JONA 3:9 - PATHIAN LEKHABU IRTHIANG C.L. Bible (BSI)

⁹ Kin irhmang loina hrangin, Pathian kha kîrin, lungrîl irheitirin, a ninginmurna irkhêltak ata kha zuang irheikîr no nih ti tu’n mo an hriat?” tiin.

JONA 3:9 ပူးပေါင်းရင်းမြစ်များ

2 SAMUELA 12:22

Davida khan, “Nâite dam lai khan bu ki ngheia, ki chap ngaia. Nâite a dam theina hrangin Rengpa’n lung a nin kham duaiin ki iti a ni.

INPÂKNA HLAHAI 106:45

A thuthung kha anni an hriat pehai maia, A lungkhamna irkhêl sikin an lungrîl a’rlet tâka.

INPÂKNA HLAHAI 85:3

Ni ningmurna murdi chu ni lâkpaia; A satêna ni ningmurna kha nir heisan tâka.

INPÂKNA HLAHAI 90:13

O Rengpa, zuang kîr nôk ro; idôr ten mo ni ning ni inmurtir hrang? Ni siahlohai chung thua khan ni lungrîl irlêkin lân.

JEREMIA 26:13

Nin omdân saloihai khan nin thûl ngêt hrang le nin thil thohai khom nin imâksan ngêt hrang a nanga, Rengpa nin Pathian thu nin izôm ngêt hrang a ni. Nin zômin chu hi khopui chunga vânduaina irkhêl tung hranga lunginchongna a inei kha indanglamtir nôk a ti.

DANIELA 4:27

Khasikin o inlaltak, ki thu nang tihai hi pomin lân, ni sualna chu felna’n thûlin lân, nin châinahai chu, mi inrianghai nin renhaiin chu, ni khonhoinahai hi a la sei khom a ol,” tiin a sâma.

AMOSA 5:15

Sualna kha khôkmâk unglân, satna irngaiinhlu unglân, mikota roirêlna kha inding indet roi: Josefa-hai mi la omsunhai chunga khan Rengpa, sipaihai Pathian khan lungkhamna a inei loi ma ni.

JONA 1:15

Khanchu Jona kha an indoma, tuikhangliana khan an inzuanpai tâka; khan, tuikhanglian irsok but but kha a hong boi tâka.

JONA 1:6

Khanchu irkuang hruaitu kha a kuang a honga, “O nang a in, itho mo ni ini? thoiin lân, ni Pathian koi ro, Pathianin ei irhmang loina hrangin, ni ngaitua no ni mo”, a tia.

JONA 4:2

Rengpa kuanga khan a chongchaia, “O Rengpa nang ki ngên, hi hi kin rama ki om laia ki insîr kha mo ni ma? Hi sika hin Tarsis tiang ki intânpat a ni kha te: nang chu lungkhamna sip, thil saloi tiang ata irheikîr ngai ni nih ti kin hriat.

ZEFANIA 2:3

Nangni irnênga mi thuhnuairôl murdi, a thu zômtuhaio, Rengpa kha zong roi; Felna zong unglân, thuhnuairôl tum roi: Rengpa ninginmurna nikhuaa khan ithupin nin om thei itinin.

1 SAMUELA 6:5

Pangpo millim ringa le nin ram insiattu châichek millim ringa nin isiamhai khan Israelhai Pathian kha chôiindôm roi. Khanchu nangni le nin pathianhai le nin ram kha kuttum nangni a tho ta no khom a ni thei.