JOHANA 2:16 - PATHIAN LEKHABU IRTHIANG C.L. Bible (BSI)

¹⁶ Khanchu phervali zuartuhai kuang khan, “Hi hi la suak roi, Ka Pa in hi bazar hmunin siam no roi,” a tia.

JOHANA 2:16 ပူးပေါင်းရင်းမြစ်များ

MATHAIA 21:13

an kuang, “Pathian Thubua, Pathianin, ‘Ki in chu chongchaina in ti an ti,’ ti irziak a ni. Khannisian, nangni’n chu nakhrâtsonghai khura kêng nin isiam a ni hi,” a tia.

JEREMIA 7:11

Ki in hi inrûhai irbîkna hmun nin isôn ma ni? Nin thil tho ki lei ihmu a ni.

MARKA 11:17

Khanchu, an kuang, “ ‘Ki in chu nam tin ta hranga chongchaina in ti an tih,’ ti irziak a ini loi ma ni? Nangni rêkin chu inruhai chêng inbualna’n nin isiam hi,” tiin a’rchuhaia.

LUKA 2:49

“Itho mo nin ni izong? Ka pa ina ki om ti nin inhriat loi ma ni?” a tia.

2 PETERA toc2 2 PETERA 2:3

Sum an hmu theina hrangin huatirham takin an thu phuachôp khan bepârna hrangin nangni an hmanga; khannisianlân, tiana an chunga roirêl sai tâk chu om chian chian no ni, anni irhmangtirtu hrang kha a ihar chian tâk a ni.

JOHANA 5:17

Jisua’n an kuang, “Atûn ten Ka Pa’n sin a tho maia, kei khomin ama angin ki isin a ni,” a tia.

1 TIMOTHEA toc2 1 TIMOTHEA 6:5

Lungrîl siat tâk, thudik man phâk ta loi, sakhua hi irchongna hranga hmang tumhai an ni.

JOHANA 20:17

Jisua’n a kuang, “Ni tôn no roh, Pa kuang khom la hong fe ma ung; khannisianlân, ki urênghai kuang va fe’n lân, an kuang, ‘Ka Pa, nin Pa, Ki Pathian, nin Pathian kuang kâi hrang ki ni’ a ti, ti roh,” a tia.

JOHANA 10:29

Anni ni pêktu Ka Pa chu itinrêng nêka roiinpui ual a ni; Ka Pa kuta om chu tûte’n sutpai thei mahai.

JOHANA 8:49

Jisua’n, “Ramilhli ichel ni ma unga, Ka pa ki ichôiindôm kêng, nangni lakin ki thang nin insiaa.

MATHAIA 21:12

Jisua kha Tempila a va lûta, kha khan thil zuartuhai le irchôkpuhai kha an hnot suakhai zita. Sum thûltuhai maichâm le phervali zuartuhai toihmunhai khom a nam inrîl pehaia,

MATHAIA 22:5

Khannisianlân, lei ngaisak mahaia, an sintum chit an sina, inkhat chu loia a fea, inkhat chu dukana a fea,

JOHANA 2:15

Zêmna hruihrual ang hi a siama, an bêlrahai, sehrâthai, sa dang murdi leh khan an hnot suakhai zita; sum thûltuhai maichâmhai kha a naminrîla, an poisahai kha an thekpai pehaia.