JOHANA 5:10 - PATHIAN LEKHABU IRTHIANG C.L. Bible (BSI)

¹⁰ Judahaiin a damtu kuanga khan, “Sabat nî a ini kêng; ei Dânin ni puantha ni ichôi irthiang mah,” an ti pea.

JOHANA 5:10 ပူးပေါင်းရင်းမြစ်များ

ISAIA 58:13

Ki sûn irthiang sabat nin ser nôka, nin inhoina hai, nin mâksana, Rengpa sûn sabat hi nin inhlua, sintho hrangin fe mak chêia, mâni nuam lam irzûla nin tho mai mainahai, hmang viat loia nin chôiindômin chu,

JEREMIA 17:21

An hringna an inlût ngânin chu, Sabat nia ite pêl loi hrangin hril ro, ite Jerusalem mikot khêlin an ilûtpui hrang ni ma;

JEREMIA 17:27

Hianga ki thu zômin Sabat nî chu sûn irthiangin an iser ngêt hrang a ni. Kha ni khan Jerusalema dâi mikothai khêlin ite an ichôi hrang ni maka. An chôi duaia ni’n chu, Jerusalem dâi mikothai chu mei leh hâl ki ta, kha mei khan Jerusalema rêng inhai le a rêngin kâng ving a ta, tukhomin that thei no nihai,” a tia.

MATHAIA 12:10

Khataka khan mi inkhat kut zenginthi a lei oma. Khabana, mi senkhat Jisua’n a tho’nsual tia hnôl nuamhai an lei om saa, Jisua kuang, “Sabat nia mi indamtir hi ei Dânin a ikhap ma ni?” tiin an irdona.

MARKA 2:24

Farisaihai khan a kuang, “En ta, itho sika mo Sabat dân iphal loi an itho?” an tia.

MARKA 3:4

Khan, Jisua’n mipuihai kuang, “Ei dânin Sabat niin imo tho hrangin a ni iphal? Sabat nia insatir mo a’rthiang, insiat mo? mi hringna san mo a’rthiang, that mo?” tiin a’rdonhaia; khannisianlân an dâihreka.

LUKA 13:14

Jisua’n Sabat ni’n mi an damtir sikin Sinagok hruaitu kha a sân a ning an mura, sinthôna hrang sûn ruk a oma, kha sûng khan hong unglân indam irhlôm roi ba, Sabat nî lele’n te! tiin mipuihai a hrila.

LUKA 23:56

Khan, an kîra, mirimhoihai le sahriak mirimhoihai an irfûka. Khan, Dân thupêk angin Sabat nî chu an irngama.

LUKA 6:2

Farisai senkhathaiin, “Itho mo ei Dânin Sabat nia tholoi hrang a iti te nin itho?” tiin an irdona.

JOHANA 1:19

Jerusalem khuaa Judahaiin, “Tu mo ni ini?” tia irdon hrangin Ochaihai le Levia irchihai an tîrhai lai khan, Johana’n hi thu hi a hong inhriattir a ni.

JOHANA 5:11

Ama khan a sâma, “A nin damtirpu khan, ‘Ni puantha lan lân, ke’n fe ta roh,’ a ni ti khate,” a tia.

JOHANA 5:15

Kha pa khan ama indamtirtu kha Jisua a nih ti Judahai kha a va hril tâka.

JOHANA 5:16

Khasika khan Judahaiin Jisua kha deng an intheitir irphut tâka, Sabat ni’n mi an damtir ti sikin.

JOHANA 7:23

Mosia Dân porinchetir loina hrangin Sabat nî khoma ser nin tan ngaiin te, ithoa mo Sabat ni’n mi kin damtir sikin, ki chunga nin ning nin inmurtir bîk?

JOHANA 9:16

Farisaihai laia mi senkhatin, “Hi pa hi Pathian ata zuang suak ni ma, Sabat a ser no sikin,” an tia. Senkhatin chu, “Mi sualin itin mo hiang sinirkhêl a itho thei hrang?” an tia. An laia irsenna a hong om tâka.