JOHANA 8:41 - PATHIAN LEKHABU IRTHIANG C.L. Bible (BSI)

⁴¹ Nin pa itho ang nin itho hi,” a tia. Anni’n chu, “Zâi nâi ni ma unga, Pa inkhat kin nei, Pathian chu,” an tia.

JOHANA 8:41 ပူးပေါင်းရင်းမြစ်များ

FESUAKNA 4:22

Khan, nangin Faroa kuanga khan, ‘Rengpa’n, Israel hi ki nâipa ki nâi lutîr a ni:

ISAIA 63:16

Nang chu kin pa ni nia, Abrahama’n nin hre pha mah. Nang chu, Rengpa, kin pa ni nih. Itiklai khoma ni sûnghualtu ni nih.

ISAIA 64:8

Nang chu, Rengpa kin Pa ni nih, keini hi, pilbêl kin nia, nangma hi a vuaktu ni nih; kin rêng hin ni kut suak kin ni.

JEREMIA 3:19

Rengpa’n a tia, “Israel ram milung chuk om, rammual pumpui sûnga ram hoitak nang pe hrangin, ki nâi hrangin nang ki inuam a nia, ‘Ka pa,’ tiin a ni koia. Ki kuanga irthokin a dang tiang tehelzong ta loi hrangin, Nang ki inuam a ni.

JEREMIA 31:20

Efraima chu ki nâipa indit tak, ki inhlu ngôi ngôi a ini loi ma ni? Hnôl ki tum khomin ki milunga a om maia, ama chu kin hriat maia lung ki inkham sabak a ni.

HOSEA 1:2

Rengpa’n Hosea irhminga Israelhai kuang thu an sîr irphut lai khan hiang hin Hosea kuang an sîr: “Fe’n lân, dôngma’n notizuar neiin lân; notizuar ata nâi nei ro: hiang hin ki mihai khan ni rotsana, an ni iuiresan tâk a ni,”

MALAKIA 1:6

Sipaihai Rengpa’n nin kuang, “O Ochai, ki’rhming hmusittuhai, nâipa’n a pa an zaa, siahloin a hruaitu: khaanga pa ki niin chu, kho mani nin ni inzâna? hruaitu ki niin chu, kho mani nin ni ichina? Nangni’n chu, ‘kho mani nir hming kha kin ihmusit?’ nin tia.

MALAKIA 2:11

Juda khan mi a huanga, Israel ram le Jerusalem khuaa, thil intirom tho a nia; Rengpa’n lung a ithung ngai hmun irthiang kha Juda khan a porinchetir tâka, Ram dang pathian nâinu a nei tâk a ni.

JOHANA 8:38

Keima’n Pa kuanga ki ihmu kin sîra, nangni khom nin Pa kuang ata nin inhriat kha nin insîr ngai,” a tia.

JOHANA 8:44

Nin pa Diabola ata suak nin nia, nin pa lungdo sin nin inuam a ni. Ama kha a phut ata mi that ngai a ni, thu dik tiang khom chang ngai ma, dikna zel a nei no sikin. Milak a tho’n ama insua a ni ngai. Milak pa a ni sikin; milakhai tinrêng pa khom a ni sa.

DÂN INHNINA 14:1

Rengpa nin Pathian mihai nin nia, khasikin, mithi nin sûnin ir-ât phop no unglân, nin michal sam epinkol sa no roi.

DÂN INHNINA 32:6

Mi’nvêt le mi hnanghaio, hiang hin mo Rengpa nin Pathian kha nin ithuan hrang? Nangni neitu nin pa a ni, nangni a siama, nangni a inpuihlingtir a ni.

1 JOHANA 3:12

Mi sual ata suak Kaina, a urêngpa Abela that anga khan chu om no iduah. Ithoa mo a ithat kha? Ama sinthohai a suala, a urêngpa sinthohai a fel sikin.