JOHANA 7:1 - PATHIAN LEKHABU IRTHIANG C.L. Bible (BSI)

¹ Kha zoi chu Jisua’n Galili ram ar fanga, Judahaiin that an tum sikin Judai ram irfang nuam maka.

JOHANA 7:1 ပူးပေါင်းရင်းမြစ်များ

MATHAIA 10:23

Khua inkhat ata an nuam nuamin nangni an lo’n chu, kho danga rot pat roi. Thudik nangni ki hril, Mihriam Nâipa a zuang mân Israel ram kho murdia nin sintho zoi no chin ni.

MATHAIA 21:38

Khannisianlân, irhuan nghâkhai khan a nâipa kha an lei hmu’n chu ‘Hi mi hi a chongpu nâipa a ni; Tho that ei ta, ar chon hi lei lua pe rei!’ an tia.

MARKA 11:18

Khan Ochai inlalhai le Dân irchutirtuhaiin kha kha an inhriatin, an that theina hrang lampui an zonga. Ama kha a sân an chia, asan chu mipuihai khan ar chutirna kha ar khêl an ti zap sikin.

JOHANA 1:19

Jerusalem khuaa Judahaiin, “Tu mo ni ini?” tia irdon hrangin Ochaihai le Levia irchihai an tîrhai lai khan, Johana’n hi thu hi a hong inhriattir a ni.

JOHANA 4:3

Khanchu Judai ram a suaksana, Galili rama a kîr nôk tâka.

JOHANA 4:54

Kha kha Jisua Judai ram ata Galili rama a fe hnunga sinirkhêl a itho voihnina a ni.

JOHANA 6:1

Kha zoi hnung chu Jisua kha Galili dîl, (Tiberi dîl an iti) râla a kâi tâka.

JOHANA 7:11

Judahaiin kût hmuna khan ama kha an zonga, “Khôn mo a iom?” an tia.

JOHANA 7:13

Judahai an chi sikin, thangphuangin chu tukhomin a chungchâng insîr mahai.

JOHANA 7:19

Mosia’n Dân kha nangni a ipêk loi ma ni? khannisianlân, nin laia tukhomin Dân chu zôm mak chêi. Ithoa mo ni that nin itum?” a tia.

JOHANA 7:25

Jerusalema mi senkhathaiin chu, “Hi mi hi that an itum kha ni ma mo?

JOHANA 7:35

Juda thuneituhai khan, “Khôn mo a fea, ei ihmu ta loi hrang? Ei mihai Grik khopuia fea, Grikhai irchutir a itum ma ni?

JOHANA 8:37

Abrahama irchihai nin nih ti kin hriat, khannisianlân, ni that nin tuma, ki thu hin nangnia hmun a nei no sikin.

JOHANA 8:40

Atûna ni that nin itum hi, thutak Pa kuang ata ki inhriat, nangni hriltu hi Abrahama’n khaang khan tho ngai ma.

TÎRTÔNHAI SINTHO 10:38

Nazaret Jisua chu Pathianin Irtha Irthiang le sinthotheina’n a vurzia kha nin inhriat. Pathian khan a ompui maia, sin sa thoa inzin vêlin Diabola soisak murdihai an damtir thiaia.