JOHANA 7:30 - PATHIAN LEKHABU IRTHIANG C.L. Bible (BSI)

³⁰ Khanchu chel an tuma, khannisianlân, a zoro a la hong tung no sikin tûte’n tôn thei mahai.

JOHANA 7:30 ပူးပေါင်းရင်းမြစ်များ

INPÂKNA HLAHAI 76:10

Mihriam ninginmur khan nang a roiinpuitir uala, Ning nin murin a hmâihai chu irkhit a ti.

ISAIA 46:10

A phut ata a mong dêna thil ki hril ngaia, thil hong tung hrang tianlai ata ki lei hril ngaia, “Ki iti chu det mai a ti, ki iti tâk chu tho ngêt ki ti,” tiin.

MATHAIA 12:14

Khanchu, Farisaihai kha an suaka, Jisua kha an that thei hrang lam ngaitua’n an chong tâka.

MATHAIA 21:46

Khasikin ama chel an tuma, khannisianlân, mipuihai kha an chia, mipuihaiin Jisua kha deipu an bê sikin.

MARKA 11:18

Khan Ochai inlalhai le Dân irchutirtuhaiin kha kha an inhriatin, an that theina hrang lampui an zonga. Ama kha a sân an chia, asan chu mipuihai khan ar chutirna kha ar khêl an ti zap sikin.

LUKA 20:19

Kha lai khan Dân irchutirtuhai le Ochai inlalhai khan, kha chongirkhek thu kha anni demin a insîr ti an inhriat sikin, chel zôi zel an nuama, aniachu vântâng an chihaia.

LUKA 22:53

A nitin, Tempila nin laia ki om ngai lai khan ni chel mak chêia; khannisianlân, inthim irchamneina’n roi a rêl lai hin nin sintho zoro a ni,” a tia.

JOHANA 10:31

Judahaiin chu ama dêngna hrang lung an hrût nôka.

JOHANA 10:39

Kha hnung chu Jisua kha chel an tum nôka, khannisian an kut ata a suak tâka.

JOHANA 11:57

Ochai inlalhai le Farisaihaiin ama an chel theina hrangin tukhomin a omna an inhriatin chu irchamneituhai an inhriattir hrang a nih ti thu an pêka.

JOHANA 7:19

Mosia’n Dân kha nangni a ipêk loi ma ni? khannisianlân, nin laia tukhomin Dân chu zôm mak chêi. Ithoa mo ni that nin itum?” a tia.

JOHANA 7:32

Farisaihaiin chu a chungchâng mipuiin inrûka an insîr sup sup kha an inhriata, Ochai inlalhai le Farisaihai khan Jisua chel hrangin enkoltuhai an tîr tâka.

JOHANA 7:6

Jisua’n an kuang, “Ki zoro la tung ma, nangni zoro chu itiklai khomin a tung mai.

JOHANA 7:8

Kûta hong fe roi. Kei chu atûn chu la hong fe no ning; ki zoro a la tung no sikin,” a tia.

JOHANA 8:20

Kha thu kha Tempil tholôm bôm siana hmuna ar chutir laia a insîr a ni. Tukhomin chel mahai, a zoro a la tung no sikin.

JOHANA 8:37

Abrahama irchihai nin nih ti kin hriat, khannisianlân, ni that nin tuma, ki thu hin nangnia hmun a nei no sikin.

JOHANA 8:59

Khan ama dêngna hrang lung an lâka, khannisian Jisua kha ar bîka, Tempil ata a suak tâka.

JOHANA 9:4

Sûn a ni lai hin a ni tîrtu sin hi ei itho hrang a ni. Zân ni hrang a ni ta tûte’n sin thei ta no nihai.