JONA 4:2 - PATHIAN LEKHABU IRTHIANG C.L. Bible (BSI)

² Rengpa kuanga khan a chongchaia, “O Rengpa nang ki ngên, hi hi kin rama ki om laia ki insîr kha mo ni ma? Hi sika hin Tarsis tiang ki intânpat a ni kha te: nang chu lungkhamna sip, thil saloi tiang ata irheikîr ngai ni nih ti kin hriat.

JONA 4:2 ပူးပေါင်းရင်းမြစ်များ

1 RÊNGHAI 19:4

ama chu sûn sôtin ramchârna hmuna a oma, thing daihlîm hnuaia a toia, thi hrangin a’rzonga, “Inruk ta ma ung, o Rengpa, ki hringna hi ni lapai pe ro, ki hrangin thi a sa ual ta,” a tia.

INPÂKNA HLAHAI 103:8

Rengpa chu inrenaa sip, mi lunginkham thei tak, Milung ir-ial tak, lungkhamna nei intamtak a ni.

INPÂKNA HLAHAI 145:8

Rengpa chu mi lunginkham thei, satnaa sip, Lung ir-ial, lungkham lianna nei a ni.

INPÂKNA HLAHAI 78:38

Khannisianlân, ama chu inrennaa a sip sikin an pualoina kha a ngaidama, anni kha inboihai ma: A ni, voi tamtak a ningmurna kha a lâk kîra, A ninginmurna kha a rêngin insuak nuam ngai mah.

INPÂKNA HLAHAI 86:15

Khannisianlân, O Rengpa, nang chu Pathian, inrennaa sip, lung nin kham theitak, milung ir-ial, lungkhamna le thutaka sip ni ni.

INPÂKNA HLAHAI 86:5

Rengpa, nang chu ni saa, ngaidam ni nuama, Nang a koitu murdi chunga lungkhamna ni sip ngai a ni.

INPÂKNA HLAHAI 90:13

O Rengpa, zuang kîr nôk ro; idôr ten mo ni ning ni inmurtir hrang? Ni siahlohai chung thua khan ni lungrîl irlêkin lân.

FESUAKNA 32:14

Khasika khan kêng Rengpa’n a lungrîl an danglamtira, a mihai chunga vânduaina irkhêl intungtir hranga a lei ihril kha a irlêktir a ni.

JEREMIA 18:8

kha namhai khan an sualna an irletin chu, an chunga thil saloi tho ki itum kha irlêk nôk ki ti.

JEREMIA 20:7

Rengpa, nangin ni ni huanga, ihuang ki ini tâk a ni. Nang chu keima nêkin ni hrâta, ni ni inhnê a ni tâk. Mi tinin an ni phengsana, sûn sôtin an ni inuiso a ni.

JEREMIA 26:13

Nin omdân saloihai khan nin thûl ngêt hrang le nin thil thohai khom nin imâksan ngêt hrang a nanga, Rengpa nin Pathian thu nin izôm ngêt hrang a ni. Nin zômin chu hi khopui chunga vânduaina irkhêl tung hranga lunginchongna a inei kha indanglamtir nôk a ti.

JEREMIA 42:10

‘Hi rama om mai nin nuamin chu, khaangin nangni siam loiin nangni san inding ki ta; nangni phôi loiin phunindet ki ti. Nin chunga siat ripna kin tungtir sikin, ki milung a ina a ni.

AMOSA 7:3

Hi thu tiang hin Rengpa kha ar hei kîra Rengpa khan, “Ni nôk ta no ni”, a tia.

AMOSA 7:6

Hi thu tiang hin Rengpa kha ar heikîra; Rengpa khan, “Hihai khom hi zuang tung no ni” a tia.

JONA 1:3

Khannisianlân, Jona kha Rengpa makung ata Tarsis-a a rot hrangin a thoi tâka; khan, Jopa khuaa a zu fea, Tarsis pan hrang irkuang a hmua: khanchu, a fena man a pêka, Rengpa makung ata kha Tarsis pan hranghai leh fe hrangin irkuanga khan a lût tâka.

JONA 3:10

Khanchu, Pathianin an thilthohai kha enin, a lampui saloi kha an irheisan tih a hmua; an kuang a lei insîr tâk angin, tho a itum thil saloi kha Pathian khan ar hei kîra; a itho ta loi a ni.

JONA 3:9

Kin irhmang loina hrangin, Pathian kha kîrin, lungrîl irheitirin, a ninginmurna irkhêltak ata kha zuang irheikîr no nih ti tu’n mo an hriat?” tiin.

MIKA 7:18

Nang anga pualoina ngaidamtu le irchon dongtum la omsun, tho’nsualna lôipaitu Pathian tu mo om? A ninginmurna kha vong mai ma, lungkhamnaa a lôm tak tak ngai sikin.

LUKA 10:29

Khannisianlân, Dân irchutirtu khan thiam chang nuamin, Jisua kuang, “Tu mo ki bômhai?” a tia.

DÂN INHNINA 4:31

Nin Pathian Rengpa hi Pathian khonza thei tak a nia, nangni masan no nia, nangni insiat sa no ni; nin pahai kuang thu an kung ngit kha irnghil sa no ni.