rengpa’n a ni san duai khom a ni thei; a ni sanin chu ei tôm khoma ei tam khoma a saninzôka om Rengpa ta hrangin ite tho thei loi om ma,” a tia.

ROIRÊLTUHAI 1:20

Mosia thu angin Hebron chu Kaleba an pêka, anni’n Anaka nâi inthum chu an inhnotsuaka.

NAMBAR 21:34

Khan Rengpa’n Mosia kuang, “Ama chu chi no ro, a mihai khom a ram khom ni kuta nang ki ipêk tâk a ni hi, Hesbon-a om Amor mihai rêng Sihona chunga ni itho angin ama chunga khom hin tho hrang ni ni,” a tia.

DÂN INHNINA 1:28

Ithoa mo kin hong ife hrang, khi taka omhai chu eini nêkin lian le irsâng tak tak an nia, an khuahai lak a liana, irvân phâkin kul nei an ni; an pathianhai khom kin hmu, tia ei urênghaiin an hong insîr kha kin chi a ni’ nin tia.

2 RÊNGHAI 19:4

Pathian hring êsêl hranga Assuria rêng itîr, Rab-sakea ihril ang kha, Rengpa ni Pathianin nang len hre suak a ti; Rengpa ni Pathianin inhriatin deng nan theitir khomsian, kin mihriam a la damhai ta hrangin, nangma’n chongchai ro,” an va tia.

DÂN INHNINA 9:1

O Israel mihaio, irngaitua u ta, a vuan hin Jordan dung a sân nin kâi vâng ta; nangni nêka tam le nam hrât luapai pe hrang le khopui lian tak tak, an irkul bang irvân phâk hrang rakhai kha nin ilâkpai pe hrang a ni.

DÂN INHNINA 9:3

A vuan hin inhre roi, nin mahruaitu kha Rengpa nin Pathian hi a ni, nin matona a sâna mei kâng angin a ife thiai hrang a ni, insiat a ta, nin matona nangni inlômtir mai a ti, Rengpa lei iti tâk angin inhnotsuak zit a ta, irhmangtirhai zit nin ti.