JOHANA 2:4 - PATHIAN LEKHABU IRTHIANG C.L. Bible (BSI)

⁴ Jisua’n a sâma, “Nupang ithoa mo ni hong irrol? ki zoro a la itung loi kêng,” a tia.

JOHANA 2:4 ပူးပေါင်းရင်းမြစ်များ

JOHANA 7:6

Jisua’n an kuang, “Ki zoro la tung ma, nangni zoro chu itiklai khomin a tung mai.

JOHANA 13:1

Ferkân Kût hrang a hong ni tâka, Jisua’n hi rammual suaksana Pa kuang a fe zoro a tung ta ti an hriata; Ama mi, rammuala om a lungthunghai chu a mong dênin lung a thunga.

JOHANA 8:20

Kha thu kha Tempil tholôm bôm siana hmuna ar chutir laia a insîr a ni. Tukhomin chel mahai, a zoro a la tung no sikin.

JOHANA 7:30

Khanchu chel an tuma, khannisianlân, a zoro a la hong tung no sikin tûte’n tôn thei mahai.

JOHANA 12:23

Jisua’n a sâma, “Mihriam Nâipa chôiindôma a om zoro a hong tung ta.

THUHRILTU 3:1

Thil tinrêng ta hrangin zoro a oma, vân hnuaia thil tinrêng ta hrangin zoro irfûk a om.

MATHAIA 8:29

Voi khat rengin khahai kha an khêka, “Pathian Nâipa, imo ni lo hrang ni iti? Zoro inkung tung mâna deng nin thei hranga ni izuang ma ni?” an tia.

2 SAMUELA 19:22

Khannisian Davida khan Abisaia le a upa Joaba kuang khan, “Nin irngaidân hril hrangin tu’n mo nangni a inphût? Nin ni inbuai hrang mo a ini? A vuan hin Israel rêng chu keima kêng ki ini. Khasikin a vuan hin Israel mi murdi that hrang ni maka,” a tia.

2 SAMUELA 16:10

Reng khan, Abisaia le a urêngpa Joaba kuang khan, “Nangni’n nin ni inhriatpui hrang ni ma. Rengpa’n ama kha khomâksâm roh a iti pe kêng, khasikin khomâk a ni isâm a ni’n te tu ngân mo a ini? I lo hranga mo hianga a itho? Tu ngân mo a ti thei hranga,” a tia.

JOHANA 20:15

Jisua’n a kuang, “Nupang, ithoa mo ni ichap? Tu mo ni izong?” a tia. Ama khan irhuan enkoltu mani a sôna, a kuang, “Ka Pu, ama kha ni ilâkpai a ni’n chu, ni isiana nin hril ro ba; khanchu la ki ti,” a tia.

JOHANA 20:13

Anni khan a kuang, “Nupang, ithoa mo ni ichap?” an tia. Ama khan an kuang, “Ki Rengpa an lâkpaia, an isiana inhre ma ung,” a tia.

LUKA 2:49

“Itho mo nin ni izong? Ka pa ina ki om ti nin inhriat loi ma ni?” a tia.

MATHAIA 15:28

Khasikin Jisua’n a kuang, “Nupangnu a sân ni iam, ni inuamlam ang takin ni chunga tung ri se” a ti pea. Khanchu, a nâinu kha, kha zoro lai taka khan a hong dam tâka.

DÂN INHNINA 33:9

A nuhai, an pahai, chunga an iamom nêkin, ni chunga an iiamom ual a ni. Ni thupêk an zôma, ni thuthunga a iamom a ni.

2 KORINTH 5:16

Khasikin mihriam irkhî lamin tûte hril insiat ta no ni ung. Mihriam irkhî dânin Krista lei inhre ta khom unglân, tho ta ma ung.

1 RÊNGHAI 17:18

Meithâinu khan Elija kuang khan, “Pathian mi, itho mo hianga ni ni ilo? Pathian kuang ki sualna târinlang hrang le ki nâipa that hranga ni ihong kêng a ni hi te,” a tia.

JOHANA 2:3

Uain ruk ta mahaia, Jisua nu khan a kuang, “Uain an irsam tâk kêng,” a tia.

JOHANA 7:8

Kûta hong fe roi. Kei chu atûn chu la hong fe no ning; ki zoro a la tung no sikin,” a tia.