JONA 2:2 - PATHIAN LEKHABU IRTHIANG C.L. Bible (BSI)

² Hiang hin a ti: “Kin takna sikin Rengpa kha ki koia, Ama’n a ni sâma; Seol phîng sûng ata kin sama, Nangin ki’rhâi nin hriata.

JONA 2:2 ပူးပေါင်းရင်းမြစ်များ

2 THURCHI SUINA 33:12

A chardong hrai sikin Pathian Rengpa makunga irhnuai takin, changpuina ar zong tâka.

INPÂKNA HLAHAI 116:3

Thina hruihrualhai khan a ni zêla; Seol natnahai khan a ni chela; Lungzîngna le beidongna ki tuang tâka.

INPÂKNA HLAHAI 120:1

Ki lungzîng laia khan Rengpa chu kin sama, Khanchu a ni sâma.

INPÂKNA HLAHAI 16:10

ki’rtha chu Seol kuang khan masan rak no chi nia; ni mi irthiang hmon hmu kha phal no chi ni.

INPÂKNA HLAHAI 22:24

Ama khan intak tuangtu intakzia kha hmusit maka, intir ual mah; A hmâi kha ama ata thup ual mah; Ama kha a khêkin ar ngai ngai.

INPÂKNA HLAHAI 34:6

Hi mi inriang hi an insama, khan, Rengpa khan an hriata, A lunginzîngna murdihai khan a sansuak tâka.

INPÂKNA HLAHAI 4:1

O ki felna Pathian, nang ki koi zoro’n ni sâm roh; Ki lunginzîng lai hin ni san roh. Lung nin khamin lân, ki chongchaina nir ngaitua pe roh.

INPÂKNA HLAHAI 61:2

Ki milung a sôl laiin kôlkung ata nang koi ki ti: Lungpui keima nêka irsâng uala khan ni hruaiin lân,

INPÂKNA HLAHAI 65:2

O chongchaina irngaituatu, Ni kuang taksa murdi chu hong an ti.

INPÂKNA HLAHAI 86:13

Ki chunga ni lungkhamna chu ar khêlin; Ki hringna hi khurpadop inthûk tak ata ni saninzôk tâka.

ISAIA 14:9

“Hnuai tiang ata Seol chu ni hong tungna nghâkin, a ibuai a ni ta; mithi hnuaia hruaituhai murdi chu nangma zârin an phut nôka, nam tina rênghai chu an rêngtoihmun ata a hong kaithoihai ta.

CHAP HLA 3:55

Khur sûng ata irthokin O Rengpa nir hming ki hong koia,

EZEKIELA 26:20

Tiana lei thi tâkhai leh omsuam hrangin mithi khuaa nang tîr ki ta, kha hnuai rama khan kumtuang dêna siathai kuanga mithihai leh omsuam hrangin nang siam ki ti. Kha tena chu mihringhai rama omin ni hmunhai lua thei ta no chi ni.

EZEKIELA 31:14

Khasikin atûn ata chu thingkung murdi, savinga tui leh donsui khom ni sian, kha tânga khan sei thei ta no nia, a’rzîk khomin sûm dênin sei ta no ni. An rêngin anni chu mihriamhai anga thi hrang an nia, mithi khua lei fe tâkhai zu zompuihai an ti,” a tia.

MATHAIA 12:40

Jona chu sûn thum le zân thum ngapui sûnga a iom ang khan Mihriam Nâipa hi sûn thum le zân thum irnêng sûnga a iom hrang a ni.

LUKA 11:10

A nghi murdi chu pêk ni an ta, a zong murdi’n hmu an ta, an tôk murdi chu mikot inhong pe ni an ti.

LUKA 22:44

A zâm a’rzal tak taka, a’rthân kha thisen zung lian tak angin a zunga.

TÎRTÔNHAI SINTHO 2:27

Ki’rtha mithi khuaa mâksan no chi nia, Ni mi irthiang ruak hmon phal no chi ni,

HEBRAI toc2 HEBRAI 5:7

A taksa irput lai sûnhaia khan Jisua’n thina irthoka ama saninhring theitu Pathian kuang a sâna inringa khêkin le ngênna hai a neia, irngaiintôma ar pêkna sikin irngai pe’n a om.

1 SAMUELA 1:16

Ni suaknu hi Beliala nâinu’n ni bê no ro. Ki lungrîla sipliam beidongna le chardongna ki insîr a ni hi,” tiin a sâma.

1 SAMUELA 30:6

Davida milung a zîng pe sabaka, a mihai le an nâihai an inchân zoi tâk sikin, an lungrîl a na hraia, ama kha lung leh dêng that hrangin an insî sikin, khannisianlân Davida kha Pathian Rengpa khan milung ngar ar saka.