JOSUA 11:12 - PATHIAN LEKHABU IRTHIANG C.L. Bible (BSI)

¹² Josua’n hi khua murdi hi a lâk zita, an rênghai khom a chela, Rengpa siahlo Mosia thu ang khan a thathai zêla.

JOSUA 11:12 ပူးပေါင်းရင်းမြစ်များ

DÂN INHNINA 7:2

Rengpa nin Pathianin nin kuta nangni a pêk tika thathai nin ta, nin ithathai zit hrang a ni; annihai le thu nin irthungpui hrang ni ma, inrenhai sa no roi.

DÂN INHNINA 9:3

A vuan hin inhre roi, nin mahruaitu kha Rengpa nin Pathian hi a ni, nin matona a sâna mei kâng angin a ife thiai hrang a ni, insiat a ta, nin matona nangni inlômtir mai a ti, Rengpa lei iti tâk angin inhnotsuak zit a ta, irhmangtirhai zit nin ti.

JOSUA 10:20

Josua le Israelhaiin an râlhai chu an thata, an that infâi zit ang a ni, an ithat mihlia tômte chu an khua kulhaia khan an la lût irmana.

JOSUA 10:28

Kha nî khan Makeda khua chu Josua’n a doia, a lâka, an rêng khom a chela; kha khuaa om murdi chu a thathai zita, inkhat khom insua mah, Makeda rêng chu Jeriko rêng a ithat ang khan a thata.

JOSUA 10:30

khanchu Rengpa’n kha khua kha an lalna leh Israelhai kuta a pêk nôka, khan kha khua kha doiin a sûnga om murdihai chu khandaiin a thathai vinga; a sûnga mi inkhat khom insua viat ma, khanchu Jeriko khuaa rêng chunga a itho ang khan kha mi rêng chunga khom a thoa.

JOSUA 10:32

Israelhai kuta Lakis khua chu Rengpa’n a pêka, a sûn hni nî chu an lâk tâka. Libna khuaa an itho ang ngêt khan kha khuaa mi murdi chu a sât thathai zita.

JOSUA 10:35

Kha nî sûn ngêta khan an lâka, kha nî khan mi om murdi an sât tôlhaia, Lakis khuaa deng an ithei ang tak khan deng an intheitirhaia.

JOSUA 10:37

Khua chu an lâka, khataka om murdi chu an rêng leh ile a sât thathaia, a kôlvêla khuaa omhai khom a sât thathaia. Eglon khuaa a itho ang khan Hebron khom an siat zita, tûte hring damin insua mah.

JOSUA 11:13

Hazor khua, Josua ihâl ti no chu, Israelhaiin an khua insiata in la indinghai chu hâl mahai.

JOSUA 11:15

A siahlo Mosia kuang Rengpa’n thu a pêka, Mosia’n khaang ngêtin Josua chu thu a pêka; khaang tak khan Josua’n a thoa. Rengpa’n Mosia kuang thu a ipêk murdi chu tho loi rêng rêng nei mah.

JOSUA 13:6

Lebanon tâng le Misrefotmaim kâra tâng rama om murdi Sidon mihai chu, keima’n Israel mihai matona lei inhnotsuakhai zit ki ti, chong nangni ki pêk angin an ram irchon hrangin Israelhai chu pe phot mai roh.

JOSUA 21:44

Rengpa’n a lei inkung diam tâk angin ram pumpui chu irngeina a inlêngtira. An râlhai inkhat lua’n inhnê mahai, Rengpa’n an hnêtir zit ngai a ni.

JOSUA 8:31

Rengpa siahlo Mosia’n Israelhai kuanga thu a ipêk, Mosia Dân bua irziak angin lung thîr leh siam irfûk ni loiin maichâm an siama. Rengpa kuang hâlirvôm thilinhlan le irpôlkhômna thilinhlan an inhlana.

JOSUA 8:8

Khua nin lâk zoia chu Rengpa thu angin hâl roi. Nin itho hrang chu kha kha a ni,” a tia.

JOSUA 9:24

Josua chu an sâma, “Rengpa nin Pathianin a siahlo Mosia chu ram pumpui hi pe hrang a tia, nin fena mi om murdi chu that zit hrangin a ti ngeia. kha kha kin lei inhriata, kin chi tak taka, khaang khan kin iti mai a ni kha, kin chi sika a ni.