JOHANA 3:14 - PATHIAN LEKHABU IRTHIANG C.L. Bible (BSI)

¹⁴ Mosia’n ramchâra mirûl a inkhâi ang khan Mihriam Nâipa hi inkhâiin a iom hrang a ni.

JOHANA 3:14 ပူးပေါင်းရင်းမြစ်များ

JOHANA 8:28

Jisua’n an kuang, “Mihriam Nâipa hi nin inkhâi tika keima ki ni tih le, keima irchamin i khom tho ma ung Pa’n a ni ihril ang vai kin sîr ngai tih lan hria nin ti.

TÎRTÔNHAI SINTHO 2:23

Ama kha Pathian lei itum lei irêl angin nin kuang pêk a nia. Nangni’n nam dang mihai hmangin krosa nin hembea, nin ithat kha.

MATHAIA 26:54

Khannisian, ngên ta inlân Pathian lekha thu kha itin mo a hong itung thei hrang?” a tia.

INPÂKNA HLAHAI 22:16

Uihaiin an ni’rhual vêla: Thil saloi thotu om khômhai khan an ni’rhual khaka; Ki kut le kehai hi an inphopa.

2 RÊNGHAI 18:4

Nam dang pathian biakna hmun irsânghai an siata, an lungphunhai khom an khiakpaia, pathiannu Asera illim, thing an iphunhai khom an siatpaia, Mosia dâr mirûl illim siam Nehustan an iti khom kha an siatpaia, kha zoro dênin Israelhaiin dâr mirûl illim ta hranga hâlirvôm thilinhlan ngai a ni.

LUKA 24:20

Ama kha Ochai inlalhai le ei roirêltuhaiin that hrangin an pêka, Krosa an hembe thu kha.

ISAIA 11:10

Kha ni tena khan chu Jesaia irchia rêng hong suak kha nam tinhai hranga irsinsiana ni a ta, a omna hong pan an ta, chôiindôm an ti.

MATHAIA 8:20

Jisua’n a kuang “Sihalhaiin khur an neia, chunglêng vahai khomin riak hmun an nei; Mihriam Nâipa hi chu a lu irnghatna hrang lua nei ma,” a tia.

JOHANA 6:51

Keima hi irvân ata bai hring zuang chum kha ki ni. Hi bai hi tukhomin an fâkin chu kumkhua’n hring mai an ti. Bai ki ipêk hrang chu ki taksa hi a ni, rammual hringna hranga ki ipêk kha a ni,” a tia.

JOHANA 18:32

A thi hrang thu Jisua’n a lei insîr a hong tung theina hrangin khahai kha a hong iom a ni.