JOHANA 3:11 - PATHIAN LEKHABU IRTHIANG C.L. Bible (BSI)

¹¹ Thudik nang hril ki ti, kin inhriat kha kin insîra, kin ihmu kha kin inhriattir ngai, tûte’n kin thu inhriattir pom nuam mak chêi.

JOHANA 3:11 ပူးပေါင်းရင်းမြစ်များ

ISAIA 50:2

Ki hong lai khan tûte’n ni uksak mak chêia, Nangni ki koi lai khan tûte’n ni sâm mak chêi; sansuakna hrangin ki kut a ibong mo nin isôn? Sansuak hrangin ki ihrât loi mo nin isôn? tuipui khom ki hala, a kang theia, Tuipuihai khom kin chârtir thei, tui a om no sikin nga an thia, an thu zoi ta.

ISAIA 53:1

Tu mo kin thu inhriathai hi zôm hrang? tu mo Rengpa kut inlang hi hmu infel hrang?

ISAIA 55:4

Mihaiin ki roiinpuizia an inhriat theina hrangin, Ama chu nam hruaitu hrangin kin kung ta.

ISAIA 65:2

Sûn sôtin anni hrangin ki bân ki phara, tehel nuamtuhai hin an inuam lam vai an zonga, an omdân hi dik mah.

MATHAIA 11:27

Thil tinrêng ka Pa’n a ni pêk ta. Pa ti no’n chu tûte’n Nâipa inhre mahai. Nâipa bana chu tûte’n Pa khom inhre mahai, Nâipa’n a inpuangnahaia ti no’n chu.

MATHAIA 23:37

“O Jerusalem, Jerusalem! Deipuhai thattu, Pathianin ni kuanga itîra omhai lei dêng thattu! Ârpuinu’n a têhai a mitha hnuaia a iop khôm angin ni nâihai voi iza mo op khôm ki tuma, nuam mak che?

LUKA 10:22

Ka Pa’n itinrêng a nin koltir ta, Nâipa hi tu mo a ini, Pa ti bana chu tukhomin inhre mahai; Pa khom tu mo a ini, Nâipa le Nâipa’n a inpuang nuamhai laia ti no chu, tukhomin inhre mahai,” a tia.

JOHANA 1:11

Ama ram ngeia a zuanga, aniachu ama mihaiin lei lôm mahai.

JOHANA 1:18

Tukhomin Pathian hmu ngai mahai; Pa Nâipa nei sun, a rôpsuama om khan, a thurchi an hriattir ta a ni.

JOHANA 12:49

Keima phuachôpin insîr ma unga, Pa, a ni tîrpu ngei khan, ki insîr hrang le ki iti hrang kha ircham a ni ipêk a ni.

JOHANA 14:24

Lung ni thung loitu chu ki thu zôm maka, thu nin inhriat hi keima thu ni maka, Pa a ni tîrtu thu a ni ual.

JOHANA 3:12

Rammual thil ki insîr lua iam mak chêia, irvân thil len vâng te nangni hril inlân itin mo nin iiam thei hrang?

JOHANA 3:13

Tukhom irvâna kâi ngai maka, Mihriam Nâipa, irvân ata zuang chumtu vai ti no chu,” a tia.

JOHANA 3:3

Jisua’n a sâma, “Thudik tak nang ki hril, mi tukhom a suakinthar no’n chu Pathian Ram hmu thei no ni,” a tia.

JOHANA 3:5

Jisua’n, “Thudik nang hril ki ti, mi tukhom tuia le irthaa an suak no’n chu Pathian Rama lût thei no ni.

JOHANA 5:43

Ka Pa irchamin ki zuanga, khannisianlân ni lei lôm mak chêi; mâni irchamin tu mo khat zuang sianlân lei lôm nin ti.

JOHANA 7:16

Jisua’n anni kha a sâmhaia, “Ki thu irchutir hi keima irchutirna ni maka, a ni tîrtu irchutirna a ni.

JOHANA 8:14

Jisua’n, “Mâni thu inhriattir ki ni khomin ki thu inhriattir chu a dik a ni, ki zuang suakna le ki fena hrang kin hriata, nangni’n chu ki zuang suakna le ki fena hrang inhre mak chêi.

JOHANA 8:26

Nin chungchânga insîr hrang le rêl hrang tamtak ki nei; i khom nisian, a ni tîrtu chu mi diktak a ni, a kuang ata ki inhriat vai rammual kuang kin sîr ngai,” a tia.

JOHANA 8:38

Keima’n Pa kuanga ki ihmu kin sîra, nangni khom nin Pa kuang ata nin inhriat kha nin insîr ngai,” a tia.

TÎRTÔNHAI SINTHO 22:18

Rengpa ki hmua, ki kuang, ‘Irhnotin lân, Jerusalem mapai chian ro; ki thu ni insîr hrang hi an pom no hrang sikin,’ a ni tia.

2 KORINTH 4:4

Hi rammuala pathian saloi khan an milung inchong inthima a sia pehai sikin an iiam loi a ni. Krista, Pathian angna neitu roiinpuizia Thurchi sa vâr an chunga zuang inlang kha an hmu loina hrangin an mit a incho pehai a ni.

THUPHUANG 1:5

Jisua Krista, inhriatpuitu iamom tak, thina irthoka thoinôk masa tak le rammual rênghai chunga roirêltu kuanga irthok ata, lungkhamna le irngeina kha nin ta ni ri se. Lung a ni thunga, a thina sikin ei sualhai ata a ni’rtansuaka,

THUPHUANG 3:14

Laodikei koiindanga vântîrtôn kuang hiang hin irziak roh: “Hi thu hi Amen, inhriatpuitu diktak le iamom tak Pathian thilsiam bul khan a insîr a ni.