JONA 4:8 - PATHIAN LEKHABU IRTHIANG C.L. Bible (BSI)

⁸ Khan, hi hi a nia, misa a hong suakin chu Pathianin nisua tianga phâivua lum a lei inkunga; khan, misa khan Jona lu kha a ema, a chinginrîla, a ta hrang khan thi a ngên tâka, “Keima hrang hin hring nêkin thi a sa ual,” a tia.

JONA 4:8 ပူးပေါင်းရင်းမြစ်များ

IRPHUTNA 41:6

kha irzoiin chu a vûi sari nei phâivua isêm inrîl thei pai anga chînte te an hong suak nôka,

1 RÊNGHAI 19:4

ama chu sûn sôtin ramchârna hmuna a oma, thing daihlîm hnuaia a toia, thi hrangin a’rzonga, “Inruk ta ma ung, o Rengpa, ki hringna hi ni lapai pe ro, ki hrangin thi a sa ual ta,” a tia.

1 RÊNGHAI 21:4

Jezreel mi Nabota’n, kin puhai irhuan irchon nang pe thei no ning a ti sikin ningmur puma nuarin a in tiang Ahaba chu a rota. Bang tianga irheiin a zâlhmuna a zâla bu khom ne nuam ta maka.

JOBA 2:10

Khannisianlân, Joba’n a kuanga khan, “Nupang into chong angin te ni chonga. Pathian kuang ata thil sa ei donga, thil saloihai khom ei idong loi hrang mo?,” a tia. Hianga thil a tuang khom hin a Pathian chu insîrinsiat mah.

JOBA 7:15

hianga natna tuang puma om mai nêkin chu, ki hringna hin irvit that hi a inthang ual a ni ta.

INPÂKNA HLAHAI 121:6

Sûna misa’n nang em no nia, Zâna tha’n nang em ual no ni.

INPÂKNA HLAHAI 39:9

Nangma itho a ni sikin, Chong ma unga, ki bâi khom âng ma ung.

THUHRILTU 7:9

Ni ningmur chu indâipai ro, ningmurna hi invêthai rôpsuama kêng a om ngai.

HLAHAI HLA 1:6

Ki duk sika hin nin sit ual no’n lân, misa’n a ni em induk sika a ni. Ki nuchahaiin ki chunga an ningmur an insuma, grep irhuana sintho hrangin an ni tîra; ki taksa ir-enkolna hrang zoro nei ma ung.

ISAIA 49:10

An phîngchâmin tuiinhrâl ta ngai no nihai, phâivua lum le sûn misa lum khom chi ual no nihai. An hruaitu’n an renhaia, tui tamna hmuna a hruaihai ngai.

EZEKIELA 19:12

Khannisian, ningmurna sikin phôipaiin a oma, Irnênga an pai raka, nisua tianga phâivua’n a sêm inchâra, A ra a chil zoi tâka. A ôn liantak takhai khom chu kiakpai a hong nia, a châr tâka, meiin a kâng irhmang zit tâka.

HOSEA 13:15

A urênghai laia irhniang tak ni khomsian, nisua tianga phâivua hong pût a ta, ramchâr ata Rengpa itho ngêt kha a zuang lai tak a ni; a tuihnârhai kha kang a ta, a tuikuanghai kha châr zoi a ti. Bêlbûr sa murdi, a châr kha insiat zit a ta.

LEVI DÂN 10:3

Mosia’n Arona kuang, “Rengpa’n hi chungchânga hin hiang hin a ti; ‘Ki sinthotuhaiin chu ki irthiangna hi an iuksak hrang a ni. Ki mihai makunga ki roiinpuizia inlangtir ki ti,’ a ti lele kha te,” a tia. Arona chu a dâihreka.

JONA 1:17

Khan, Rengpa khan Jona inlem hrangin nga lian tak a lei inkung tâka; kha nga sûnga khan Jona kha sûn thum le zân thum a oma.

JONA 1:4

Khannisianlân, Rengpa khan phâivua kha a satêrengin tuikhangliana khan an thotira, tuikhangliana khan a satêrengin phâivopui a thoa, khanchu, irkuang kha koi hrang angin a om tâka.

JONA 4:3

Khasika khan, O Rengpa, atûn ki hringna hi ni lapai pe hrangin nang ki ingên a ni; keima hranga hin dam nêkin thi a isa ual a ni,” a tia.

JONA 4:9

Khan, Pathian khan Jona kuang, “Ûm chungchâng thua ni ninginmur hi ni tho indik ma ni?” a tia. Ama khan, “Thipui hrang dôra ki ninginmur hi, ki iti indik a ni,” a tia.

MATHAIA 20:12

‘Hi a hnungkhôn takhai hin dârkâr khat vai an sina, keini chu misa luma sûn misa tâk dênin kin sina, khan khomin, keini idong dôr ngêt anni khom ni pêkhaia!’ an tia.

THUPHUANG 3:19

Lung ki ithung ka chu ki hrila, ki zêm ngai, khasikin sathnem irngaiin lân, ni sualna ata irlet roh.

THUPHUANG 7:16

An phîngchâm ta no nia, an tui khom inhrâl ta no ni. Misa’n emhai ta no nia, a sâna lum rêng rêng tuang ta no nihai.

1 SAMUELA 3:18

Khanchu Samuela khan itinrêng a hril pe ving tâka; ite ip nei viat loiin. Elia khan, “Ama chu Rengpa a nia, a sa a iti lam takin tho ri se,” a tia.