JOHANA 3:10 - PATHIAN LEKHABU IRTHIANG C.L. Bible (BSI)

¹⁰ Jisua’n a kuang, “Israelhai irchutirtu ni nia, kha kha ni inhriat loi mo?

JOHANA 3:10 ပူးပေါင်းရင်းမြစ်များ

1 THURCHI SUINA 29:19

Ki nâipa Solomona hi, ni thupêk irzuk taka a zôm theina hrangin hrungin lân, ni tempila hmangrua ki ilâk pehai hi, a sin zoi theina hrangin changpui mai ro,” a tia.

INPÂKNA HLAHAI 51:10

O Pathian, keimaa hin milung irthiang tak siamin lân; Ki phîng sûnga hin irtha diktak siamthar nôk ro.

INPÂKNA HLAHAI 51:6

Irngai ta, sûngrîl tianghai hin takna ni nuam ngaia: Khanchu inlang loina tiang hin vârna nin hretir ni ti.

INPÂKNA HLAHAI 73:1

Pathian chu Israelhai chunga a sân a sa mai, Milunga irthianghai chunga khan.

ISAIA 56:10

Râl vêngtuhai mit chu an chotira, ite hmu thei loiin. A hrungtua siaa ui inmûk nuam loi ang hi a ni. Irmang nei raka inmurhnik vai nuam, zâl phâmhmohai:

ISAIA 9:16

An nam hruaituhai hin an hruai insualhaia, an ihruaihai khom an irhmang zoi tâk a ni.

JEREMIA 31:33

Kha ni tena Israel in sûngkuahai le ki thuthung hrang chu hi hi a ni. An lungrîla ki dân sia ki ta, an milunga irziak sa ki ti. Kei an Pathian ni ki ta, anni chu ki mihai ni an ti.

EZEKIELA 11:19

Anni chu lungrîl hmunkhatin siam ki ta, lungrîl thar pêk ki ti; khan an taksa ata lungrîl lung anga ngar chu la ki ta, an kuanga khan taksa lungrîl irnêm pe ki ti.

MATHAIA 11:25

Kha laia khan Jisua’n “Ka Pa, irvân le irnêng Rengpa! Mi vâr, mi thiamhai laia ni iip kha mi inmôlhai laia nin puang sikin, lômthu kin sîr a ni.

MATHAIA 15:14

An chungchânga nin milung inbuai no roi! Anni kha mitchohai hruaitu mitcho an nia; mitcho khan mitcho dên a hruaiin chu an ruaiin khurpadopa tâk an ti,” tiin a sâma.

MATHAIA 22:29

Jisua’n an kuang, “Nin irngai insual bâka! Asan chu Pathian thu le Pathian irtha nin inhriat no sika a ni.

LUKA 2:46

A sûn thum ni’n chu Tempila, irchutirtuhai kuang lei toiin an hong hmu tâka; an thu a lei irngai le lei irdonhaiin an va hmu tâka.

LUKA 5:17

Sûn khat chu Jisua’n mi ar chutira, a kôla Farisaihai le Dân irchutirtuhai an toia, Galili le Judai ram kho tin ata le Jerusalem ata hong an nia. Mi indam theina hrangin Rengpa Irtha Jisua chunga a oma.

JOHANA 3:9

Nikodema’n, “Kha kha itin mo a ini thei hrang?” a tia.

TÎRTÔNHAI SINTHO 5:34

Khannisianlân, Farisai inkhat; ar hming Gamaliela, Dân irchutirtu, mi murdi irngaisâng tak kha Sanhedrin-ah khan a ngîra, tîrtônhai kha insuahai viat hrangin enkoltuhai kha a hrila.

ROM KHUAA MIHAI KUANGA TÎRTÔN PAULA LEKHATHON 2:28

A chungphua ringota Juda mi ki nih ti chu Juda mi tak tak ni mah, taksa ringota sertan chu sertan tak tak ni nôk sa mah;

DÂN INHNINA 10:16

Khanchu, atûn hin chu Rengpa thu kha zôm unglân, nin tukul inlian ta no roi.

DÂN INHNINA 30:6

Rengpa nin Pathian khan nin irchihai leh thu zôm theina milung nangni pe a ta; khanchu, ama kha a sân lungthung nin ta, kha rama khan nin iom mai thei hrang a ni.

FILIPI 3:3

Eini Pathian Irtha zâra Pathian biak le Krista Jisua songa pên tiang thila irnghat loihai hi sertan dik tak ei ni ual a ni.

KOLOSA 2:11

Kristaa khan sertan nin ni tâk, mihriam kuta tan ni loiin, sual sinthotheina ata kêlsuana hrangin Kristaa sertan nin ni ta.