JOHANA 7:32 - PATHIAN LEKHABU IRTHIANG C.L. Bible (BSI)

³² Farisaihaiin chu a chungchâng mipuiin inrûka an insîr sup sup kha an inhriata, Ochai inlalhai le Farisaihai khan Jisua chel hrangin enkoltuhai an tîr tâka.

JOHANA 7:32 ပူးပေါင်းရင်းမြစ်များ

MATHAIA 12:14

Khanchu, Farisaihai kha an suaka, Jisua kha an that thei hrang lam ngaitua’n an chong tâka.

MATHAIA 23:13

“Nangni Dân irchutirtu le Farisai vârirlethaio, nin chung a rik! vân Ram lampui kha mihai nin khâr pehai ngaia; nangni lak lût mak chêia, a lût hranghai khom an ilût lak phal mak chêi.

MATHAIA 26:58

Petera khan hla vit ata Ochai inlaltak in tual dênin a zuia. In tual sûnga a lûta, an roirêl mongna ten hmu tumin siahlohai laia a toi saa.

JOHANA 11:46

Senkhat chu Farisaihai kuang an fea, Jisua sinthohai kha an va hrila.

JOHANA 12:19

Farisaihai khan, “Ite nin ilo thei loi a ni hi te, en u ta, rammualin ama an izui tâk hi,” an irtia.

JOHANA 18:3

Khan, Juda khan sipai pâlkhat le Ochai inlalhai le Farisaihai itîr Tempil enkoltuhai, kha khan a hong hruaihaia; meiser hai, chokser hai, hriamhrei hai an hong chôia.

JOHANA 7:30

Khanchu chel an tuma, khannisianlân, a zoro a la hong tung no sikin tûte’n tôn thei mahai.

TÎRTÔNHAI SINTHO 5:26

Khanchu, tempil hruaitu kha a chanpuihai leh an honga tîrtônhai kha nakhrât song loiin an hong hruaihaia, nakhrât an songin chu mipuiin lungin dênghai an tih ti an chi sikin.

1 SAMUELA 19:20

Khanchu Davida hruai hrangin Saula khan mi a tîrhaia. Anni khan deipu pâlhai lâm puma thu’nsîr sup sup lai le Samuela chu an chunga hruaitu a nih ti kha an va hmua. Khanchu Saula mi tîrhai chunga khan Pathian irtha a zuang tunga, anni khom khan lâm puma thu’nsîrin an om tâka.