JOSUA 10:13 - PATHIAN LEKHABU IRTHIANG C.L. Bible (BSI)

¹³ An râlhai chunga phuba an lâk mâka chu misa chu an ding maia, tha khom a omna khan a om ngita. Hi thu hi ‘Jasar lekhabu’ an itia khan a’rziak a ni. Vânlaizôla misa chu a ngîra, sûn khat reng chu ta loiin a om ngota.

JOSUA 10:13 ပူးပေါင်းရင်းမြစ်များ

2 SAMUELA 1:18

(Hi hla hi Juda irchihai irchuhai hrangin thu a pêka; khanchu hi hla hi Jasara lekhabua chuang a ni.)

2 RÊNGHAI 20:10

Hezekia’n, “kal sôma infetir chu a olhrai ta, kal sômin kîr nôk ri se,” a tia.

ESTHERI 8:13

Hi thu hi dân deta hmang hrang le Judahai khom an râlhai chunga phuba la hranga an irsiam theina hrangin bial tina mihai laia inpuang hrang a ni.” tiin an irziaka.

JOBA 9:7

Misa khom thu a pêka suak maka, ârsihai khom ar khûpai khipa.

INPÂKNA HLAHAI 148:3

Misa le thahaio, ama chu inpâk unglân; Ârsi vâr murdihaio, ama chu inpâk roi.

INPÂKNA HLAHAI 19:4

An irkhîna hrui kha irnêng murdia irzâm suakin a oma; An thu kha kôlkung dên rakin an thang suak tâka. Khahaia khan misa hranga khin puan in a zâra,

ISAIA 24:23

Tha le misahai khom inzak an ta, Zion tânga Jerusalem, Tinrêng Rengpa chu rêngtoihmuna toi a ta, ulianhaiin a roiinpuina hmu ngai an ti.

ISAIA 38:8

Reng Ahaza dâr tena irkhîna chu danh sômin intômtir ki ti,” a tia. Khanchu sûn dâihlîm chu sûn sômin an kîrtir nôka.

JOELA 2:10

An makunga irnêng an thinga; irvânhai an hnînga; misa le tha an thima, ârsihaiin an vâr an thupa:

JOELA 2:31

Misa inthim a ta, tha thisena chang a ta, Rengpa nikhua roiinpui tak le irkhêltak kha a zuang tung mân.

JOELA 3:15

Misa le thahai an inthima, ârsihaiin an vârna an thupa.

HABAKUKA 3:11

Misa le tha chu an omnaa khan an ngîr maia, Ni thalhai kâp suaka om ivâr le, Ni ufei irtêk zor zor vâra khan.

NAMBAR 21:14

Khasikin Rengpa irdoina lekhabua, “Sufa irhôr Vahep khuaa Arnon irhôrhai,

NAMBAR 31:2

“Israel irchihai chunga an sin thônahai sikin Midian mihai chu hremhai ro, khanchu kha thil kha ni tho zoi tika nangma chu nir chihai kuang hruaiin om ta ni ti,” a ti pea.

MATHAIA 24:29

“Khan, kha dengthei zorohai kha ar zoi le chu misa inthim a ta, tha vâr ta no ni, irvân ata ârsihai tâk a ta, irvân sinthotheinahai kha inhnîng a ti.

MATHAIA 5:45

nin Pa irvâna mi nâihai nin ni theina hrangin; Ama’n chu mi sualhai le mi sahai chunga misa an suaktira, sin sa sinhai le sin saloi sinhai chunga khom rua an thotir ngai.

LUKA 18:7

Pathianin a mi inthang, sûn zâna ama insamtuhai thu kha Pathianin a iset infel pe lat loi hrang ma ni? A ir-ial hrang ma ni?

TÎRTÔNHAI SINTHO 2:20

Misa inthim a ta, tha thisen chang a ti; Rengpa nikhua roiinpui le poimo tak zuang tung mân.

JOSUA 10:11

Amor mihai kha an intân laiin Rengpa’n irial liantak takin an dêngtira, Azeka an tung dênin irialin a dênghaia, Israelhai ithat nêkin irial idênga thi hi an tam ual.

JOSUA 10:14

Khaang taka mihriam chong Rengpa’n a zôm ni sûn la om ngai ma. Om khom om nôk ta no ni. Rengpa’n Israelhai chu irdoinaa khan a doipuihaia.

THUPHUANG 21:23

Khopui êl hrangin misa le tha nang ta mah, Rengpa roiinpuina khan a êla, Belrate kha a meiser a ni.

THUPHUANG 6:10

Anni khan hnukirhai inring takin, “Itinrêngthothei Rengpa, A’rthiang le A diktu! Idôr ten mo irnênga mihai chunga roirêl loiin kin thisen phuba la loiin ni iom hrang?” tiin an khêka.

THUPHUANG 6:12

Belrate’n irsinsiana ki rukna an hong lai kha ki ena, Hnîngnupui a hong inhnînga, misa kha samul puan vom angin a hong duka, tha khom thisen ang dôrin a hong sen tâka.

THUPHUANG 8:12

Vântîrtôn a minlina khan a bekul a hong tuma, khanchu, misa hmun thuma sena hmunkhat, tha hmun thuma sena hmunkhat le ârsihai hmun thuma sena hmunkhat chu intôk siat a nia, khahai kha hmun thuma sena hmunkhat an thim theina hrangin. Khanchu, sûn hmun thuma sena hmunkhat chu vâr om ta maka, zân khom hmun thuma sena hmunkhat chu an thim khak tâka.

ROIRÊLTUHAI 16:28

Khanchu, Samsona’n Rengpa a koia, “O Rengpa Pathian, nin hriat maiin lân, nin hrâttir ro ba; O Pathian, atûna vai hin ni hong inhrâttirin lân ki mitru inhni kêlsuakpaihai phuba Filistia mihai chunga hin hong la vak ki ti,” a tia.

ROIRÊLTUHAI 5:2

Hruaituhaiin Israelhai mâ an hruaia, mipuiin raifân takin an zui dûl dûl mai hi, irzuk takin Rengpa chu inpâk roi.