JONA 1:5 - PATHIAN LEKHABU IRTHIANG C.L. Bible (BSI)

⁵ Khan, irkuanga mihai khan an chi tâka, mâni Pathian an koi senga; irkuang kha an ta hrangin a zâng theina hrangin irkuang sûnga timmatuahai kha tuikhangliana khan an pai suak tâka. Jona rêk chu irkuang sûngrîl taka a lei lût tâka; a lei zâla, a lei in irnghila.

JONA 1:5 ပူးပေါင်းရင်းမြစ်များ

1 RÊNGHAI 18:26

Khan, anni hranga sechal chu an lâka, an sinsiama, “O Baal ni zuang sâm ta ro,” tiin zîng ata sûn sôtin an khêka, an maichâm siam chu namhrualin an khêka. Khannisianlân, ite sâmhai maka.

JOBA 2:4

Setana’n Rengpa kuang khan, “Vun irthûla vun ti a nia, a ni, mi’n a hringna hrangin a inei murdi pe phal a ti.

INPÂKNA HLAHAI 107:25

Ama khan thu a pêka, phâivopui an thotira, Kha khan a tui irsônhai kha a’rsângtir ngai.

INPÂKNA HLAHAI 148:8

Mei le irialhai, ivur le sûmhaio, A thu zôm ngai phâivopuihaio, Rengpa chu inpâk roi.

THUHRILTU 3:6

Hmu zoro a oma, irhmang zoro a oma, hrê zoro a oma, pai zoro a om.

ISAIA 45:20

Siatna ata zôkhai, nam tinrênghaio, Hong unglân, hong irbuk roi, tûte châng thei ngai loi thingtum millim, pathiana biakhai hin ite thil inhriatna nei mahai.

JEREMIA 2:28

Nin isiam pathianhai kha khôn mo an om? Intakna nin phâk zoroa, an thei ngânin teh nangni san ri sehai. O Juda, ni khopui nei dôr chu pathianhai khom ni inei a ni ta hi te.

HOSEA 7:14

An lungrîl takin ni koi mahai, an zâlhmuna an ichiar hnem hnum a ni: bu le uain hrangin an inkhôma, ki chunga lak tehel an zonga.

JONA 1:14

Khasika khan Rengpa kha an insama, “O Rengpa, hi mi hringna sika hin nir hmangtir no’n lân, mi thiam thisen mô kin chunga irnghat thut loi hrangin nang kin ngên, O Rengpa, nang kin ngên, nangin ni nuamlam anga ni itho a ni”, an tia.

JONA 1:16

Khanchu, mihai khan Rengpa kha a satêrengin an chi tâka; Rengpa kuanga khan irbôlna an inhlana, chong an inkung tâka.

JONA 1:6

Khanchu irkuang hruaitu kha a kuang a honga, “O nang a in, itho mo ni ini? thoiin lân, ni Pathian koi ro, Pathianin ei irhmang loina hrangin, ni ngaitua no ni mo”, a tia.

MATHAIA 25:5

Moineitu kha a zuang inhnung sikin an lei inmusua, an lei in tâka.

MATHAIA 26:43

A hong nôkin chu a irchutirhai kha a in ngêtin a hong hmuhaia; a sân an inmu a suak sikin.

MATHAIA 26:45

Kha zoia chu a irchutirhai kuang a honga, an kuang, “Atûn ten inmusu’n nin la irngam chian mo? Irngai u ta, a zoro chu a hong tung ta. Mihriam Nâipa hi mi sualhai kuta an incheltir hrang a ni ta.

TÎRTÔNHAI SINTHO 27:38

An fâk zoi zit hnungin chu irkuang inzângtir hrangin an bu pêlhai kha tuipuia an pai suak nôk tâka.

ROIRÊLTUHAI 16:19

Khan, a mal chunga lukhamin an intira, mi inkhat a koia, a sam phiar sari chu an tantir zita; a soisaka, a hrâtna chu a hong boi tâka.

1 SAMUELA 24:3

Khan lam laia khan kêlbelra irkul, rôl omna hi a va dêna, Saula chu irngam viat hrangin a va lûta. Kha khan Davida le a mihai kha rôl sûngrîl tiang khan an oma.