JOHANA 8:53 - PATHIAN LEKHABU IRTHIANG C.L. Bible (BSI)

⁵³ Kin irchibul Abrahama nêkin ni iroiinpui ual ma ni? Ama khom a thi tâka, deipuhai khom an thi tâka, a tukhôkin mo ni irbe?” an tia.

JOHANA 8:53 ပူးပေါင်းရင်းမြစ်များ

JOHANA 4:12

Kin pu Jakoba nêkin ni iroiinpui ual ma ni? Ama khan hi tuikuang hi a ni pêka, ama le a nâihai le a sâ vâihai khomin hitaka hin an in ngai,” a tia.

ROM KHUAA MIHAI KUANGA TÎRTÔN PAULA LEKHATHON 9:5

irchibulhai kha an puhai an nia, taksa tianga suiin chu Krista ngei khom kha an irchi a ni; itinrêng chunga om Pathian chu kumtuanga inpâkin om ri se! Amen.

JOHANA 19:7

Judahaiin an sâma, “Dân kin neia, kha dân ang khan a ithi hrang a ni, Pathian Nâipa ar ti sikin,” an tia.

JOHANA 12:34

Mipuiin chu an sâma, “Krista chu kumkhua’n om mai a ti, ti Dân lekhabu ata kin inhriat, nangin ‘Mihriam Nâipa inkhâiin om a ti,’ itina ni iti ma ni? Mihriam Nâipa kha tu mo a ini?” an tia.

JOHANA 10:33

Judahaiin an sâma, “Sin sa ni sin sika lungin nang dêng hrang ni ma unga, Pathian ni hrilinsiat le nang mihriam mai mai Pathiana nir bê sikin a ni,” an tia.

JOHANA 8:58

Jisua’n an kuang, “Thudik kêng nangni ki ihril. Abrahama suak mân khom ki om,” tiin a sâma.

JOHANA 5:18

Khasika khan Judahaiin ama kha that an tum nôk uala, Sabat nî a insiat vai ni loiin, Pathian kha “Ka Pa a ni,” a tia Pathian angin ar bê sikin.

MATHAIA 12:6

Nangni ki hril, hin tempil nêka roiinpui ual a om.

ISAIA 9:6

Ei ta hrangin nâi a zuang suaka, nâipa pêkin ei oma, a dârsuama roirêlna irnghatin, A’rhming khom Irkhêl, Irfûktirtu, Pathian Hrât, Kumtuang Pa, Irngeina Rêng ti an ti.

MATHAIA 3:9

‘Abrahama irchi kêng ei ni,’ tia ningmurna rengata zôk hrangin irtûng no roi. Nangni ki hril, Pathianin hi lunghai khom hi Abrahama irchi’n a siam thei!