JOSUA 11:20 - PATHIAN LEKHABU IRTHIANG C.L. Bible (BSI)

²⁰ Rengpa’n Israelhai indoitir hrangin hi mihai hi an lungrîl an ngartir pehaia; Mosia kuanga Rengpa thupêk angin inrenna nei viat loiin thatirhmanghai zit hranga lei ti a ni tâk.

JOSUA 11:20 ပူးပေါင်းရင်းမြစ်များ

2 SAMUELA 17:14

Khanchu Absaloma le Israelhai khan, “Ark mi Husaia roizêk kha Ahithofela roizêk nêkin a sa ual,” an ti tâka. Absaloma chunga thil saloi a tung theina hrangin Rengpa khan Ahithofela roizêk satak kha zôm loi hrangin a lei inkung sai tâk a ni.

1 RÊNGHAI 12:15

Silo khuaa deipu Ahija Nebata nâipa’n Jeroboama kuanga a ihril kha a tak a chang theina hrangin Rengpa khan a intitir a ni. Hi sika hin kêng rêngin mipuihai kha a idonhai nuam loi.

2 THURCHI SUINA 22:7

Jorama a va hro chu Pathianin Ahazia siatna hranga a inkung a ni. An omsuam laiin mi inkhat Nimsia nâipa Jehua a honga, ama hi Ahaba inkamangtir hranga Rengpa mi tîr a ni.

2 THURCHI SUINA 25:16

Rengin, “Itiklai khan mo rêng kuanga thu irdon hrangin nang ki ibe, dâihrek ro, nang thatpaina ki ti,” a tia. Deipu’n, “Ki thu ti irngai nuam mak chea, hi hi ni tho tâk sikin, Pathianin nan boipai a itum a nih ti kin hriat ta,” a ti phota, a dâihrek ta.

FESUAKNA 10:1

Rengpa’n Mosia kuang, “Faroa kuang va lûtin lân, hi ki isinsiahai hi anni laia ngêt kin entir theihaina hrangin a siahlohai le ama lungrîl khom ki inngartir pehai tâk a ni,

FESUAKNA 11:10

Khanchu Mosia le Arona’n Faroa makunga khan, thilirkhêlhai an tho tâka; khannisian Rengpa khan Faroa lungrîl chu an ngartira, Israel irchihai chu kha rama irthokin infetirhai mah.

FESUAKNA 14:17

Keima’n Aigupta mihai lungrîl inngartir pehai ki ta, khanchu irzûlhai mai an ti. Faroa le a sipaihai, a sakor tâli le sakor chung chuang mihaiin ni chôiirsâng an ta,

FESUAKNA 14:4

Keima’n Faroa lungrîl inngartir pe ki ta, khanchu irzûlhai a ta; keima’n Faroa le a sipaihaiin ni chôiirsâng an ti; khanchu Aigupta mihaiin keima hi Rengpa chu ki nih ti inhre ta an ti,” tiin.

FESUAKNA 14:8

Rengpa khan Aigupta rama rêng Faroa lungrîl an ngartir pea, Israelhai ngam taka suakhai kha an irzûlhaia.

FESUAKNA 4:21

Khanchu Rengpa’n Mosia kuanga khan, “Aigupta ram ni tung tena chu ni kuta thilirkhêl nang ki inchôitirhai hi Faroa mit hmua irlangtir ngêt ro, khannisianlân, a milung inliantir pe ki ta, khanchu mihai kha insuatirhai no ni.

FESUAKNA 9:12

Khan, Rengpa’n Faroa lungrîl chu a la’nngartir pea, Rengpa’n Mosia kuanga a lei ihril tâk angin, anni thuhril chu irngai ual mah.

FESUAKNA 9:16

Khannisianlân hi thil ki ithôna ang taka hin ki sinthotheina chu inentir a ni theina hrangin le, rammual pumpuia ki’rhming puang indarh a ni theina hrangin nang ki la indam mai a ni hi te.

ISAIA 14:24

Itinrêng Rengpa irhmingin hiang hin a ti, “Tho ki itum chu tho ki ta, a sa ki iti chu hlochuk a ti.

ISAIA 34:2

Nam tin chunga Rengpa ning an mura, an sipaihai laia a ning an mur pe a ni. Thathai ving hrangin a siahai ta, that hrangin ar fûktir zoi ta.

ROM KHUAA MIHAI KUANGA TÎRTÔN PAULA LEKHATHON 9:18

Khanchu Pathian khan a inuam murdi lung an kham ngaia, a inuam murdi khom an tukulliantir ngai a ni.

DÂN INHNINA 2:30

Hesbon rêng Sihona khan a rama kin ife theng chu phal maka, kin inhnêa a ram ei neipai pe theina hrangin Rengpa khan a lungrîl an ngartira, a tukul a inlian a ni; atûn ten a ram kha kin neipai pe tâka.

DÂN INHNINA 7:16

Rengpa nin Pathianin nangni a ipêk rama namhai kha inboipai unglân, nin hmu’n lunginkhamhai no unglân, an pathianhai khom nin ibiak hrang ni ma; kha kha nin in-ôkna hrang châng a ni.

ROIRÊLTUHAI 14:4

Khannisianlân, a nu le pa’n, kha kha Rengpa itho a nih ti inhre mahaia; Filistia mihai chunga zoro inchum a zong a ni, kha lai khan Filistian mihaiin Israel mihai chunga roi an rêl a ni.

1 SAMUELA 2:25

Mi inkhatin mi dang chunga a sualin chu porinchetir a ni, Pathianin a chunga rêl pe a ta, khannisianlân, mi Rengpa chunga a sualin chu tu’n mo a ingênpui ta hrang?” a tia. Kha dôr ten khom khan an pa thu zôm nuam loiin an oma. Khasikin Rengpa khan anni kha a ithathai ngêt hrang a ni.