JOHANA 7:17 - PATHIAN LEKHABU IRTHIANG C.L. Bible (BSI)

¹⁷ Tukhom Pathian nuamlam tho nuam chu, ki thu irchutir hi Pathian kuang ata mo, keima iphuachôp moh ti inhria an ti.

JOHANA 7:17 ပူးပေါင်းရင်းမြစ်များ

JOHANA 8:43

Ki thu’nsîr hi itina mo nin inhriat thei loi? Ki thu nin dong indik no sika a ni.

JOHANA 8:47

Pathian ata suak khan Pathian thu a’rngaitua ngaia; nangni’n chu ki thu irngaitua mak chêi, Pathian ata suak nin ni no sikin,” a tia.

TÎRTÔNHAI SINTHO 17:11

Khataka mihai kha chu Thesalonika mihai nêkin chu an lungrîl ar hong uala. Thu kha tui takin an irngaia, Paula thu’nsîr kha a dik le dikloi inhriatna hrangin a nitin Pathian Lekhabu an tep ngai.

DANIELA 12:10

mi tamtak chu an irthiangin an ivâr nôk a nia, an isa a ni; khannisian mi siathaiin chu sualin an la om mai, mi siathaiin ar ngai dân inhre no nihai; mi vârhaiin chu a’rngailam inhria an ti.

LUKA 8:15

Irnêng saa tâk kha hihai hi an ni; thu kha inhriata lungrîl dik le saa, sataka vonga, bei zâma ra suak tâkhai hi an ni.

INPÂKNA HLAHAI 25:12

Rengpa chi mi chu tu mo a ini? Kha mi kha chu a lampui inthang hrang kha lan entir a ti.

MIKA 4:2

Khan, nam tamtakhai kha fe an ta, zuang kîr unglân, Rengpa tânga, Jakoba Pathian ina khin hong fe ei ti; khanchu ama’n a lampui thurchihai kha nir chûtir a ta, a fena lampuihaia khan fe kin tih ti an ta: Zion ata kha dân thu a zuang isuak hrang a nia, Rengpa thu kha Jerusalem ata a zuang isuak hrang a ni.

ISAIA 35:8

Khatak khan lamlian om rum a ta, “Lampui irthiang,” ti an ti. Mi porinchehai fe no nihaia, hi hi a nih anni fena hrang lampui chu, a fe murdi, mi’ntohai khom hruai irhmang no nihai.

MALAKIA 4:2

Khannisian, nangni ki’rhming chituhai chunga rêk chu felna misa hong suak a ta, a thal chu damna ni a ta, sehrâtte insua angin râifân takin irchôm nin ti.

INPÂKNA HLAHAI 25:14

Rengpa thu’rthup chu ama chituhai kuang om a ta, A thu’nkung chu anni kha inhretir a ti.

INPÂKNA HLAHAI 119:10

Ki lungrîl murdi’n nang ki zonga; O ni thupêkhai ki imâk hrang chu phal viat no ro.

MATHAIA 6:22

“Mit hi takpum ta hrangin meiser ang a ni, khan nin mit a vârin chu nin takpumpui invâr a ti;

HOSEA 6:3

Rengpa inhriatna kha irzûl mai ei ti duah, inhria ei ti. Zîng anga irkhêl loiin a hong pûtsuak ngêt ngai a ni; ei kuang rua angin, rua hnungkhôn, irnêng induitu ang dênin zuang tung a ti.

THUVÂRHAI 3:32

Rengpa khan sual sin mihai kha a hnôl ngaia, mi felhai chu rual angin a bêhai ngai.

THUVÂRHAI 28:5

Mi saloihai khan dikna inhre thiam ngai mahaia, Rengpa chubai mûktuhai vaiin an inhriat thiam ngai.

JOHANA 3:21

Sin dik thohai murdi’n vâra an hong ngai, an sinthohai kha Pathian thu zôma tho an nih ti an langna hrangin.

JOHANA 8:44

Nin pa Diabola ata suak nin nia, nin pa lungdo sin nin inuam a ni. Ama kha a phut ata mi that ngai a ni, thu dik tiang khom chang ngai ma, dikna zel a nei no sikin. Milak a tho’n ama insua a ni ngai. Milak pa a ni sikin; milakhai tinrêng pa khom a ni sa.