JONA 1:4 - PATHIAN LEKHABU IRTHIANG C.L. Bible (BSI)

⁴ Khannisianlân, Rengpa khan phâivua kha a satêrengin tuikhangliana khan an thotira, tuikhangliana khan a satêrengin phâivopui a thoa, khanchu, irkuang kha koi hrang angin a om tâka.

JONA 1:4 ပူးပေါင်းရင်းမြစ်များ

INPÂKNA HLAHAI 135:6

Rengpa chu a nuamlam murdi chu a sin ngaia, Irvân hai, irnêng hai, tuikhanglian hai, tui inthûk tak sûmhai kôlkunga irthokhaia Khan an hong ngaia, Kôlirlekhai rua hrangin a siama, A fasiara irthokin phâivua a lâk suak ngai.

INPÂKNA HLAHAI 135:7

Ama khan sûmhai kôlkunga irthokhaia khan an hong ngaia; A fasiara khan phâivua an suak ngai.

INPÂKNA HLAHAI 148:8

Mei le irialhai, ivur le sûmhaio, A thu zôm ngai phâivopuihaio, Rengpa chu inpâk roi.

FESUAKNA 10:13

Khanchu Mosia’n Aigupta ram chunga khan a khianghrol an lektira, khanchu Rengpa’n sûn khat le zân khovârin nisua tianga phâivua an hrângtira; zîng khua a hong vârin chu sak phâivua’n khâi a hong chôihaia.

FESUAKNA 10:19

Khanchu Rengpa khan, khâi murdihai kha Tuipui Sena hôl lûtpaihai hrangin nitâk tiang ata phâivopui hrât tak an thotira, Aigupta ram pumpuia khan khâi inkhat lua om ta mahaia.

FESUAKNA 14:21

Mosia’n Tuipui chunga a kut a phara; Rengpa’n zân sôtin nisua tianga phâivua a hong inhrângtira, Tuipui kha a sêm inkîrtira, khanchu Tuipui kha irnêng châr a hon changtira, Tuihai kha irsen chitin a oma.

FESUAKNA 15:10

Ni phâivua kha nin sêmtira, tuipui khan a’rkhû zoi ta, tui inthûk taka khan sisâr tang angin an tâk zoi ta.

JEREMIA 51:16

A thupêkin irvân chunga tuihai an irhâi inringin, kôlkunga irthokin sûmhai a hong zînga, rotho kâra kôl a’rtêka, a bukkhômna hmun ata phâivua a tîrsuak ngai.

AMOSA 4:13

Irngai ta, tânghai inding suaka, phâivua siama mihriam kuanga khan a ngaituana imo a ni hril suak pea, zîng kha inthimtira, irnêng hmun irsânghai chîltu kha ar hming Rengpa, Sipaihai Pathian kha a ni.

NAMBAR 11:31

Khanchu Rengpa’n phâivua an thotira, tuipui ata mamîm a hong sêm suakhaia, hnuai ata mûk hni irsângin an hong vuanga. Riakbuk le a kôlvêla khan hmun lian tak an dâp zuak tâka.