JOHANA 3:34 - PATHIAN LEKHABU IRTHIANG C.L. Bible (BSI)

³⁴ Pathian itîr khan Pathian thu an sîr ngai, Pathianin ama Irtha irkip a pêk sikin.

JOHANA 3:34 ပူးပေါင်းရင်းမြစ်များ

2 RÊNGHAI 2:9

Tui an irkân zoiin chu, Elija’n Elisa kuang, “Nangma rengata ilâkin ki om mân, imo nang tho pe inlân ni nuam?” a tia. Elisa’n, “Ni’rtha man bâk hni ang hi dong ki nuam,” a tia.

INPÂKNA HLAHAI 45:7

Felna chu nir ngai inhlua, pualoina chu ni khôkmâk kha; Khasikin, Pathian, ni Pathian chu ni rualhai nêka irkhêl raifânna sahriak nang a’rthûtir tâka.

ISAIA 59:21

“Keima’n nin laia thu ki ithung chu hi hih a ni,” Rengpa’n a ti. “Ki’rtha nin kuanga om le ki thu nin bâia ki isia khan atûn ata kumtuangin nangni suaksan ta ngai no ni; nin nâihai le nin tuhai nâihai ten khomin mâksan ngai no ni,” ti hi Rengpa thusuak a ni.

LEVI DÂN 7:35

Hi hi fâk hrang Rengpa kuang pêkna ata Arona le a nâihai, ochaia inkung indet hnunga an dongtum hranga pêk hrang chu a ni.

NAMBAR 11:25

Khanchu Rengpa kha sûm laia a zuanga, a chongpuia, Mosia kuang irtha a lei ipêk senkhathai kha lâkin hruaitu sômsarihai kha a pêkhaia. Khanchu irtha kha an chunga a chum le zel khan, deipuhai angin thu an hrila, khannisian kha kha chu tho thei mai ta mahaia.

MATHAIA 12:18

“En ta, ki siahlo ki inthang, Ki indit tak, Ki lungrîlin a ilôm tak tak hi; A sûnga ki’rtha sia ki ta, Khanchu, nam tin laia roirêlna thu inpuang a ti.

LUKA 4:18

“Inrianghai kuang Thurchi Sa insîr hrangin a nin thang sikin, Rengpa Irtha ki chunga a oma, mi intânghai kuang zôkna thu inpuang hrangin a ni itîr a ni. Mitchohai, mit vâr nôkna hrang le mi ihnuaisiahai zôkna hrangin.

JOHANA 1:16

A lungkhamna irkip ei dong seng, lungkham chunga hril thei ban lungkham nôkna.

JOHANA 15:26

“Irtharngamtu, Pa kuang ata nin kuang ki zuang itîr hrang kha, Pa rengata suak Irtha diktak kha a zuang tung tika ama’n ki thurchi nangni inhriattir a ti.

JOHANA 16:7

“Khannisianlân, thudik tak nangni ki hril, ki ife hi nin ta hrangin a sa ual, ki fe no’n chu Irtharngamtu kha nin kuang zuang no nia, ki fe’n chu nin kuang zuang tîr ki ti.

JOHANA 3:17

Pathian khan rammual thiamloi inchang hrangin a Nâipa rammuala tîr maka, ama sika rammual saninhringa an om theina hrangin a itîr kêng a ni.

JOHANA 5:26

Pa chu hringna hnâr a ini angin Nâipa khom kha hringna hnâr nina a ipêk a ni.

JOHANA 7:16

Jisua’n anni kha a sâmhaia, “Ki thu irchutir hi keima irchutirna ni maka, a ni tîrtu irchutirna a ni.

JOHANA 8:40

Atûna ni that nin itum hi, thutak Pa kuang ata ki inhriat, nangni hriltu hi Abrahama’n khaang khan tho ngai ma.

JOHANA 8:47

Pathian ata suak khan Pathian thu a’rngaitua ngaia; nangni’n chu ki thu irngaitua mak chêi, Pathian ata suak nin ni no sikin,” a tia.

TÎRTÔNHAI SINTHO 1:2

a tîrtôn inthanghai kha Irtha Irthiang hmangin chong a bêhaia, irvân tiang ihruaiin a om nî tena thu kha;

TÎRTÔNHAI SINTHO 10:38

Nazaret Jisua chu Pathianin Irtha Irthiang le sinthotheina’n a vurzia kha nin inhriat. Pathian khan a ompui maia, sin sa thoa inzin vêlin Diabola soisak murdihai an damtir thiaia.

ROM KHUAA MIHAI KUANGA TÎRTÔN PAULA LEKHATHON 8:2

Krista Jisuaa hringna Irtha dân khan sual le thina dân ata chu a nin suaktir tâka.

EFESI 3:8

Keima hi mi irthiang murdihai laia chîn tak nêk khoma chîn ual ki ni, khan khomin Pathianin Jentailhai kuang Krista irchongna suisuak zoiloi Thurchi Sa insîr hrangin a lungkhamna’n a nin kunga.

KOLOSA 1:19

Amaa Pathian nina irkip a om hi Pa nuamlam a ni.

KOLOSA 2:9

Krista takpuma khan Pathian famirkipna tinrêng kha a om.

THUPHUANG 21:6

Khan, ki kuang, “A’rzoi tâk! keima a maton tak le a hnungkhôn tak, a bul le a mong ki ni. Tuiinhrâlhaiin chu hringna tuikuang ata manboiin pe ki ti.

THUPHUANG 22:1

Khan, vântîrtôn khan hringna tui vadung krustal lung anga irtêk, Pathian le Belrate rêngtoihmun ata zuang luang kha a nin entira,