JOHANA 4:14 - PATHIAN LEKHABU IRTHIANG C.L. Bible (BSI)

¹⁴ Tukhom an kuanga ki ipêk hrang tui in ka chu an tui inhrâl nôk ta no ni. An kuang ki ipêk hrang chu an phîng sûnga tuihnâr hong chang a ta, kumtuang dênin kang ta no ni,” a tia.

JOHANA 4:14 ပူးပေါင်းရင်းမြစ်များ

ISAIA 49:10

An phîngchâmin tuiinhrâl ta ngai no nihai, phâivua lum le sûn misa lum khom chi ual no nihai. An hruaitu’n an renhaia, tui tamna hmuna a hruaihai ngai.

ISAIA 55:1

Hong roi, tuiinhrâl murdihaio, tui hi hong pan roi. Tangka sum nei loihai khom hong unglân, nin nêk hrangin bu hi tangka sum ni loiin hor chôk unglân, uain le dûttui hi hor cho roi, a man boiin.

ISAIA 58:11

Rengpa’n nangni hruai mai a ta, misa lum hnuaia nin dangchâr chu hek a ti. Nin irzuk murdi nangni pe sa a ti. Nin taksahai nangni inhrâttir a ta, tui tamna hmuna irhuan angin le tuikuang kang ngai loi angin ni nin ti.

JEREMIA 2:13

Ki mihaiin sual inhni an sin tâka; keima hringna tuihnâr hi an ni mâk raka, tuikuang an choia, tuikuang tui reng irting thei ngai loi chu.

JEREMIA 31:25

Mi hrât loihai inhrâttirhai ki ta, châmsôl irveihai chu infatirhai ki ti.

EZEKIELA 47:9

Khanchu tui luangna hmun tina khan ramsa chi tinrêng le ngahai om an ta, tui khan tuipui thia tuihai kha irthiangtir a ta, a luangna hmun tina hringna intungtir a ti.

LEVI DÂN 11:36

A thi ruak chu i ang khomin tôn sian a tôntu chu a porinchea, khannisian, tuikuanga, tui panga ta sian porinche ma.

MATHAIA 25:46

“Kha mihai kha, kumtuang hremnaa fe an ta, mi felhai chu kumtuang hringnaa fe an ti,” a tia.

MATHAIA 5:6

“Felna sika phîngchâma tuiinhrâlhai chu an vân a sa e, an la ikhop hrang a ni.

JOHANA 10:10

Inru chu inru hrang le mi that hrang le insiat hrang vaiin kêng a ihong ngai, kei chu hringna nin neina hranga, tamtak nin neina hranga zuang ki ni.

JOHANA 11:26

tukhom hring maia ni iam chu, kumkhua’n thi no ni; kha kha ni iam mo?” a tia.

JOHANA 4:10

Jisua’n a sâma, “Pathian thilpêk le ni kuang, ‘In hrang ni pe roh,’ tihtu hi inhre’n lân chu, a kuang ni inghi lem hrang a ni, ama’n chu tui hring nang a ipêk hrang a ni,” a tia.

JOHANA 4:11

Nupangnu khan, “Ka pu, kaisuana hrang ite lak nei mak chea, tuikuang a inthûk tia le te, kho taka mo tui hring ni inei?

JOHANA 4:13

Jisua’n, “Tukhom hi tui in murdi chu an tui lan hrâl nôk a ta;

JOHANA 4:36

Bu âttu chu a hlo a hmu ngaia, kumtuang hringna dêna om hrangin a ra a bûm ngai, a phuntu le a âttu an lôm irrual theina hrangin.

JOHANA 6:27

Bai a hek nôk thei irzûlin irvâk irvâk no unglân, kumtuang dêna om mai hrang hringna bu, Mihriam Nâipa’n nangni a ipêk hrang kha zong ual roi, Pathian, Pa khan ama a’rsinsia tâk sikin,” a tia.

JOHANA 6:35

Jisua’n, “Kei hi hringna bai chu ki ni; ki kuanga hong ka chu an phîngchâm no ni, tukhom a ni iam chu an tuiinhrâl ta no ni.

JOHANA 6:58

Hi hi irvân ata bai zuang chum chu a ni, nin irchibulhaiin bai an fâka, an ithi nôk ang kha ni mah. Hi bai fâktu hi chu kumtuangin hring mai a ti,” a tia.

JOHANA 7:37

Kût hnungkhôn taka, nikhua roiinpui taka khan Jisua a ngîra, hnukirhai inring takin a khêka, “Tukhom tuiinhrâl ka chu ki kuang hong sianlân, in ri se.

ROM KHUAA MIHAI KUANGA TÎRTÔN PAULA LEKHATHON 5:21

Khanchu, sual chu thina’n roi a rêla; ei Reng Jisua Krista zâra kumtuang hringna ei nei theina hrangin Pathian lungkhamna khan thiam inchangtirna’n roi a irêl tâk a ni.

ROM KHUAA MIHAI KUANGA TÎRTÔN PAULA LEKHATHON 6:23

Sual man chu thina a nia; Pathian thilmanboi pêk chu ei Rengpa Krista Jisuaa khan kumtuang hringna a ni.

2 KORINTH 1:22

ama khan ama ta ei nina irsinsia ei chunga a siaa, ei ta hranga thil a ibûmhai khapna’n ei lungrîla Irtha Irthiang a ni ipêk a ni.

EFESI 4:30

Pathian Irtha Irthiang kha beiindongtir no roi, irtanna ni hrangin ama ta ngei nin nizia Pathianin nangni a isinsia a ni.

1 PETERA toc2 1 PETERA 1:22

Atûn chu thutak nin zôm sikin nin lungrîl nin irthiangtira, urênghai lungirthung ta takin lung nin irthung tâka, nin lungrîl takin lung irthungirhlôm roi.

1 JOHANA 5:20

Pathian Nâipa kha a zuanga, Pathian tak kha inhre thei hrangin inhriat theina a ni pêk ti ei inhriat sa; khanchu Pathian tak khan ei iom a nia, Nâipa Jisua Kristaa khan. Hi hi a ni Pathian dik tak kha, hi hi a ni kumtuang hringna chu.

THUPHUANG 7:16

An phîngchâm ta no nia, an tui khom inhrâl ta no ni. Misa’n emhai ta no nia, a sâna lum rêng rêng tuang ta no nihai.

THUPHUANG 7:17

Belrate, rêngtoihmun inlainaa om kha a enkoltu ni a ta, hringna tuikhanglianhaia tuang a ti. Khanchu, Pathianin an mit ata mitrithi tinrêng huipai ta a ti,” a tia.