JOSUA 11:16 - PATHIAN LEKHABU IRTHIANG C.L. Bible (BSI)

¹⁶ Josua’n ram murdi chu a lâka, Negeb le tâng ramhai, Gosen ram phâihai, tângdung phâituanhai, Jordan irhôrhai, Israel tâng ramhai, a vêl tâng bul phâituanhai a lâk zita.

JOSUA 11:16 ပူးပေါင်းရင်းမြစ်များ

INPÂKNA HLAHAI 105:44

Khan, nam tin ramhai chu a pêk tâka. Anni khan mi danghai sinsôl ra an lua tâka,

INPÂKNA HLAHAI 78:55

Nam tin chu an makunga an hnot suaka, Anni kha hruia irkhi’n irchon hrangin a sema, An puan inhaia khan Israel namhai kha an omtir tâka.

EZEKIELA 17:23

Israel tâng irsâng khan phun ki ti, a ônhai hong zap a ta, hong ra a ti. Sidar thing roiinpui tak la ni a ti. a hnuaia khan chunglêng va chi tinrênghai chu om an ta, a ôn hnuai dâihlîmhaia khan om an ti.

EZEKIELA 36:8

Khannisian Israel tânghai chunga khan chu thingkunghaiin hna la nôk an ta, nangni ki mi Israelhai ta hranga hin ra insua nôk an ti. In tiang kîr nôk lat thei ta nin ti.

DÂN INHNINA 1:7

Nin irbu insiat unglân, irtôl irson roi. Amor-hai ram, tâng rama khan fe unglân, a kôlvêl ramhai irfang roi. Jordan dung phâi, tâng ram, sim tiang ram hai, Mediteranean tuipui kam dênin fe roi. Kanaan hai ram, Lebanon tâng pên Eufrates dung dênin fe roi.

JOSUA 10:40

Josua’n ram chu a lâk zit tâka, tâng ramhai, nisua tianga tâng dunghai, nitâk tianga phâizôlhai, thang tianga ramhai leh a lâka, an rênghai chu an hnê zita, tûte insua mah. Israelhai Pathian Rengpa chong pêk angin a itho thei taphot chu a that zita.

JOSUA 10:41

Kades-barnea rengata Gaza kongkâr ram murdi, Gosen ram khom, Gibeon dênin Josua’n a lâka.

JOSUA 11:15

A siahlo Mosia kuang Rengpa’n thu a pêka, Mosia’n khaang ngêtin Josua chu thu a pêka; khaang tak khan Josua’n a thoa. Rengpa’n Mosia kuang thu a ipêk murdi chu tho loi rêng rêng nei mah.

JOSUA 11:2

Hmâr tiang sim tianga rênghai, Galili dîl thang Araba khuaa rênghai, Mediteranean tuipui kôla Dor khua rêng hai,

JOSUA 11:21

Josua chu a fe zêla, tâng rama Hebron khuahai, Debir khuahai, Anab khua hai, milian Anak an ti la omhai chu a that zita. Judai le Israel tâng rama omhai khom, an rêngin an khuahai khom a hâl inram zita.

JOSUA 12:8

Hi ramhai ihuap chu: tâng ramhai, nitâk tianga tâng mualhai, Jordan vadung irhôrhai le a tâng phâizôlhai, kha ram nisua tianga tânghai le Negeb ramchâr hai. Kha rama lei omhai chu Hiv mihai le Jebus mihai an ni.

JOSUA 9:1

Jordan thang tianga tâng rama omhai, phâi rama omhai, le Mediteranean tuipui kôla Lebanon tâng dêna om Hit-hai rêng le, Amorhai rêng, Kanaan rêng, Periz-hai rêng, Hiv-hai rêng, Jebus-hai rênghaiin Israelhai hrâtzia an lei inhriata.