JOHANA 4:23 - PATHIAN LEKHABU IRTHIANG C.L. Bible (BSI)

²³ Khannisianlân, a zoro la tung a ti, atûn khom a tung thiai ta, Pathian chubai mûktu tak takhaiin irtha le thutakin Pa chubai mûk an ti, khaang mi kha Pa’n ama chubai mûktu hrangin a izong a ni.

JOHANA 4:23 ပူးပေါင်းရင်းမြစ်များ

1 THURCHI SUINA 29:17

Mi lungrîl ni fia ngaia, mi nun sahai chu ni lôm ngai. Keima’n chu hi thilhai hi phal taka lungrîl fel le dik tak irputin ki hong inhlan a ni, ni mi hong pungkhômhai khomin thilinhlan hong pêk nuam dân ki ihmu a ni.

INPÂKNA HLAHAI 147:11

Khannisian Rengpa khan ama chituhai chunga khan lômna a nei ngaia, Ama lungkham lianna chunga irnghattuhai chunga khan a lôm ngai.

INPÂKNA HLAHAI 17:1

O Rengpa, ki felna thu hi inhren lân, ki khêk irhâi hi irngaitua’n lân; Milak tho ngai loi hmûr ata suak ki chongchaina hi ni mikuar zuang dô roh.

INPÂKNA HLAHAI 32:2

Mi, Rengpa’n pualoina neia inkung loia, A hringnun dikloina rêng rêng om loi chu a vân a sa.

INPÂKNA HLAHAI 51:6

Irngai ta, sûngrîl tianghai hin takna ni nuam ngaia: Khanchu inlang loina tiang hin vârna nin hretir ni ti.

THUVÂRHAI 15:8

Mi pualoihai irbôlna chu, Rengpa ta hrangin intirom a nia, mi felhai chongchaina chu a ifel a ni.

HLAHAI HLA 2:14

Nang chu lungpui kâra vasu irbîk ni anga, ni hmêl inditom tak ni’rhmutirin lân, ni hnuk hoitak nin hretir ta roh.

ISAIA 10:20

Kha ni tena Israel la dam sunhai le Jakoba irchi a thi zoi loi la omhaiin, anni soisaktuhai iam ngam zoi ta no nihaia, Rengpa Israel mi irthiang chu iam mai thei ta an ti.

ISAIA 29:13

Rengpa’n hiang hin a ti: “Hi mihai hin an bâi vaiin an ni nâia, an hmûr vaiin an ni chôiindôma, an lungrîl chu hlatak a ni. Mihriamhai thupêk ang ringota an ni insâp a ni.

ISAIA 43:21

Keima hranga ki isiam an ni. Ni lan pâk ngêt an ti.

ISAIA 58:2

A ni tin irzôm natin an ni zonga, ki inuam lam chu inhriat an nuama, diktaka sintho ngai nam ni irhoi an tuma, Pathian thilpêk zôm irkip chu tum ual loiin, diktakin roirêl lam an nir dona, Pathian nâi nuam tak anga inlang pumin.

JEREMIA 3:10

Hihai zoia hin Israel zuarpuinu, iamom loi Juda chu tumna diktakin ki kuang hong kîr tum loiin tumna milak thoa hong kîr tumin,” keima Rengpa’n ki iti a ni ta.

JEREMIA 4:2

ki’rhming chonginkungna nin inei hrang kha, thil dik ni a ti. Khaang khan a ni’n chu nam tinrênghaiin satvur hrangin ni ngên an ta, ni chôiirsâng an ti,” a tia.

EZEKIELA 22:30

Khan, bang chînna hmunhai kôla an ngîra, ki ningmurna ram chu ki zuang inboipai hrang tika lei hrung hrangin mi ki zonga, khannisian inkhat lua hmu ma ung.

JOHANA 1:17

Dân kha Mosia hmanga pêk a nia, lungkhamna le thutak chu Jisua Krista zâra zuang tung a ni.

JOHANA 12:23

Jisua’n a sâma, “Mihriam Nâipa chôiindôma a om zoro a hong tung ta.

JOHANA 16:2

Sinagok haia nangni kêlsua an ta; nangni that tumtuhaiin Pathian sin an itho anga an bê zoro la hong tung a ti.

JOHANA 16:32

Irngai roi, mâni in chita irthekindarin ki bingin nin ni mâk zoro la tung a ti, a tung thiai ta; khannisian, ki bingin om ma ung, Pa kha ki kuang a om.

JOHANA 4:21

Jisua’n, “Nupangnu, ni iam roh, hi tânga kher no khom, Jerusalema kher no khom Pa chubai nin mûkna hrang zoro tung a ti.

JOHANA 5:25

Thudik nangni ki hril, a zoro tung a ti, atûn khom a tung thiai ta; kha tika chu mithihaiin Pathian Nâipa hnukirhai inhriat an ta, an hriathai kha hring an ti.

JOHANA 5:28

“Kha kha ar khêl ti no roi, thâna mithi murdi’n a hnukirhai an inhriat zoro la tung a ti,

ROM KHUAA MIHAI KUANGA TÎRTÔN PAULA LEKHATHON 1:9

Ki chongchainahai khan nangni kin hriat mai ngai a ni, a dik taka a Nâipa Thurchi Sa insîrin ki lungrîl murdi’n a sin ki tho ngai, Pathian kha nin hriatpuitu a ni.

ROM KHUAA MIHAI KUANGA TÎRTÔN PAULA LEKHATHON 8:15

Nin Irtha dong kha suak anga ichia nangni inomtir nôk hrang ni loiin nâia nangni siam hranga Irtha a ni ual; khasika khan, “Abba! ka Pa” tiin ei ikhêk suak ngai a ni.

ROM KHUAA MIHAI KUANGA TÎRTÔN PAULA LEKHATHON 8:26

Khasikin Irtha khom khan ei hrât loinaa a ni changpui ngai. I anga chongchai hrang moh ti inhre mak meh. Irtha’n chu inrûm insîr theiloiin a ni chongchai pe ual a ni.

GALATIA 4:6

Nâi nin nih ti a felna hrangin, Pathian khan a Nâipa Irtha kha ei milung sûnga a hong tîra, “Abba, Ka pa” tiin a khêk suak ngai.

EFESI 6:18

Chongchai mai unglân, Pathian chu nin innang rikipin zong unglân, Irtha hruai ang takin, itiklai khom chongchai roi. Nin chongchainaa khan mi irthiang murdi hrangin mongloiin zong roi.

FILIPI 3:3

Eini Pathian Irtha zâra Pathian biak le Krista Jisua songa pên tiang thila irnghat loihai hi sertan dik tak ei ni ual a ni.

JOSUA 24:14

“Khasikin, Rengpa chu inzâ unglân dik takin a sin tho ngit roi. Mesopotamia ram le Aigupta rama nin pi le puhai ibiak ngai pathian illimhai kha pai zit roi.

1 PETERA toc2 1 PETERA 2:9

Nangni chu nam inthang, Rengpa ochai, nam irthiang, Pathian ta bîk, ama vâr irkhêl taka lût hranga inthim ata nangni koi suaktu Pathian sintho roiinpui inpuang hrang nin ni.

1 SAMUELA 12:24

Rengpa chu chi phot unglân, nin milung murdi’n ama sintho unglân, nin laia a sintho roiinpuihai le nin milung sûnga vong mai roi.