JOSUA 10:33 - PATHIAN LEKHABU IRTHIANG C.L. Bible (BSI)

³³ Gezer khuaa rêng Horama chu Lakis khua changpui hrangin a zuanga, Josua’n ama chu a sipaihai leh a lei inhnêa, inkhat lua irhmâiloiin a lei that zita.

JOSUA 10:33 ပူးပေါင်းရင်းမြစ်များ

2 SAMUELA 5:25

Khan, Rengpa’n thu a ipêk angin Davida khan a thoa, Filistia mihai chu Geba-a irthokin Gezer dênin an irzûlhai tâka.

1 THURCHI SUINA 20:4

Zoro sôtnotea chu Filistia mihai le Gezerak an irdoi nôka, Hamath mi Sibekaia khan Filistia mihai laia mi lian irchi Sifaia a thata, Filistia-hai chu an dok tâka.

1 THURCHI SUINA 6:67

Efraima tâng rama zôkna khua Sekem, Gezer,

JOSUA 10:32

Israelhai kuta Lakis khua chu Rengpa’n a pêka, a sûn hni nî chu an lâk tâka. Libna khuaa an itho ang ngêt khan kha khuaa mi murdi chu a sât thathai zita.

JOSUA 10:34

Josua le Israelhai chu Lakis ata Eglon khuaa an fea, an irhuala an doia.

JOSUA 12:12

Eglon rêng, Gezer rêng;

JOSUA 16:10

Gezer khuaa om, Kanaan mihai chu inhnotsuak mahai, atûn ten hin kha Kanaan mihai chu Efraima-hai laia an la oma, sinthoa an siahlo ni hrangin an om tâk a ni.

JOSUA 16:3

Nitâk tiang panin Jafleta-hai omna ram a fe irkâna, Beth-Horon hnuaia a fe pata. Gezer-a fe patin Mediteranean tuipui a suna.

JOSUA 21:21

Khopui minli an pêk, zôkna hranga inkung Efraima tâng rama khopui Sekem hai, Gezer hai,

ROIRÊLTUHAI 1:29

Efraima mihaiin Gezer khuaa Kanaan mi omhai chu inhnotsuak mahai. Kanaan mihai chu an bila Gizer khuaa khan an om sa tâka.