JOHANA 9:7 - PATHIAN LEKHABU IRTHIANG C.L. Bible (BSI)

⁷ “Siloam dîla va’rsu roh,” a tia. Siloam chu “Tîr” tihna a ni. Khanchu a va fea, a va’rsûka, mit vârin a hong kîr nôk tâka.

JOHANA 9:7 ပူးပေါင်းရင်းမြစ်များ

NEHEMIA 3:15

Khan Mizpa bial hruaitu Kolhozea nâipa Saluma, tuikuang lampui chu a siam insaa, ar khûtira, a lampuihai siamin a kalna le an tûknahai irfûkin, khan rêng irhuan kôla, Sela dîl irkulna chu Davida omna khua ata chum theina leidâk dênin a siam insaa.

INPÂKNA HLAHAI 146:8

Rengpa khan mitchohai mit an vâr pe ngai. Rengpa khan an rîlhai a kaithoi ngaia; Rengpa khan mi felhai chu lung a thung ngai.

FESUAKNA 4:11

Khanchu Rengpa’n, “Mihriam hmûr hi tu isiam mo ni isôn, mikuar sêthai, mit vârhai, mitchôhai hi tu itho mo a ini?

ISAIA 32:3

Ngûk takin thil thîr an ta, ngûk takin an mikuar sung an ti.

ISAIA 35:5

Mitcho tak mit chu invâr a ta, Kuarsêt mikuar invârtir pe a ti.

ISAIA 42:7

Mitchôhai mit invâr hrang le, rôl sûnga om insuak hrangin, inthim laia om sansuak hrangin.

ISAIA 43:8

Mit nei chaka mitchô le, mikuar nei chaka, kuarsêthai chu hong bukhai roi.

ISAIA 8:6

Hi mihai hin Silo tui, dam tui in nuam loiin, Rezina le Remalia nâipa an lei lôma,

MATHAIA 11:5

Mitchohai an hmu thei ta, ke’nbâi hai an fe thei ta, phârhai an irthiang ta, kuarsêthai khom an inhriat thei ta, mithihai kaithoiin an om ta, inrianghai laia Thurchi Sa insîr a ni ta.

LUKA 13:4

Khano’nte, Siloam in irsâng chimin sômhleiriat a idel thathai kha. Jerusalema mi danghai nêkin an isual bîk nin isôn ma ni?

LUKA 2:32

Jentailhai kuang ni vâr inlangtir hrang le ni mi Israelhai roiinpuina hrang chu,” a tia.

JOHANA 10:36

Keima len vâng chu Pa’n a nin thanga, rammuala a ni izuang tîr a ni. Itin mo Pathian Nâipa ki ni, ki ti sika hin Pathian ni hril insiat, nin ni iti?

JOHANA 11:37

An laia senkhatin chu, “Mitchopa kha mit vârna a ipêk mo ni ma? Lazara khom hi thi loiin a isia thei loi ma ni?” an lei tia.

JOHANA 9:11

Ama khan, “Mi inkhat, Jisua an iti khan pilpok a siama, ki mita a pola, ‘Siloam dîla fe’n lân, va’rsûk roh,’ a ni tia. Khanchu, ki va’rsûka, ki hong ihmu thei zel tâk a ni,” a tia.

JOHANA 9:39

Jisua’n, “Roirêl hrangin hi rammuala zuang ki ni, mitchohaiin an hong hmu theia, mit vârhaiin mitcho an hong ni theina hrangin,” a tia.

TÎRTÔNHAI SINTHO 26:18

Keima ni iam sika an sualhai ngaidam an nina hrangin mi irthianghai laia irchon dongtum an nei sa theina hrangin. An mit invâr hrangin, inthim ata vâr hong inkîrtir hrangin Setana thuhnuai ata Pathian tiang hong inkîrtirtu hrang ni ni,” a ni tia.

ROM KHUAA MIHAI KUANGA TÎRTÔN PAULA LEKHATHON 8:3

Taksa hrât loina sika dânin a itho thei viat loi kha Pathianin a zuang tho tâka; mihriam taksa sual ang irputin a Nâipa ngêt kha, sual irbôlna’n Pathianin a zuang tîra; taksaa sual om chu thiamno an changtir tâka;

GALATIA 4:4

A zoro tak a hong tungin chu Pathianin a Nâipa kha a zuang tîra.