JONA 1:9 - PATHIAN LEKHABU IRTHIANG C.L. Bible (BSI)

⁹ Ama khan an kuang, “Hebrai mi ki nia; tuikhanglian le rammual siamtu Rengpa, irvân Pathian kha ki chi”, a tia.

JONA 1:9 ပူးပေါင်းရင်းမြစ်များ

IRPHUTNA 1:10

Pathianin mual le tâng chu “Irnêng” a tia, tui om khômhai chu “Tuipuihai” a ti tâka, khan Pathianin kha kha a ena, a sa a ti zapa.

IRPHUTNA 14:13

Khan mi inkhat hong intân chu a hong lûta, Hebrai mi Abrama kha a hrila: Abrama chu Amor mi Mamre thing irkhang kôla om ngai kha a ni. Mamre chu Eskola sang le Anera sanghai an ni; annihai hi chu Abrama hai leh irkop an ni.

IRPHUTNA 24:7

Rengpa vân Pathian, ka pa kuang ata le ki suakna ram ni hruai suaktu le a ni donsuitu le, hi ram hi nir chihai la pehai ki ti,” a tia. Ki kuanga chong le’nkungtu hin, “Ama ngêtin a vântirtôn chu ni kôla inlôitir a ta, kha ni rengata chu ki nâipa Isaka dôngma ni inneitir hrang a ni.

IRPHUTNA 39:14

a ina omhai chu a koihaia; “En roi hi, mualphoi ni sak hrangin Hebrai mi inkhat a hong lûta, ni zâlpui hrang tiin, irhâi inringtakin ki ikhêk a ni hi.

2 RÊNGHAI 17:25

An om phut laiin chu Rengpa biakna lam châng inhre loiin; kâmkeibaknei a tîra, a sêhaia.

2 RÊNGHAI 17:28

Khanchu, Israel ochai inkhat Samari khua ata suaka an ichel chu a fea, Bethel-a a lei oma; khatak ata mihaiin Rengpa biak hrang dân ar chutir ta.

EZRA 1:2

“Persia rêng Kura’n hiang hin a ti, ‘Rammuala ram murdi chu Rengpa irvân Pathianin a ni pêk ta; khan Judai rama Jerusalema in sin hrangin thu a ni pêka.

EZRA 5:11

“Hiang hin an ni sâma, ‘Irnêng le irvân Pathian siahlohai kin ni, kha dôr kuma sin, Israel rêng roiinpui tak inkhat lei isin sai kin isinsiam nôk a ni.

NEHEMIA 1:4

Khan hiang hi a nia, kha thu kha kin hriatin chu ki toiraka, ki chapa, sûn iza vêl mani chu a sân ki ngûipuia; bu ki ngheia, irvân Pathian makunga ki chongchaia,

NEHEMIA 2:4

Khanchu rêng khan, “Imo ni izong?” a tia. Khanchu irvân Pathian kuang ki chongchai tâka.

NEHEMIA 9:6

Israel mipuihai chu hiang hin an chongchaia, “Rengpa, nangma vai hi Rengpa ni nia, irvân le a sûnga om murdihai leh, irnêng le a sûnga om murdihai le, tuikhanglian le a sûnga om murdihai ni kut suak a nia; khan irvân tianga omhai khomin chubai nang an mûk ngaia.

JOBA 1:9

Setana’n Rengpa kuang khan, “Joba hin a bi boiin nang a irngaisak ma ni?

INPÂKNA HLAHAI 136:26

O irvân Pathian kuang khan lômthu hril roi; A lungkham lianna chu kumkhua’n om a ti.

FESUAKNA 1:15

Khanchu Aigupta rêng khan Hebrai mi nâi suak enkol ngai, Sifraii le Puaii hai kha hiang hin a ti pehaia.

FESUAKNA 2:13

Khanchu sûn danga a va fe nôka, Hebrai mi inhni an le’rsual pea, dik loi ualpa kuang khan, “Itho mo ni rualpa ni ivîk?” a tia.

DANIELA 2:44

Kha nia rênghai khan irvâna Pathianin ram zuan ding a ta, kha ram kha chu siat ta ngai no ni; an lalna khom mi danghai hrangin mâksan ni ta no ni; hi ram murdihai hi insiatin inhek zoi a ti, a ram chu kumtuangin inding mai ta a ti.

HOSEA 3:5

Kha tena chu Israel irchihai kha irlet an ta, Rengpa an Pathian le an inlaltak Davida kha zong an ta; zoro hnungkhônhaia chu Rengpa le a satna kha inthing pumin pan an ti.

TÎRTÔNHAI SINTHO 14:15

“Hi hi i hrang mo nin itho? keini khom nangni ang mihriam mai mai kin ni. Hi chanlamboi thilhai hi mâkin, Pathian hring, irvân, irnêng, tuikhanglian le a sûnga om murdi siamtu tianga nin hong kop theina hranga Thurchi Sa nangni hong hril kêng kin ini.

TÎRTÔNHAI SINTHO 27:23

A ta ki nia, a sin ki tho ngai, Pathianin vântîrtôn inkhat zânin khan a zuang tîra, ki kuang a zuang ngîra,

FILIPI 3:5

Sûn riat nia sertan, Israel irchia mi, Benjamina irchia mi, Hebrai nu le pa kâra suak ki ni, Dân zômna lama chu Farisai ki nia.

THUPHUANG 11:13

Kha zoro taka khan hnîngnupui an hnînga; khua kha hmun sôma sena hmunkhat chu a chima, mi sâng sari an thi. A la hringhai khan an chi tâka, irvân Pathian an inpâk tâka.

THUPHUANG 15:4

Rengpa, tu mo nang chi loia, a chôiindôm loi hrang? Nangma vai ni’rthianga, Ni sintho felhai kha mi tinin an hmu tâk sikin. Nam tinrêngin chubai nang hong mûk an ti,” tiin.

THUPHUANG 16:11

an na sik le an pân sika khan irvân Pathian khomâk an sâma, an sintho saloihai ata kha irlet ual mahai.