JOSUA 1:8 - PATHIAN LEKHABU IRTHIANG C.L. Bible (BSI)

⁸ Itiklai khomin ki dân bu sûnga thu irziakhai hi tep irnghil no ro, ni zôm zit theina hrangin a sûn a zânin irchu ngai ro; khanchu lam tinrênga hmangchangin hlochuk zêl ni ti.

JOSUA 1:8 ပူးပေါင်းရင်းမြစ်များ

IRPHUTNA 24:63

khan Isaka chu khohloi tiang chu kholâi a va chaia: rammual a hei thîr vêla, en ro, saringseihai hong a hmua,

2 THURCHI SUINA 26:5

Pathian thu tianga kaihruaitu Zekaria dam sûng chu Rengpa thu a poma, Pathianin a irhniangtira.

INPÂKNA HLAHAI 119:11

Ni chunga ki sual loina hrangin, Ni dânhai chu ki lungrîla ki phûm khaka.

INPÂKNA HLAHAI 119:15

Nangma irchutirna thuhai chu ngaitua ki ti. Ni lampuihai chu ngaisak ki ti.

INPÂKNA HLAHAI 119:97

O, ni dân chu ki’rngaiinhlu bâka na! Sûn sôt ki ngaitua ngai a ni.

INPÂKNA HLAHAI 119:99

Ni’rchutirtu murdi nêkin inhriat thiamna ki nei ual a ni, Ni nir chûtirna ki ngaitua ngai sikin.

INPÂKNA HLAHAI 19:14

O Rengpa, ki lungpui le a ni’rtantu, ki bâia thu suakhai le ki lungrîla ngaituanahai hi ni mithmua lôm inruk takin om ri se.

INPÂKNA HLAHAI 40:10

Ni felna chu ki milung sûnga thup ma unga; Ni iamomna le ni takna chu inkhômna roiinpui taka mihai ata chu thup ma ung.

THUVÂRHAI 3:1

Ki nâipa, nang ki irchûtirhai hi irnghil viat no’n lân, ni lungrîla ki thupêkhai hi vong mai ro;

ISAIA 59:21

“Keima’n nin laia thu ki ithung chu hi hih a ni,” Rengpa’n a ti. “Ki’rtha nin kuanga om le ki thu nin bâia ki isia khan atûn ata kumtuangin nangni suaksan ta ngai no ni; nin nâihai le nin tuhai nâihai ten khomin mâksan ngai no ni,” ti hi Rengpa thusuak a ni.

MATHAIA 12:35

Mi sa’n chu ar chon kok sa ata thil sahai a sapsua ngai. Mi saloiin chu ar chon kok ata thil saloi a sapsua ngai.

MATHAIA 28:20

Thu nangni ki ipêk murdi hi zôm hrangin irchutirhai roi. Khanchu, keima kumkhua’n, rammual mong dênin, nin kuang om mai ki ti,” a tia.

MATHAIA 7:21

“‘Rengpa, Rengpa,’ ni ti narânhai chu irvân Rama lût no nihaia, ka Pa irvâna mi nuamlam thotuhai kêng an ilût hrang.

MATHAIA 7:24

“Khanchu, hi ki thu hi inhriata, zôm murdi chu mi vâr, lungpui chunga in sintu leh irkhek rua a ni.

LUKA 11:28

Jisua’n a sâma, “Pathian thu inhriata zômhai chu an vân a sa ual,” a ti pea.

JOHANA 13:17

Kha kha nin inhriata, nin zômin chu lôm nin ti.

JOHANA 14:21

Tukhom ki thupêkhai poma zômpu chu lung ni thungpu a ni, lung ni thungpu chu ka Pa’n lungthung a ta, kei khomin lungthung ki ti, a kuang inlâr sa ki ti,” a tia.

EFESI 4:29

Chong saloi rêng rêng hmang no roi, mi siaminsat thei vai, nin bâia suak ri se, khanchu a’rngaituhai hrangin lômom a ti.

DÂN INHNINA 29:8

an ram khom kin neipai pehaia; Reubena irchi hai, Gada irchihai le Manasea irchi chimriphai kha an dongtuma kin pêkhaia.

DÂN INHNINA 29:9

Khasikin hi thuthung thuhai hi zôm unglân, nin thiltho kipa nin irhniang theina hrangin tho roi.

DÂN INHNINA 30:14

Hi hin, ni kôla hin a om mai hi te, nin hriat tâka, an sîr khom nin sîr nin sîr mai kha te; zôm chian ro.

DÂN INHNINA 31:11

Rengpa nin Pathian hmun inkunga Israelhai kha a makunga an hong inlang hrang a ni.

DÂN INHNINA 31:24

Mosia khan Pathian Dân kha lekhabua irkip takin a’rziaka.

DÂN INHNINA 5:1

Mosia khan Israel mi murdi kha a koi bukhaia, an kuang ‘Israelhaio, hi thu’nkung le omdân hrang nin beng inhriata, ki insîrhai hi irngaitua unglân, irchu nin ta, nin izôm hrang a ni.

DÂN INHNINA 5:29

Khaang lungrîl kha irput maihai sianlân chu, i dôra sa hrang mo a ini! Ni chi an ta, ki thupêkhai zôm an ta, an nâihai ten khom kumkhua’n irhniang an ti:

DÂN INHNINA 5:32

Rengpa nin Pathian thupêk hi a sân nin izôm irdîn hrang a ni; inkhat lua nin irhmâi hrang ni ma, nin ibôk hrang ni ma.

KOLOSA 3:16

Krista thu kha, a’rchongna murdi leh nangnia om ri se. Inpâkna hla hai, Pathian hla hai, Irtha tiang hla hai le vârna tinrêngin irchutir unglân, irthor irhlôm roi. Nin milung taka Pathian chôiindômin raifân takin inpâk roi.

JOSUA 1:7

Hâitakin irnak song phot mai ro; Mosia’n ki dân a ihrilhai hi zôm zitin lân, inkhatte lua zôm loiin om no ro; khanchu lam tinrênga hlochuk ni ti.

JOSUA 8:34

An inding infel zoiin chu, Dân bua thu murdi, satvurna thuhai, khomâksâmna hrang thuhai chu Josua’n a tep suak zita.

THUPHUANG 22:14

Hringna tuikuanga thei ra kha an fâk theina hrang le khopui kha an lût theina hranga an puan irsûk infâihai chu an vân a sa.