JOHANA 6:57 - PATHIAN LEKHABU IRTHIANG C.L. Bible (BSI)

⁵⁷ Pa, hring khan a ni tîra, Pa sika khan kei khom ki hringa, khaang dênin tukhom a ni fâk chu keima sikin hring an ti.

JOHANA 6:57 ပူးပေါင်းရင်းမြစ်များ

INPÂKNA HLAHAI 18:46

Rengpa kha a hring mai kêng; ki lungpui kha inpâkin om sianlân; A ni saninhringtu Pathian kha chôiindômin om ri se:

JEREMIA 10:10

Khan Rengpa chu Pathian dik ni nia, Pathian hring le kumtuang rêng ni ni. Ni ningmurna’n rammual hi an thinga; namhaiin ni ningmurna tuang zoi mahai.

MATHAIA 16:16

Simon Petera’n a kuang, “Mesia Pathian hring Nâipa kha ni ni,” tiin a sâma.

JOHANA 14:19

Zoro sôtnote hnunga rammualin ni hmu ta no nihai, nangni’n chu ni hmu nin ti, keima ki hring sikin nangni khom la hring nin ti.

JOHANA 14:6

Jisua’n a sâma, “Keima hi lampui le thutak le hringna ki ni, keimaa fe no chu tukhom Pa kuang tung ngai mahai.

JOHANA 17:21

An rêngin inpumkhat an ni theina hrangin nang ki ngên a ni. Ka Pa nang keimaa ni oma, kei nangmaa ki iom ang hin, anni khom einia an omna hrangin, nangin kei ni ni tîr ti rammualin an iam theina hrangin.

JOHANA 3:17

Pathian khan rammual thiamloi inchang hrangin a Nâipa rammuala tîr maka, ama sika rammual saninhringa an om theina hrangin a itîr kêng a ni.

JOHANA 5:26

Pa chu hringna hnâr a ini angin Nâipa khom kha hringna hnâr nina a ipêk a ni.

JOHANA 6:29

Jisua’n, “Pathian sin nin itho hrang chu hi hi a ni, a mi tîr hi iam roi,” a tia.

JOHANA 6:38

Mâni nuamlam tho hrang ni loiin a ni tîrtu nuamlam tho hrangin irvân ata zuang chum ki ni.

1 KORINTH 15:22

Mi murdi Adama leh an irzomna sika an ithi ang khan mi murdi Krista leh an irzomna sikin kaithoiin om an ti.

1 KORINTH 15:45

Pathian Thubu’n, “Mihriam masa tak, Adama kha mihriama siam a ni,” a tia. Adama hnungkhôna kha chu hringna pêkpu Irtha a ni.

2 KORINTH 13:4

Ama kha hrât loina’n Krosa hembe’n om khom sianlân, Pathian sinthotheina’n a ihring mai a ni. Keini khom ama le irzomin kin ihrât loi a ni; Khannisian, nangni leh kin irmanna sikin a hringna khan Pathian sinthotheina dong sa kin ti.

GALATIA 2:20

Keima hringna pangaia hring ni ta ma unga, keimaa hin Krista kha a hring tâk a ni. Atûna taksaa ki ihring hi, a ni lungthungtu ki ta hranga hringna pêktu, Pathian Nâipa iama hring ki ni.

1 THESALONIKA 1:9

Nangni kin hro laia nin ni lôm lamhai, millim mâksana Pathian hring le dik taka sintho hranga Pathian tiang nin hong irhei tâk thu hai le

HEBRAI toc2 HEBRAI 9:14

Krista thisen len vângin te a ithei ual ok hrang kêng! kumtuang Irtha hruaina’n Pathian kuang ama irbôlna famirkip ar hlan tâk sikin, Pathian hring sin ei tho theina hrangin a thisenin thina ten intung sintho ngaihaia irthokin ei sia le sa inhriatna irthiang a ti.

1 JOHANA 4:9

Pathian lungthungna chu hi ang hin ei kuang a zuang inlang, ama zâra hringna ei nei theina hrangin Pathianin a Nâipa neisun rammuala a zuang tîra hin a ni.