JONA 2:9 - PATHIAN LEKHABU IRTHIANG C.L. Bible (BSI)

⁹ Kei rêkin chu lômthu insîrna irhâi leh ni kuang irbôlna inhlan ki ta; Thu ki inkung tak kha hlensua ki ti. Saninhringna kha Rengpa ta a ni,” tiin.

JONA 2:9 ပူးပေါင်းရင်းမြစ်များ

IRPHUTNA 35:3

Thoi ei ta, Bethel-a fe ei ti, ki chardong le lungzîng laia ki kuanga om ngai Pathian ta hrangin maichâm siam ki ti,” a tia.

2 SAMUELA 15:7

Kum minli ar zoi tena chu Absaloma khan rêng Davida kuang, “RENGPA kuanga ki chonginkung thangsua hrangin Hebron khuaa ni tîr ro.

JOBA 22:27

A kuang chongchai ni ta, Ama’n nang irngai pe a ti, Khanchu ni thu’nkunghai lôm takin sua ni ti.

INPÂKNA HLAHAI 107:22

Anni khan lômthu’nsîr irbôlnahai kha inhlan sianlân, An sinthohai kha hla sakin hril ri se.

INPÂKNA HLAHAI 27:1

Rengpa chu ki vârna le ni saninhringtu a ni; tu mo ki ichi hrang? Rengpa chu ki hringna kulpui a ni; tu mo ki ichi hrang?

INPÂKNA HLAHAI 3:8

Saninhringna hi Rengpa ta a ni; Ni satvurna chu ni mihai chunga om ri se.

INPÂKNA HLAHAI 50:14

Pathian kuang lômthu insîr irbôlna kha inhlanin lân; Ni thu’nkung khom Anchungtaka kuang intung roh.

INPÂKNA HLAHAI 50:23

Tukhom lômthu insîr irbôlna inhlan murdi chu an ni chôiindôm ngai a nia; Khan, a omlam vong insatu kuang khan Pathian saninhringna nang inentir ki ti,” a tia.

INPÂKNA HLAHAI 68:20

Pathian chu ei ta hrangin saninzôktu Pathian a ni; Thina ata suaknahai chu Rengpa Jehova ta a ni sa.

INPÂKNA HLAHAI 95:2

Lômthu insîrin a makunga fe ei ti, Inpâkna hla saka ama chôiindômin raifân takin irhâi insua ei ti.

ISAIA 45:17

Rengpa’n Israelhai chu kumtuanga hrangin saninhringhai a ta, itiklai khomin mualinphoi no nihai,” a ti.

JEREMIA 33:11

raifânna le lômna khêk irhâihai le irneina hruaithe lômna irhâihai chu lan hre nôk nin ti. Mipuihai chu lômthu hrilna irbôlnahai ki biakbuka hong chôia, hi hla hi an sak lan hria nin ti. ‘Sipaihai Rengpa kuang lômthu hril roi, ama chu a saa, a lungkhamna chu kumkhontuangin a om hrang a ni sikin,’ ti hi. Hi ram hi matona tuanintung taka a iom ang khan siam nôk ki ti, kei Rengpa hin ki iti a ni,” a tia.

HOSEA 14:2

Rengpa kuanga khan kîr nôk unglân, a kuanga khan hiang hin insîr ro: a tho’nsualna murdi kha la paiin lan a sa ka kai kha pom ro; khanchu ei hmûr rahai kha sehrât chalpa irthûlin ki hong inhlan e.

JOHANA 4:22

Nangni Samarihaiin chu nin inhriat loi chubai nin mûka, keini Judahaiin chu kin inhriat kêng chubai kin imûk ngai; saninhringna chu Judahai kuang ata hong suak a nia.

TÎRTÔNHAI SINTHO 4:12

“Tu dang kuang khom saninhringna om mah, irvân hnuaia mihriam irhming iphua laia ni saninhring thei irhming dang rêng rêng om mahai,” a tia.

ROM KHUAA MIHAI KUANGA TÎRTÔN PAULA LEKHATHON 12:1

Khasikin urênghaio, Pathian lungkhamna sika hin irbôlna hring le irthiang le Pathian lôm inruk ni hrangin nin takpum kha inhlan hrangin nangni ki ngên a ni; khaang kha nin sintho hrang lam tak a ni.

DÂN INHNINA 23:18

Pasal khom nupang khom, a’rzuar likin chu chonginkungna hrangin Rengpa nin Pathian ina chôi inlût hrang ni ma; khaang mihai chu Rengpa nin Pathian intir lam tak a ni.

HEBRAI toc2 HEBRAI 13:15

Khaang khan, Jisua zâra ei irbôlna’n Pathian kuang inpâkna inhlan mai ei ti; ama kha hmûrin irbôlna an inhlan, “Rengpa a ni,” tia an ithopna a ni.

THUPHUANG 7:10

Khahai khan hnukirhai inring takin, “Saninhringna hi ei Pathian, rêngtoihmuna toitu le Belrate kuanga irthoka a ni,” tiin an khêka.

1 SAMUELA 12:21

Ite irfêna boi le nangni sansuak thei loi hrang chu zuiin pêtsan ual no roi, khahai kha ite hmang hmunboi a ni.