JOSUA 14:11 - PATHIAN LEKHABU IRTHIANG C.L. Bible (BSI)

¹¹ Mosia’n a ni tîr lai ang tak khan a vuan sûn tena khom ki la hrât a ni. Irdoinaa khom fea, nuam nuama suak zêl theiin ki la ihrât a ni.

JOSUA 14:11 ပူးပေါင်းရင်းမြစ်များ

INPÂKNA HLAHAI 103:5

Ni bâi kha thil sa’n an khoptir ngaia; Khanchu ni thoibop kha irmupui anga siam tharin a om nôk ngai.

INPÂKNA HLAHAI 90:10

Kin dam sûng kumhai chu kum sômsari a nia, Hrâtna sikin kum sômriat khom a ni theia; Khannisianlân a sôtna chu sinsôlna le chardongna chian a ni; A boi lata, keini khom kin vuang irhmang ngai a ni.

ISAIA 40:31

Rengpa nghâktuhai rêk chu, hrât inthar nôk an ta, Irmupui angin mitha leh vuang kâi an ta, Intân an ta, sôl no nihai, fe an ta, sôl inhre viat no nihai.

DÂN INHNINA 31:2

“Kum irzakhat sômhnia ulian ki ni tâka, nuam nuama suak lik thei khom ni ta ma ung; Rengpa khan ‘Jordan kâi thei no chi ni,’ a ni tia.

DÂN INHNINA 33:25

Thîr le dârin an khua kha kal an ta, Dam takin lêng mai ri se,” a tia.

DÂN INHNINA 34:7

Mosia kha a thi khan kum irzakhat le sômhni mi a nia; a mit zîng maka, a’rnak khom chuai mah.

JOSUA 14:10

Irngai ta, Mosia kuanga Rengpa’n thu a ihril kha a vuan ten hin kum sômminli ringa vêl a hong ni tâka, Israelhai ramchâra an irvâk an irvâk lai ata atûn ten hin Rengpa’n a ihril angin hring damin a ni lan zôk tâk hi; en ta, kum sômriat ringa ki hong ni tâka,