JOHANA 7:16 - PATHIAN LEKHABU IRTHIANG C.L. Bible (BSI)

¹⁶ Jisua’n anni kha a sâmhaia, “Ki thu irchutir hi keima irchutirna ni maka, a ni tîrtu irchutirna a ni.

JOHANA 7:16 ပူးပေါင်းရင်းမြစ်များ

JOHANA 14:24

Lung ni thung loitu chu ki thu zôm maka, thu nin inhriat hi keima thu ni maka, Pa a ni tîrtu thu a ni ual.

JOHANA 14:10

Keima Paa ki om le Pa keimaa a om ti nin iiam loi ma ni? Nin kuanga thu ki insîrhai hi keima phuachôpin ki insîr ni mah. Pa keimaa a om maiin chu, a sin a itho a ni ual.

JOHANA 17:8

Nangin thu ni ni ipêkhai kha an kuang ki pêka, an hong poma; ni kuang ata zuang ki ni ngêt ti an inhriat tâka; nangin keima ni ni tîr ti khom an iam ta.

JOHANA 5:30

“Ki bingin ite tho thei ma ung; Pathianin a ni ihril ang takin roi ki rêla, ki roirêl khom a dik, keima nuamlam tho tum loiin a ni tîrtu nuamlam vai tho ki tum ual sikin.

JOHANA 17:14

Ni thu an kuang ki pêk tâka, rammualin anni kha an hmu mâkhaia, keima rammuala mi ki ini loi ang dênin rammuala mi an ni no sikin.

JOHANA 8:28

Jisua’n an kuang, “Mihriam Nâipa hi nin inkhâi tika keima ki ni tih le, keima irchamin i khom tho ma ung Pa’n a ni ihril ang vai kin sîr ngai tih lan hria nin ti.

JOHANA 3:11

Thudik nang hril ki ti, kin inhriat kha kin insîra, kin ihmu kha kin inhriattir ngai, tûte’n kin thu inhriattir pom nuam mak chêi.

JOHANA 6:44

Pa, a ni tîrtu’n a hong hruai no’n chu tukhom ki kuang hong thei no nihai; keima’n zoro hnungkhôna chu kaithoi ki ti.

JOHANA 3:31

Chung tiang ata zuang chumtu kha chu mi tin tin nêka an chung tak a ni; irnênga suak chu irnênga mi a nia, irnêng thil an sîr ngai; irvân ata zuang chu mi murdi nêka inchung tak a ni.

THUPHUANG 1:1

Hi lekhabu hi Jisua Krista thuphuang, Pathianin a suakhai inhriat hranga a ipêk, thil hong tung zôi hrang thu kha a ni; kha thu kha vântîrtôn zuang tîrin a suak Johana kuang a zuang inhriattira,

2 JOHANA 1:9

Tukhom Krista irchutirna thua om loia a khêlin chu Pathian nei mah. A irchutirna thua om mai chu Pa le Nâipa a inei irkop tâk a ni.