JOHANA 8:32 - PATHIAN LEKHABU IRTHIANG C.L. Bible (BSI)

³² Thutak inhria nin ta, thutak khan nangni inzalêntir a ti,” a tia.

JOHANA 8:32 ပူးပေါင်းရင်းမြစ်များ

ROM KHUAA MIHAI KUANGA TÎRTÔN PAULA LEKHATHON 8:2

Krista Jisuaa hringna Irtha dân khan sual le thina dân ata chu a nin suaktir tâka.

JOHANA 8:36

Khasikin, Nâipa’n nangni an zalêntirin chu zalên tak tak ta nin ti.

JOHANA 17:17

Anni chu thutakin irthiangtir roh, ni thu chu thutak a ni.

1 PETERA toc2 1 PETERA 2:16

Zalênin om roi. Khannisianlân, nin zalênna kha sual thupna’n hmang loia, Pathian suakhai anga om hrangin nangni a inuam a ni.

JOHANA 14:6

Jisua’n a sâma, “Keima hi lampui le thutak le hringna ki ni, keimaa fe no chu tukhom Pa kuang tung ngai mahai.

ROM KHUAA MIHAI KUANGA TÎRTÔN PAULA LEKHATHON 6:22

Atûn chu sual ata irkiang nin ni tâka, Pathian suaka nin lût tâk sikin kumtuang hringna chang hranga irthiangtir nin ni ta.

ISAIA 61:1

Rengpa pathian irtha chu ki chunga a oma, Hriak a ni’rthûtira, Rengpa’n a ni itîr a ni. Invâihai laia Thurchi Sa hrila, nun beidong takhai inhar nôk hrangin, suaka intâng suak nôkna hrang thuhai, intângna ina omhai zalênna pe hranga inkung ki ni.

INPÂKNA HLAHAI 25:5

Ni thutaka khan ni hruaiin lân, nir chutir roh, Nang chu a ni saninhringtu Pathian ni nia; Sûn sôt nang ki nghâk mai tâk hi.

JAKOBA toc2 JAKOBA 1:25

Aniachu, tukhom dân famirkip, nin zalêntirtu kha ngaitua uala, khaanga om maia, irngaia irnghil nôk lattu ni loia, a zôma zômtu ngei chu, a sintho murdia hlochuk a ti.

GALATIA 5:1

Krista khan a nin zalêntir tâka, nin zalênnaa khan ngîr indet khak unglân, suak ringkola intâng nôk ta no roi.

JAKOBA toc2 JAKOBA 2:12

Khanchu Dân, nin zalêntirtu hmanga rêl pe hrang ei nih ti inhriatin thu insîr unglân, thil tho’n sa roi.

GALATIA 5:13

Urênghaio, nangni chu Zalênna nei hranga koi nin ni, nin Zalênna hi taksa ta hranga zoro inchuma hmang viat no roi; lung irthung irhlômin sin irtho irhlôm roi.

JEREMIA 6:16

Rengpa’n a mihai kuang, “Lamsuamhaia ngîr unglân, hei thîr hi roi, tianlaia lampui dik omna irdonhai roi. Kha khan fe unglân, irtharngam takin lêng roi,” a tia.

JOHANA 7:17

Tukhom Pathian nuamlam tho nuam chu, ki thu irchutir hi Pathian kuang ata mo, keima iphuachôp moh ti inhria an ti.

HOSEA 6:3

Rengpa inhriatna kha irzûl mai ei ti duah, inhria ei ti. Zîng anga irkhêl loiin a hong pûtsuak ngêt ngai a ni; ei kuang rua angin, rua hnungkhôn, irnêng induitu ang dênin zuang tung a ti.

ROM KHUAA MIHAI KUANGA TÎRTÔN PAULA LEKHATHON 8:15

Nin Irtha dong kha suak anga ichia nangni inomtir nôk hrang ni loiin nâia nangni siam hranga Irtha a ni ual; khasika khan, “Abba! ka Pa” tiin ei ikhêk suak ngai a ni.

JOHANA 16:13

Irtha dik tak a zuang tung tika chu thutak murdia nangni hruai inlût a ti. Ama phuachôpin thu insîr no ni; thu a idong kha insîr a ta, thil la hong tung hrang khom nangni hril a ti.

ISAIA 30:21

Chang tiang mo, vei tiang mo nin fe hrangin chu, “Ama hi lampui dik chu a ni, hi hin fe roi,” nin hnunga hong thiai thiai a ti.

MALAKIA 4:2

Khannisian, nangni ki’rhming chituhai chunga rêk chu felna misa hong suak a ta, a thal chu damna ni a ta, sehrâtte insua angin râifân takin irchôm nin ti.

THUVÂRHAI 1:23

Nangni ki hrilna tiang hin nin mikuar sung roi; thu sa nangni irchûtir ki ta, kin hriatna nangni lei sem hi rong.

2 TIMOTHEA toc2 2 TIMOTHEA 3:7

Kha nupanghai kha irzukna tinrênga hruai irhmang, inhriat tum maia thutak inhre thei viat loihai an ni.

ISAIA 35:8

Khatak khan lamlian om rum a ta, “Lampui irthiang,” ti an ti. Mi porinchehai fe no nihaia, hi hi a nih anni fena hrang lampui chu, a fe murdi, mi’ntohai khom hruai irhmang no nihai.

INPÂKNA HLAHAI 119:45

Khanchu zalên takin lêng ki ta, Ni’rchutirna thuhai kha ki zong sikin.

THUVÂRHAI 4:18

Mi felhai lampui chu zîng kôl misa suak, sûn laitak a ni mâka hong vâr tîr tîr ngai ang kha a ni.

THUVÂRHAI 1:29

Inhriatna hmang nuam viat mak chêia, Rengpa thu khom zôm nuam viat mak chêi.

JOHANA 6:45

Deipuhaiin, ‘Mi murdi Pathianin irchutir a ti,’ tiin an irziak. Mi tin, Pa thu inhriata, a kuang ata irchu chu ki kuang an hong ngai.

ISAIA 54:13

Ni nâihai murdi Rengpa’n irchutirhai a ta, râl irvei loiin om mai ta an ti.

ISAIA 2:3

Mi tamtak hong an ta, hiang hin ti an ti, “Tho Rengpa tânga son fe ei ti, Jakoba Pathian in omna son, a lam ni le’rhmu an ta, a lampuia khan fe ei ti,” Zion ata dân hong suak a ta, Jerusalem ata hi, Rengpa’n thu a ihril ngai a ni.

MATHAIA 11:29

Ki ringkol irbun unglân, ki kuang irchu roi, thuhnuairôl tak le irngaiintôm tak ki ni sikin, Khanchu nin irtha ta hrangin irngamna hmu nin ti.

JOHANA 1:14

Khan, Thu chu mihriam a zuang changa, ei laia a zuang om tâka. A roiinpuizia ei hmu, Pa nâi khât neisun roiinpuina chu, lungkham le thu takin a sip.

JOHANA 1:17

Dân kha Mosia hmanga pêk a nia, lungkhamna le thutak chu Jisua Krista zâra zuang tung a ni.

1 KORINTH 7:22

Suak, Rengpa’n a ikoi chu Rengpa insua suak a nia, khaang dêna khan suak ni loi Krista’n a ikoi khom kha Krista suak a ni.

2 JOHANA 1:1

Upa’n chu Nupang sa, Pathian inthang le a nâihai, thutaka ki lungthunghai chubai ki mûk. Keima vai khom ni loiin thutak inhretu dang murdi khomin lung nang an thung;

LEVI DÂN 25:41

Kha zoi tika chu a nâihai le nang suaksan an ta, an in sûng mihai kuang om nôk an ta, an in le loi kha lua nôk an ti.