JOSUA 10:11 - PATHIAN LEKHABU IRTHIANG C.L. Bible (BSI)

¹¹ Amor mihai kha an intân laiin Rengpa’n irial liantak takin an dêngtira, Azeka an tung dênin irialin a dênghaia, Israelhai ithat nêkin irial idênga thi hi an tam ual.

JOSUA 10:11 ပူးပေါင်းရင်းမြစ်များ

IRPHUTNA 19:24

khan Rengpa’n Sodom le Gomora khua chunga khan irvâna Rengpa kuang ata meiri-al ropuivânsâng angin an thotira;

2 SAMUELA 18:8

An irdoina hmun ram pumpui a huap zita; kha ni khan khandaia thi nêkin rampuia thi an itam ual a ni.

JOBA 38:22

Ivur siana hmuna ni lûtin, Irial siana hmuna khom ni lût ta mo?

JOBA 38:23

Buaina zoro hrang le irdoi le irbei nikhua hranga ni ihôi kha a ni.

INPÂKNA HLAHAI 11:6

Mi siahai chunga mei le kât an thotir pea; Phâivua lumhaiin anni kha deng an theitir ngai.

INPÂKNA HLAHAI 147:17

Irial chu bai irnôi angin a pai suak ngaia; A dâi a itîra khan tu mo ngîr thei hrang?

ISAIA 28:2

Anni doi hrangin mi hrât le hâi Rengpa indang chu, phâivua hor thok, irial zuang tâk, ropui vânsâng laia tâk anga tuilian irsok angin, an ram zuan nôr a ti.

ISAIA 28:21

Perazim tâng chunga le Gibeon phâi ram a isiat ang khan, a thil tho hrang irkhêl ta tak le a itho hrang irkhêl ta takhai chu Rengpa’n zuang tho a ti.

ISAIA 30:30

Rengpa’n ar hâihoitak chu insuak a ta, a kut thâk chu mi tinin hmu an ti. A ningmur meiri-al chu kâng irhmang hrang anga irthokin phâivua rua hor soia irial tâk ang hin zuang tung a ti.

EZEKIELA 13:11

An banghai kha chim hrang a ni ta tiin deipuhai kha inhrilhai roh. Rotui zuan thotir ki ta. Irialhai indêngtir ki ta, kêllaiherin sêm inzuan ki ti.

DÂN INHNINA 20:4

Rengpa nin Pathianin nangni a ompuia, nangni san a ti,’ ti a ti.

THUPHUANG 11:19

Khanchu, irvâna Pathian biak in kha ar honga, Thuthung Bôm a zuang inlanga. Kha hnung chu kôlirlek hai, hnukirhai, khonri hai, hnîngnu hai, irial inrik takhai a hong om ta.

THUPHUANG 16:21

Irvân ata irial lian tak tak, her sômringa ang dôra rik, mihriam chunga a tâka. Irial hremna sika khan Pathian kha an hrilsiata, kha hremna kha a na ta hrai sikin.

ROIRÊLTUHAI 5:20

Vâna ârsihai khomin an hong doia, Ârsihaiin an hmun rengata Sisera chu an hong doia.